我細漢的時陣蹛宜蘭，看歌仔戲的經驗是佇庄跤的路邊看賣藥仔的表演。暗飯吃飽，我遮囡仔就跔佇路邊等戲開始。
唱戲的攏是囡仔，尤其查某囡仔。戲猶未開始進前，我看已經化妝、穿戲服的查某囡仔，佮伊的老爸老母講話，閣提課本佮宿題佇寫，我想［人因］蹛佗位？離阮遮會真遠袂？伊日時上課，暗時出來唱歌仔戲，轉去已經真暗啊！真辛苦。伊開始唱歌仔戲，真好看，真趣味，唱佮唸，閣有身段，加上講古予阮聽。唱一睏仔，伊歇睏，伊的老爸開始賣藥仔，阮遮囡仔攏無佇聽頭家賣啥物藥仔，等伊閣唱。頭家講完，查某囡仔紲落去唱。就按呢，唱一段，賣一段，阮看到煞場，遮轉去厝。［人因］會連紲來賣幾若工，阮逐工去看，是蹛庄跤唯一的娛樂，有人買藥仔無？毋知影，無注意。
宜蘭腔都馬調
軟軟，黃黃，食飯，尻川
台文查遮
