〈住十五樓 養嘅牛牛〉::身邊故事::｜在在專欄

細個睇卡通，都會經常聽到嘅一首歌，唔係卡通片主題曲，唔係新聞報導前奏，係呢一首廣告歌：
「如果有太多牛奶味，朱古力味冇定企，等到朱古力味 返番嚟，牛奶味又唔爭氣…」

睇完，次次都會問「點解隻牛要養係 15 樓嘅？咁我哋呢幢大廈 15 樓有冇牛牛？」呢個問題，我同家姊哥哥都有討論過。
「牛點會係 15 樓咖？」
「牛係草地咖嘛！」
「係咪佢哋隻牛先住 15 樓咖？」
「咁我哋呢幢大廈 15 樓有咩呀？」最後，我認唔住問。
「有收買佬囉！」
「吓？！收買佬住 15 樓？！」
「咁會唔會又有收買佬，又有牛牛呀？」
「15 樓得收買佬咋！」

細個唔係好明咩叫收買佬，爸爸話，佢地專門買人地唔要嘅嘢，然後賣去非洲。

「收買爛銅爛鐵！噹～噹噹～收買收音機電視機雪櫃洗衣機！噹～噹噹～」

每隔一段時間，屋企有野唔要，爸爸就會叫我哋留意住收買佬幾時出現。佢唔一定會收我哋嘅嘢，不過有時就算唔收，我哋都會話俾埋佢。
最後一次叫收買佬黎，係賣走媽媽部座地衣車。

「勝加嚟咖！我好唔捨得！好貴咖！好值錢咖！買唔返！」媽媽忍唔住喊出黎。
「$200 啦，宜家唔興啦，無人要～」
「多啲啦！」
「無得再多啦！」

最後爛到喊嘅價賣了，媽媽喊了出來。然後，媽媽說收買佬只拆了摩打拿走，其餘部份他隨意掉在後廊。媽媽好不心痛。

::煉藝在道〉在在共識者｜專欄::文 ◣ 身邊 Olga