我覺得我自己對自己嘅不滿意，源自於自己太過介意人地期望，將人嘅期望加諸喺自己身上家，我又好唔想令人失望，好唔想做錯任何事情，於是就覺得自己唔好唔夠好，能力不足，欠缺自信心，唔夠大方得體。但其實知道係我一廂情願嘅諗法，可能人地根本對我無期望，我做一堆垃圾出嚟，人地可能都覺得好好，但係我真係講到自己嗰關。我成日覺得自己樣樣野都做得唔夠好。
另一方面，我真係唔夠狠，就算比人地串我，第一反應都係會縮，唔會話想反抗。
呢兩個就係我好想改變嘅現況。但最衰嘅情況係我嘅外表， 我嘅行為係唔會俾人有以上嘅感覺。啲人就覺得我好剛強，好似阿姐咁，但只係佢哋唔了解我內心嗰種掙扎不安。
同埋有一點就係，我自己如果對一個人好，我會有啲expectation 想佢哋都對我好，但我諗諗下其實呢個都係我嘅問題，我唔應該有咁期望。好似我自問對於以前下屬阿妹都相當唔錯，但係我轉左team之後，我就feel到佢哋開始對有啲當我透明，咁我就一啲小傷心。
總括，我想工作上成為一個思想上無乜枷鎖嘅人， 活得自在一啲。唔想再俾自己或人哋expectation控制得我咁緊要。如果做到，我應該就會係一個自信美麗大方嘅現代獨立女性了。
