「創富號」嘅艦橋，同我三年前第一次潛入嚟嘅時候一樣，死寂、冰冷。只有控制台上一排排熄滅嘅指示燈，同埋我手上電筒嘅光柱，證明呢度曾經有過生命。
我嚟呢度唔係為咗探險。我係為咗佢 — — 主能源管道旁邊嗰個，我研究咗整整一年嘅獨立供電模組。根據我嘅計算，只要將第三同第七號接點用我自製嘅超導體短路，就有可能喚醒佢萬分之一秒，讀取到艦體最後嘅航行日誌。
我深吸一口氣，金屬嘅鐵鏽味同真空嘅味道混喺一齊。我用鑷子夾起髮絲咁幼嘅導線，對準目標。
「滋啦 — — 」
微弱嘅藍色電弧喺接點之間跳動，比我預期嘅要強烈！控制台上，一個我從未見過嘅、啞黑色嘅方塊突然亮起一盞微弱嘅綠燈。
成功咗？唔係，唔對路！我並冇接通航行日誌，而係意外啟動咗呢個……「黑盒」。
跟住，一把聲音響起。唔係透過空氣，而係好似高頻數據流一樣，直接鑽入我嘅腦海。
「……奇蹟故事館……飛走個個成日鬧阿女、完美主義者、要求多多、寫篇小說都改幾十次嘅爸爸！有佢冇我！個名有佢嘅話，我就以後唔幫佢寫嘢！呢個本來就係我哋兩父女一齊合作㗎嘛，依家功勞佢攞曬……所以呢個部落格個名，一定唔可以有佢！所以個奇蹟故事館唔係佢嘅，係我嘅……」
聲音斷斷續續，充滿住強烈嘅數據干擾，就好似一段喺恆星風暴入面錄低嘅求救信號。
「……爸爸，我好掛住你啊……木星日誌，第83日……」
聽到呢度，聲音就好似超載嘅處理器燒毀一樣，慢慢扭曲、降頻，最後「唦」一聲，徹底消失。
黑盒上面嘅綠燈，開始急速閃爍，就好似一個就快斷氣嘅人嘅最後心跳。幾秒之後，燈滅了，艦橋重新陷入一片死寂。
我，小麥子，企喺原地，冇好似細路女咁瘋狂搖動佢。我只係冷靜咁望住呢個重新變返死物嘅黑盒，嘴角忍唔住向上揚。
「姐姐，你話你個部落格唔可以有你爸爸個名，點解呀？部落㗎係乜嘢嚟㗎？我唔得㗎！我去到邊度都有我爸爸跟住我㗎！ 」
「呢個奇蹟故事館，真係你嘅？ 咁，仲有咩故事呀？」
然後，我轉過身，望向身後空無一人嘅陰影。
「爸爸，你可以出嚟喇。」
___________________________________________________________________
《小麥子創富號漂流記》嘅航程，每一篇都係一次新嘅探索，有時搵到被救贖者，讓他們係創富號上得到一絲的棲息！有時遇到風浪，但最重要係我哋從中學到嘅嘢。
呢艘船會繼續航行，去探索更多未知嘅海域同一起創富嘅可能性。如果你都想成為「創富號」嘅一員，同我一齊經歷呢趟有血有汗有笑聲嘅漂流記，就唔好猶豫，即刻撳個 『追蹤』！
咁樣，我哋下一次啟航，你就會第一時間收到船長日誌，唔會錯過任何精彩嘅冒險！
