疼，敢袂使哭，大聲哀？（台文）

查某孫蹛院，隔壁床是一个紅嬰仔，燙傷真嚴重。逐擺護理師來換藥仔的時陣，就哭誠大聲。我聽著護理師逐擺攏講：「沒事，沒事。」（華語）

我想欲替彼个嬰兒講話：「那是妳沒事，有事的是我，妳說沒事就會真的沒事嗎？我痛不能哭嗎？」（華語）

我看著查某囝的面冊寫：「隔壁病房昨晚來了一位好像10歲男孩，今早換藥大聲哀嚎哭喊叫著不要不要，燙傷換藥，劇痛難忍是一定的，令人真正難受的是他媽媽後來勸他的說詞是：你不要再這樣叫了，你看大家都這麼辛苦在幫你.... 」（華語）前一工，彼个查埔囡仔予人捒去開刀時，我有看著，是伊的阿媽陪的，簽文件嘛是阿媽。

逐家辛苦幫我，我就袂疼啊？疼嘛袂使哀？還人的方法就愛用「莫哀」這个方法無？

遮的大人，袂曉講話，就恬恬莫講，會使無？

彼工，查某孫予洗身軀的燒水燙著，查某囝發現有膨疱，隨掠起來沖冷水，叫我敲119叫救護車，電話彼爿叫阮繼續沖冷水，袂使停，嘛袂使沖冰水，一直到人員到位。

囡仔哭真慘，全身扭來扭去，查某囝自頭到尾講的話是：「很痛，很痛。」「好痛，好痛。」（華語）我聽甲足感動。伊無怪囡仔，嘛無怪家己，無講：「袂疼，袂疼」「ＸＸ就好啊！」遮的予人聽著袂爽的話，其實講啥物攏無路用，恬恬就好，唯一的事實是「真疼」，「疼甲欲死」。（先鋪佇社團，2023.11.16.修改毋著的字）

（2023.11.11.）

請指教

註：教典

Zach Lezniewicz on Unsplash