Gâu早！翁的
翁婿佇頂月日仔去中國做工課，預定去一冬。這馬阮逐工用WeChat咧講代誌，有一寡仔袂適應，嘛是著適應，若無就無其他的方法矣。
講起來誠心適，進前翁的佇厝裡，一工講無3句話，這馬毋但逐工照三頓問安，共我講伊食啥，閣順紲翕相傳來予我看， 有閒無閒閣會揣我開講，可能是伊家己傷無聊矣，出外步步愛家己來，才知影佇厝的時，一寡代誌我共款好好。
今仔透早起床手機一看，翁的已經佇一點鐘前就共我請安矣。看來翁某有時陣分開一站是袂bái的，雖然無睏做伙，互動較少喔!
分享至
成為作者繼續創作的動力吧！
