Lâng sī siáⁿ？

Góa sī lâng, lâng sī siáⁿ？

Lâng ê sìⁿ-miā sī beh cháu-chhōe siáⁿ-khoán ê mi̍h-kiāⁿ？

Hīⁿ, ba̍k, phīⁿ-khang kap chhùi-chi̍h

Khí-chō góa it-seng ê chú-koan jīn-ti

Góa sī lâng, lâng sī siáⁿ？

Lâng ê thâu-khak-lāi kám chin-chiàⁿ ū ka-kī ê mi̍h-kiāⁿ？

Jī, siaⁿ, su-sióng kap kăm-kak

Lóng sī pa̍t-lâng kă thuh--kòe chiah ū hoán-èng

Góa sī lâng, lâng sī siáⁿ？

Lâng kám ū-iáⁿ ē-tàng kek chò lēng-gōa 1 ê mi̍h-kiâⁿ？

Tōng-bu̍t, si̍t-bu̍t kap thâng-thōa

Lóng-chóng tòng-chò sī lán-lâng kám ū-iáⁿ？

Góa sī lâng soah bô siūⁿ-beh chò lâng.....

M̄-chai án-nóa to̍h chok chheh pôaⁿ-nóa

Ōe mā kóng bōe súi-khùi kóng bōe hó-thiaⁿ

Tio̍h--ê to̍h tio̍h ā to̍h ài koh kóng siáⁿ？