我搬厝進前，量血壓的機歹去，這幾若年的血壓攏正常，敢講閣愛買新的？
來瑞芳蹛落來了後，我看著衛生所。前幾若工，入去量血壓，有一个服務人員本底坐佇一隻大隻桌仔前，佮一个人咧講話，伊隨徛起來，問我欲創啥？我指血壓機，講：「我欲量血壓。」伊講：「會使。你先坐一下。」我佇邊仔的椅仔坐落來，本底講愛坐５分鐘，我坐到３分鐘，就感覺足無聊，開始去量，血壓有淡薄仔懸，閣量一擺，我知影袂使隨接落去量第２擺，閣坐２分鐘，閣量，嘛仝款，放棄，可能是頭拄仔行路的關係，閣坐無夠時間。
看起來，來衛生所量血壓，毋是辦法，猶是愛去買一個新的，佇厝內面量，閣愛咧早起起床的時隨量，才會準。
查教育部台語辭典，https://sutian.moe.edu.tw/zh-hant/
