大學ê生活 作者:Ko Ka-hui 日期:20170205

Guá tsiok huâi-liām ê大學生活；guá大學ê生活tsiok tsing-tshái--ê. Ê kí-tit,guá tī大學一、二 nî ê sî, guá tsham-ka siā-thuân ê ua̍h-tāng,

ū魔術社、真理活泉社、直排輪社, guá tsham-ka siōng kú ê sī魔術社和真理活泉社, guá tī魔術社koh ū tsò kàn-pōo. 大學二 nî ê sî guá tsò 副社長, kàu大三ê sî guá koh tsò美宣長, tī tsia-ê tam-jīm kàn-pōo lāi-té, mā o̍h-tio̍h tsi̍t-kuá-á mê kak, guá kám-kak tsin ū sîng-tsiū-kám.

Guá tī siā-thuân si̍k-sāi tsiok tsē pîng-iú, ū學長mā ū學妹ka學弟, siōng tiōng iàu--ê sī guá o̍h tio̍h變魔術ê技巧, kap ìng-tuì lâng ê hong-huat, tse tuì guá tsiok ū pang-tsàn--ê。

Tī guá ê 大學生活中真理活泉社tsiàm一大部分。Siūnn khí guá tī大一ê sî-tsūn ,ū tú tio̍h khùn-lân, hit–tsūn guá sing-ua̍h kuè kah tsiok thòng-khóo--ê, tī大一 ê āu ha̍k-kî , guá tú tio̍h sìnTsu-Ia-soo ê 姊妹, in kā guá pang-tsōo , hōo guá li̍k-liōng, sóo-í guá hit ê sî-tsūn siū-sè piàn tsò基督徒ah！真理活泉社 tsiok tsē lóng sī kàu-huē ê lâng , guá kám-kak tsiok un-luán--ê,guá kám-siū lâng hōo guá ê un-luán , ǹg-bāng guá ē-tàng tsò tsi̍t ê hōo lâng un-luán ê lâng！