市場起甲好勢好勢，攤位排好好，有做生理的無幾位，無人做生理的攤位，kha̋ng-páng （看板、招牌）佮設備攏猶佇咧，誠無彩，哪會按呢？
中正路的店面佮路邊，有誠濟間店佮攤仔攏是算市場，物件濟，人嘛濟，生理較好，買菜的人攏對遐去。市場就是經過長時間，人沓沓仔集倚過來的所在，佇較邊仔所在特別起一間，就愛想辦法予人願意去買。
我基本上佇第一市場買菜，每一攤攏共買一下，雖然我一个人食無偌濟，平均攏共𪜶（in）買一下，後壁彼區嘛有行過去，算是支持𪜶（in）佇遐做生理。只是我10月開始，無食肉、卵、奶，定定咧想欲食啥？市場內底青菜、素料、果子嘛攏有。
樓上猶有幾若个機關、團體，我有起去看看一下，３樓的運動區，落雨的時會使去運動。
我彼工去澳底，「零售市場」的鐵門是關著，樓頂猶有活動中心佮圖書館；礁溪，聽講進前佇帝君廟對面起一棟市場，沒生理，幾若年了後，規氣拆掉，有夠慘，市場算佇中山路的店面佮路邊；按呢看起來，瑞芳的公家市場猶有人咧做生理，算袂䆀矣！
查教育部台語辭典，https://sutian.moe.edu.tw/zh-hant/
