【霧月燈塔】第四集：問事

這幾天暗時，漁村的人們都看見了吳仔一個人在巷子之間行來行去。

近看些，就會發現吳仔兩眼緊閉，雙手交叉於身後，伊行路的模樣，一定是單腳半抬，懸空一陣子後，才落地，接著換另一腳。

吳仔真像是歌仔戲裏大官出場，一副巡視四周的模樣。

「汝甘知影，彼天，咱地藏王壓制了祖乙真人？」秋娥的消息總是漁村裏最靈通的那個。

「汝是講，吳仔佇燈塔下打拳的彼暗？」秀華正端出火爐準備燒柴。

「是啊！」秋娥邊講，邊刻意拉高嗓門說：「聽講彼當時，咱地藏王用天羅地網將伊壓制，若不是祖師爺出面調解，祖乙真人可能就無使來咱船仔頭了...」

「真咧喔...」秀華將稍早去木工廠討來的木屑，點燃起細火了。

「閣聽講喔...」秋娥也不管秀華有沒有想再問下去，便繼續講道：「咱地藏王是有向新來的祖乙真人講喔...」

「講啥？」在廚房裏聽到外面對話聲的秀蘭，從窗戶探出頭來問道。

「講啊，祖乙真人若欲來咱船仔頭，就愛幫忙保庇咱遮的平安」秋娥道。

「阿咱遮本來就好好啊？」秀蘭在灶腳內喊道。

「無喏！汝甘無聽講，暗時有人欲來咱遮問事？」秋娥道。

「佗位人？」秀華問。

「聽講嘛是北頭人，講是一个討海人啦...」秋娥講畢，見兩人不再回應後便自己走回家了。

夜裏，霧起了。

漁村家戶的廳裏亮起了微弱的電火，燈塔的光依舊照落在巷子內，一明一滅，炒菜聲、講話聲，有些剛下工的人從巷頭走進了村裏。

「等咧講有人欲來問事喔？」餐桌上，秀蘭問源仔。

「嗯...」秀蘭見源仔眉頭深鎖，便不再問下去。

這時候，源仔一語不發的走出戶外。

在漁村東邊的空地上，人們已經將神桌擺置好，地藏王菩薩的神像也已經從爐主家請了出來，安置於神桌上。

源仔從暗巷裏走了出來時，夜燈照落在伊身上，忽然有種難以言喻的氣勢，眾人看見源仔逐步走向神桌，便在神桌旁圍繞聚集。

「地王啊...」此時，一位老父攜位幼子擠進了神桌旁，雙手合十。 「流年不順啊...」老父氣喘吁吁地說道，旁人隨即示意要伊慢慢講。

「這幾年，蚵仔收成的狀況有夠歹。阮村裏的討海的，每一个攏想無步，這款狀況，誰人攏毋捌拄過。有問過老一輩的，伊只有搖頭...」老父憤慨地講著。

神桌上放了一疊金紙，源仔的食指與中指在金紙上快速的劃寫著。 一張，接著一張，一旁的男人將金紙捲起，燃火化掉。

「西方，欲有狀況囉...」源仔以極低沉的口吻說著，但是老父聽不清楚。 「地王講，佇海彼邊，欲有狀況囉」一旁的男人解釋道。

「西邊，往過是這咧所在各種資源的來源地。這條脈，如今去乎伊斷啊...」男人接著向老父說道。

「地王啊...」老父不顧男人還沒講完，隨即插話道：「阿不過，阮討海的攏抓無半項。佇阮彼邊，有幾若口灶得欲食不飽啊...」老父此刻泣不成聲。

此刻，源仔張開如火炬般的雙眼，正向著地藏王菩薩的神像，嘴中唸唸有詞。 神桌上盡是源仔滴落的汗水，一旁的男人隨即拿了毛巾，替源仔擦拭。

源仔此刻望著海的方向，嘆了口長氣。

「地王講，千算萬算，工業區邊，萬物註定袂活呐…」男人凝視著滴滿汗水的金紙，向老父解釋道。

空地上陸續聚集了不少人，見狀，彼此始交頭接耳。

「為什麼這咧人不佇自己角頭廟，問王爺就好？閣專工走來咱遮問？」秀華問了身旁的秋娥。

「汝不知喔。這咧人，已經將北頭所有的廟攏問過一輪囉...」秋娥嘆了口氣後，接著道：「但是從來攏毋捌按呢啊？代誌到底是偌歹處理，佇家己的角頭竟然處理不好，閣走來咱遮問地王...」

「聽講，政府已經佇咱西邊的外海，用土將海坉起來啊，欲做工業區阿」一旁的男人說道。

「坉海喔？」幾個男人聽到之後，反應極大的說：「坉海是大工程咧！」

「好佳哉，咱攏做木。不過聽講，佇北頭遐，阿閣咧討海的人，這幾年收成的狀況真正愈來愈歹...」男人燃起了菸。

「毋但按呢喔，聽講，什麼美國的化學公司嘛欲佇工業區設廠喔！」男人講。

「夭壽喔！化學工廠，阿不就污染放入海？排上天？」男人氣憤地講。

「歹命喔，霧月阿呢。今年過年，歹過囉」男人搖頭。

此時，源仔示意神桌旁的男人將金紙捲起後燃火，在老父身軀的前後各劃了一遍。源仔來到老父面前唸咒，左手在空氣中劃寫著，最後喊了聲：「敕！」

源仔喊這一聲，幾乎讓漁村人們的心都悸動了好一陣子。

霧散了，人群也散了。

這個夜晚，漁村裏的每一個人都做了個同樣昏沈的夢，夢裏，海水是綠色的，天空下起了紫色的細雨，漁村的磚瓦正在崩裂，夢裏，每個人都在流淚。

【未完待續......】