拼音轉換 台羅、白話字 攏會通

1.烏衣行閩南語漢字轉拼音

真好用的拼音轉換工具，有兩種無仝的使用方式：

第一種是漢字轉拼音

只要共漢字貼起去，揤拼音就會使規句換做拼音。
(無一定完全正確，愛閣詳細檢查一下。)

漢字轉拼音

第二種是漢字轉漢字+拼音(做教材)

揤漢字+拼音，就有漢字頂懸標註拼音
適合用佇咧製作教材

產生漢字拼音

貼去Word時，選擇保持來源格式

欲愛改變字型大細舊照下底的方式做修改
先共欲改的字選起來>右鍵>選擇功能變數

詳細說明歡迎參考這篇詳細操作說明：
快速將台語教材標註羅馬字：烏衣行閩南語漢字轉拼音工具教學

2.意傳 台羅POJ轉換器

拼音轉拼音

台羅佮白話字互相轉換的工具。毋管是符號調號、數字調號、台羅拼音抑是白話字攏足方便轉換。拿著較無熟的拼音標註，就會使使用這个工具做轉換。

3.意傳 鬥拍字

漢字拼音轉換

共字貼起去電腦會產生音檔唸台語予你聽，並且伊會產生漢字佮台羅的對照。
(調號、數字、台羅、白話字、半漢羅，攏會通。)

4.讀音選擇工具

漢字標拼音

使用方法　
字型下載
（要貼去Word時要有對應字型，才會顯示標註的拼音，譬論講：需要字的頂懸有台羅拼音，我就愛下載安裝台羅拼音的字型，我的Word才會顯示拼音)
進入網頁
貼上文字＞選擇標註讀音方式

揤開始了後會使選擇拼音，確定無問題才閣揤完成。
(這个工具真適合製作朗讀較濟文言音的古詩，是佮別的工具較無仝的所在)

複製了後，貼去Word>選擇對應的字型。