第三篇---如何孩子出世後先愛自己

為何頭2篇要先說愛自己呢？很多人其實都不懂先愛自己，由其做了媽媽的女人們，很多家庭媽媽生了孩子，集中力都在孩子身上，由其初出身嬰孩，無論媽媽自己定家人都以孩子優先，漸漸地媽媽嘅情緒感受都慢慢被人放在最後。

由嬰孩出世餵哺母乳開始，身邊就開始很多不同聲音出現，例如：bb要食母乳先健康呀！點解你咁少奶架！點解你唔餵母乳要bb 食奶粉呀！點解你食咁少嘢架，冇營養更加冇奶啦！諸如此類嘅說話......其實bb出世那一刻開始，不是應該第一句先關心媽媽嗎？媽媽經歷震痛多個小時，順利就順產啫，不順利仲要捱多刀，由生產完，媽媽身體傷口嘅痛，內在精神情緒變化都不停在轉變，但有幾多人會先處理媽媽,（不是所有人都是，我只是說大部份嘅人,總會有少數人對自己太太好細心，但真的不多）所以我才說，要先愛自己呢！

愛自己不是說不理其他東西，做一個自私嘅人，而是在做任何事情過程中，都要留一個位置問問自己，辛苦嗎？而我是選擇政府生小朋友，一直以來都想著自己要順產，可惜到了生產那一刻，痛了十多個小時，還是要開刀呢！開刀後我和bb都發燒，餵人奶也不順利，可能我一直發燒，醫院亦不給予我退燒藥，原因是餵人奶不可以食任何藥物（當然我現在想回來都覺得荒謬，食粒必理痛都唔比，傻的嗎？）餵了3天，哭了3天，情緒不好，討厭bb,我相信自己已患上產後抑鬱，第一個安慰我的人是睡在我對面床一位女士，她的bb只有3磅，她跟我說：「bb唔食人奶冇問題架！你太辛苦的話就餵奶粉吧！」聽完之後我又哭了，之後醫生巡房，我第一句就叫他開止痛藥給我，要特強的，醫生又再問我，你唔餵人奶嗎？餵人奶不可以食藥。我又哭著對他說：「我唔餵人奶啦！餵奶粉啦！我要食止痛藥。」刀口起碼10cm大，行步路都想死，生產後仲要貧血，塊面白如一張白紙。

從前我也不懂愛自己，但為了我的女兒，我亦不斷學習，我學習怎樣做一個好媽媽，學習如何教出一個情緒好，又快樂的小朋友。我也經歷過將所有心機時間在我家庭，而我自己放到最後位置。因為我是同老爺奶奶一起住，更要令生活環境保持和諧氣氛，孩子才能起健康環境長大。

所以我也曾經經歷了做任何事情之前先顧他人，不經不覺之間自己出現了情緒病，但自己亦未發現問題嘅嚴重性。繼續以小朋友優先，家人優先，直至經歷不斷出入醫院，查來查去也找不到原因，我再為自己找尋答案。開始練習深層呼吸，要30分鐘不做任何事情，自己獨自一個空間，播放純音樂，燃點自己喜歡的香薰味道，過程中腦海會不斷很多事情想令自己郁動，但要堅持不理會，完成了這30分鐘，發現望什麼東西都很順眼，心情愉快。當然一開始未必人人做到，但可以由5分鐘開始，慢慢一直加上去，時間做得越耐，成效更大（外間一個呼吸課程都要幾千元）為何可以免費自己嘗試，也不踏出第一步。人類給予自己時常太多藉口，常說沒有時間，時間是自己安排出來的，你不願意幫自己，誰人也幫不了你。