恐怖路姆西

你以為這個世界上只有塔利班和某些流氓國家才是恐怖分子? 其實，好多家長都係恐怖過恐怖份子的!

如果，你嘅仔囡仲係幼稚園生或小學生的話，你緊張到要陪出陪入、事事代勞的話，實在沒有人會怪責你。但係，佢地已經中學畢業了，都仲要不停管佢、幫佢，你想佢第二時帶埋老母返工?

之前提過中學文憑試(DSE)放榜後的家長百趣，無可否認，阿仔阿囡放榜，心急如焚，都唔怪得哂你。我試過在面試時遇見過一些恐怖事...

是咁的，有一年的放榜，我負責統一收生中心禮堂的「牛群管理」(Crowd Control)，見到個家長係度陪住阿囡，其實禮堂門外已經寫明只限考生進入，就算當佢有少少眼疾睇唔清楚，但係入到嚟都應該feel到唔對路啦，個個雙十年華，得你一個Old Biscuit (老餅)，當然可以係你又考DSE、阿囡又考DSE啦，所以我走埋去問佢：「請問你係家長定考生?」

「其實我想陪吓阿囡。」

「不如咁吖，你係canteen等等佢。」

以上兩句對話，我哋loop咗4次，終於佢離開咗個hall，但係你唔好以為佢真係走左去canteen，你太低估佢嘅戰鬥力啦，佢仲係出面塊落地玻璃度裝。

最後我都頂佢唔順，走出去佢同講「放心啦，你俾阿囡去試啦，你陪到佢一時，都陪唔到佢入去啦! 你係canteen食住紅豆冰等佢啦!」差啲話最多張單入我數。

依上文的對話態度，大家都應該知道，我係無功而還的。而佢夠囡由hall行上課室interview之時，佢仲隔住玻璃揮哂手，就好似小學校巴開車，啲家長像追明星咁追校巴咁嘅款，如果我係阿囡，就一定囉到爆廠啦!

不過最慘就係，呢幾年愈來愈多家長陪嚟，所以學校加推咗一個waiting room俾家長，真係無說話好講，不如你一槍打死我啦!

請看官來facebook給我一個讚吧!