[[麵包王子不正常日常—隨便說說—Three]] 4 OCT 2018

叫救護車有感（長文）

最近電視廣告講過叫救護車時候，接線生會教你一般急救方法。我一直都覺得好正常，可能係因為我本身有了解過少少急救方式（只係了解，我係冇正式學過）。

但我真係我冇諗過我call白車會call到想屌出嚟咁濟：

事緣尋晚，有個人左手尾指俾蜈蚣咬到，幫佢call白車，講曬傷者所有情況，然後個接線生叫我唔好收線教我點處理，佢叫我要個傷者用個舒服嘅姿勢等救護車，呢點我覺得好合理（雖然個傷者仲係咁四圍走咁，好似唔識聽人話咁樣，叫佢都肯坐定，難度大約3粒星）。

跟住接線生同我講，如果傷者有嘔吐見頭暈，就要將傷者打側個身……咁呢…我就覺得我開始消化不良啦——如果個傷者坐喺度面向我，而佢開始嘔吐，我應該點樣將佢個身打側呢？？係將佢個身由正面向我搬到側面向我嗎？？定將佢個上身向左丶右傾？？ 如果個人瞓低咗喺地下，咁又要點樣打側個身呢？？我諗如果冇了解過急救嘅人其實應該聽唔明（其實原因係怕傷者既嘔吐物塞氣管窒息），至少我覺得我肯撚定聽唔明（事後我同冇學過/了解過急救既同事傾開，佢地表示聽唔明）。

去到最後個接線生講如果傷者暈低要打番電話畀佢通知佢哋。好！最終手段我理解，但我想講，其實呢個電話我講咗7、8分鐘左右， 而最近打電話叫救護車基本上都要等好耐先至入到線，我試過足足等20幾分鐘都冇人接聽，然後決定打999 ，睇下999快啲定救護站快啲，到最後 999大約等咗六分鐘左右有人聽 ，而救護站嗰個電話都仲未有人聽，即係救護站25至30分鐘左右都冇人聽。要知道打999係要出埋警車丶消防車。姐係話，你唔想增加呢邊人手但就要增加d唔關事既人手……其實呢個計劃唔係唔好，但接線生要好了解點樣可以用最簡單直接既方式教到人，而打電話既人一定唔可以係冇知識冇常識既生番。

政府搞咁多嘢，又唔增加救護資源，有咩用？？香港大白象工程！有錢搞。袓國天災人禍！有錢捐！！香港增加醫療資源？！你班香港人想乞衣兜攞飯食嗎？肯撚定係想分化香港，想搞港獨！！絕對係千古罪人，罪該萬死！！

香港每日都有百幾人落嚟，白車等醫療服務只會越來越緊拙，唔通上面班大爺同受神感召既「聖人」真係想睇吓香港可以玩到幾時？？