文化部佇今年9月份開始有「擴大推動電子書計次借閱服務」，若有國內任何一間公共圖書館ê借閱證，入去平台就會使借電子冊，佇手機仔/平板/電腦 攏會使看。若借冊，作者佮出版社會有收入。借冊毋免等，隨時會當借，仝一个時間上濟會當借十本，還冊了後就會當閣借下一本冊，等於是講無限制借幾本冊。台語冊資源真濟~有語詞諺語、報刊、嘛有適合囡仔的有聲冊。用這來推廣台語，無論教學上、欲做補充資料抑是自我精進攏足有幫贊！
台語書籍
下面是較捷咧用的電子冊平台。
｜ 台灣雲端書庫 進入了後選擇家己所蹛ê縣市｜HyRead ebook進入家己蹛ê縣市｜iLib Reader 國立公共資訊圖書館 ｜udn讀書館｜華藝電子書｜國家圖書館
這篇主要欲講HyRead的使用問題，欲使用進前先看這頁 HyRead使用方法 試看覓按怎借冊
下面是使用時愛注意的問題
第一、愛確定入去正確的網站
- ❌毋是電子冊官方網站(彼是愛開錢買冊才會使看)
- ❌毋是入去圖書館網站(彼借紙本冊咧使用的)。
- ✅是電子冊佮縣市圖書館結合的網站(借電子書專用)，其中圖樣是電子冊標誌佮圖書館的標誌，請確定有包括著兩个標誌。(有的縣市無按呢的圖樣，若借冊時拄著愛付費才會使看，就檢查看覓是毋是網站重耽去矣。
確認登入網站
若是毋知影按怎揣，會使直接揤下底的網鍊入去
HyRead ebook @ 新北市
台灣雲端書庫 @ 新北市
HyRead ebook @ 基隆市
台灣雲端書庫 @ 基隆市
HyRead ebook @ 彰化縣
台灣雲端書庫 @ 彰化縣
HyRead ebook @ 桃園市
台灣雲端書庫 @ 桃園市
HyRead ebook @ 新竹縣
台灣雲端書庫 @ 新竹縣
HyRead ebook @ 新竹市
台灣雲端書庫 @ 新竹市
華藝 @ 新竹
HyRead ebook @ 嘉義縣
台灣雲端書庫 @ 嘉義縣
HyRead ebook @ 嘉義市
台灣雲端書庫 @ 嘉義市
HyRead ebook @ 臺南市
台灣雲端書庫 @ 臺南市
HyRead ebook @ 高雄市
台灣雲端書庫 @ 高雄市
HyRead ebook @ 屏東縣
台灣雲端書庫 @ 屏東縣
HyRead ebook @ 宜蘭縣
台灣雲端書庫 @ 宜蘭縣
HyRead ebook @ 臺東縣
台灣雲端書庫 @ 臺東縣
HyRead ebook @ 金門縣
台灣雲端書庫 @ 金門縣
第二、登入問題
- 口座暗碼：譬論講台南市是身份證號和生日四碼，高雄是身份證佮年次/生日(六抑是七碼)，每一个縣市攏無仝，照頁面頂的指引輸入口座暗碼。
- 若是頭一改使用公共圖書系統，著愛點選網路申辦，申請了後隨就會當使用。
若是借冊量較濟，會使申請一證通會較利便，審查會較久。 - 若是系統問題，無法度使用【HyRead】就換做【台灣雲端書庫】試看覓。
- 若是猶閣無法度入去，請敲電話去家己所蹛ê縣市任何一个圖書館，請館員協助。
登入帳號密碼
第三、如何借冊
- 用頂懸逝譀鏡搜揣冊名>點選柑仔色『借閱』>點選確定>點選即時看冊。(借閱時通常會自動跳轉。
- 欲借台語冊，關鍵字建議搜揣：台語/臺語 抑是 冊名 作者ê名
嘛有一改搜揣全台灣圖書館電子書的網頁，
借閱流程
- 點借冊了後，若猶是無反應，就去頂懸正手爿會員中心>點開冊房>揣著冊了後選擇>線頂閱讀
我的書房
- 愛會記得一定愛將冊拍開看，若是無拍開就還冊，超過5本，會予系統禁止借冊一個月喔！
- 另外，如果是用App看冊>請入去家己所蹛ê縣市圖書館，才閣輸入口座暗碼。
- 手機仔APP 電腦軟體 兩項載具攏會使同齊看
切換圖書館
第四、閱讀台語字或者是羅馬拼音有問題
- 讀拼音的時，譬論講若拄著It會顯示做它、gōo gue̍h顯示做咕咕。這時愛關掉網頁的自動翻譯功能，就會顯示正確的羅馬拼音字。
錯誤的拼音
正確的拼音
有時若讀字讀起來袂媠氣，嘛著愛檢查翻譯的選項敢有關起來，切換一下改做原文英語，無的確就會解決讀起來袂順的問題喔。
推薦逐家使用圖書館資源，借台語電子冊。用佇家己學習、家庭共讀、學校教學、補充資料攏方便。
.png)
.png)
