可接受委託
今哪日，我要向大家介紹一哩我上敬重ㄟ人，因為伊是世界第一骨力擱兼世界第一好，啊毋過嘛是世界第一憨，伊ㄟ工作愛隨叫隨到，平常時，洗衫揉土腳，款厝內外。人若要吃飯，就愛先去煮，透早人家還沒起來，就愛逐項傳便便，睡無成睡，食無成食，愛擱煩惱東煩惱西，煩惱豬仔無呷潘pun，煩惱雞仔未生卵，煩惱厝內大小ㄟ萬項敢有順，有閒ㄟ時陣，愛擱加減賺錢相添乎人用，人家若大聲叱，伊就要小聲應，有錢人家先開，有飯人家先食。你若問伊一個禮拜做幾天，哈哈，一禮拜做七天爾爾，沒外濟，阿一年做365天，一天做24點鐘就好。
架尼艱苦，架尼偉大，敢不價值咱敬重勒。喔，阿擱有，伊ㄟ工作未使請假，嘛儘量別生病，小病忍一下就好，若別人生病出代誌，一定愛拚第一，就愛煩惱到睏未去才ㄟ使，人若有感謝伊就愛偷笑，人若沒感謝伊，擱尬伊大小聲，你嗎愛惦惦，未使歹聲嗽。若該犧牲ㄟ時陣，伊目頭絕對不會打結。你若想說這麼艱苦ㄟ工作哪有人要作？拍謝吼，佇這咧世界有幾落十億人咧作，相信各位已經想到了，那就是偉大ㄟ媽媽。媽媽伊ㄟ凍包容一切，原諒一切，替兒女忍受所有ㄟ苦，有擱卡濟ㄟ媽媽儉腸餒肚，甚至犧牲幸福，付出性命。更加可貴ㄟ是，伊未要求任何的報答。咱敢ㄟ使無知影好好珍惜，真心來敬重，來疼惜哩。
阿無過，世間還是有那麼多孩兒世小，無知影來有孝。因為媽媽就親像空氣共款，空氣滿四界攏有，呼人常常沒注意到。媽媽嘛是經咱出世就佇咱ㄟ身軀邊，不曾失去過母親的人常常未記得媽媽ㄟ重要，若是有一天失去了後，世間就不會出現第二個了。所以千萬毋通來傷媽媽的心，因為媽媽是咱佇世間ㄟ上大ㄟ福氣。
母親沒要求半項，咱是要如何珍惜呢?其實，一傢伙ㄟ平安幸福就是伊ㄟ快樂。只要咱好好照顧家己，照顧媽媽ㄟ身苦病痛，佇社會打拼有出脫，萬項愛哉情，三不五時請安問好，想要撒嬌也沒要緊，一句話送乎伊，媽媽，我愛妳，無免驚歹勢喔。所以，我上敬重的人是我ㄟ媽媽尬天下間所有ㄟ媽媽。我ㄟ演講講到這，多謝大家。
