遐的老歲仔想的、講的—２
●前二工，我坐112公車，
有一个查埔人咧車行的中間去鑢卡，鑢中央，沒反應，伊閣鑢較懸的所在，仝款沒聲，我講：「刷下面一點。」
鑢出來矣！毋過聲無仝，出現一寡仔字，司機講：「你被鎖卡了。你上次下車沒刷。」
伊講：「我是敬老卡。」（這佮敬老卡有啥物關係？）閣鑢一擺，仝款，伊行到我的後面彼排的位坐落去，司機無閣講話，我講：「你被鎖卡了，說要去首都客運解卡。」
邊仔有一个查某人講：「搭去台北的客運，下車不用刷。」袂記得伊講啥，就是烏白應，無清楚，我規个共問清楚；「你上次是搭到台北的客運，或是這種小巴呢？」
「都有。」
「小巴上下車都要刷。」我講。
「它怎麼知道我上車有沒有刷？」查埔人有這个問題。
彼个查某人講：「上車扣錢，下車不扣錢。」
「下車刷時，它說：『下車』」我講。
我想著一件代誌，問伊：「你剛剛上車的時候有沒刷卡？」
「沒有。我下車刷。」伊是佗位來的？坐佗一間的車？上車無鑢卡，落車才鑢。我講：「它出現字，說你被鎖卡，要去首都客運解卡。」
「在轉運站嗎？」
「是。」
我看伊無振動，坐佇遐。揤鈴，欲佇火車頭落車，我講：「那你要投錢，剛剛沒扣錢。」
車停，伊徛起來，行到頭前，司機問：「你要到轉運站嗎？」
「沒有，我到火車站。」
手摸褲袋仔，講：「我投錢。」司機等伊，伊講：「我投10塊。」
伊落車了後，我的意思是對司機講：「哪有人上車沒鑢卡，落車才鑢。」司機無應。
有夠忝。我是看袂過，共伊講清楚，嘛敢若我家婆。拄著這款人客，莫怪司機攏無講話，我臆，伊拄著誠濟，貧惰講。
活咧現代誠無簡單，出門就有真濟的資訊，佮各種規則、規定，閣定定出新的，抑是變來變去，老歲仔人的反應較慢，人咧講的聽袂入去，閣共舊的規則記較牢，有的用家己想的，in嘛佇台灣各地行來行去。
註：
１．用台語唸出來就知影意思，毋知意思的，查教育部的詞典，
https://sutian.moe.edu.tw/zh-hant/
