俗麭敆弓蕉佮 Tsioo-kóo-lè-tòo 正港好味素 ê hōo 人一喙咖啡，一喙麭分 buē 清是枵饞抑是大腸猶 teh 告小腸。
2022.03.08 我 ê 減肥八月日停跤無幾日，翁見著超市 APP 捒全佔 bué 超過 5€ 會使得換一罐減糖 ê Tsioo-kóo-lè-tòo 隨傱去有 bué 閣有趁。
人生行到這个歲數認真做羊仔 8 月日，磅仔頂 ê 數字 tsiah 甘願無看 15 公斤，這久愛我 uī 愛 kā 鬥攢這清彩一湯匙一日 1400kcal 就賰無偌 tsuē 通食 ê 甜粅粅，伊 buē 翻頭 tuì 家己點磺火，總算 kā 若針 teh 搣 ê 齪人跤後蹬疼擲揶捒 ê 我，免啖一喙 kan-ta 看就認定磅仔隨起 5 公斤 ê 叨撚。 我知影這个心態無健康，總是我暫時行 buē 出去這个雺煙散霧。一日阿珊揤電鈴分張伊交阿羅 ê 福利品，頭殼步頻想著我敢若一段時間無食 1400 換食 1600 隨傱去廚房檢查逐日 ê 飯數。Gún 翁已經食到 2000 我食甲 1600 ~ 1800，磅仔頂 ê 數字猶原 m̄ 捌改變，按呢表示我窮真 m̄ 免遐爾仔𠢕 tuì 家己點磺火 m̄-koh 猶原愛一隻蝨母嗙甲水牛大，畢竟一个無細膩辛苦做羊 ê 8 月日猶原是白彩工。
甜粅粅猶原愛食，畢竟甜粅粅𤆬 hōo 人快樂，不過家己愛節，m̄ 通 hōo 家己行入 Loreley ê 歌聲。掠肥 ê 相踏黜，迷人 ê Loreley，只要心肝掠著頭驚惶就走甲無看影。
俗麭弓蕉 Tsioo-kóo-lè-tòo，美味しい。
2022.07.02
