【台北百萬遍】蚵仔麵線
會講台語還不夠，教你用台語寫小吃！
七月15日（星期日）起，一連五週，我會在紀州庵文學森林進行台語文寫作課，主題就是「用台語寫小吃」！教材包括已經出版的《台語好日子》實體書，以及正在SOSreader寫作的「台北百萬遍」；課程中除了閱讀，也會有「田野調查」。
【華語】
整天在街上拋拋走（pha-pha-tsáu，四處亂跑），繁華過眼，還有什麼可讓淺拖仔駐足的？
香味好似繩索，在淺拖仔的腳打一個結，扯著扯著，將他拉進了攤子，嘴巴開開說：「老闆，蚵仔麵線大碗的，豬腸和芫荽（iân-sui，香菜）都要。」
淺拖仔就坐著等，看路人被香味圈套，走不開了，個個饞相，口水㴙㴙滴（tsha̍p-tsha̍p-tih，滴個不停），吃個一碗解饞。
下午時分，午餐都消化完了，還沒入夜，已飢腸轆轆。像淺拖仔這種到處蹓躂的跤數（kha-siàu，傢伙），早就大腸告小腸（Tuā-tn̂g kò sió-tn̂g，餓得受不了），不吃點東西填肚子，恐怕會餓死。
說到下午的點心，夏天吃冰真沁涼，要是冬天，南部有肉圓，北部蚵仔麵線較為流行。不過，熱天吃燒滾滾（sio-kún-kún，熱騰騰）的麵線，吃得大汗淋漓，就像冷天吃冰，反倒爽快（真是自找麻煩）。
麵線稠稠味濃厚，加辣和蒜茸（suàn-jiông/liông，蒜泥）味道就更重了。將那一絲一束的麵線一舀一匙入口，蚵仔得鮮，大腸要肥，如此飽足無得比！
口腔盈溢著香味，淺拖仔將繩索敨開（tháu--khui，解開），路途展開在前，人生就是闖下去，繼續漫遊去。
【台文】
蚵仔麵線（ô-á-mī-suànn）
規工佇街仔路拋拋走，繁華攏是夢，閣有啥物會當予淺拖仔停落來的？
芳味敢若索仔，佇淺拖仔的跤拍結，揫咧揫咧，共伊搝入去擔仔內底，喙開開講：「頭家，蚵仔麵線大碗的，腸仔和芫荽攏欲愛。」
淺拖仔就坐咧等，看過路人去予芳味liù落來，走袂去矣，個個枵饞的面，喙瀾㴙㴙滴，來捽一碗過癮。
下晡時仔，中晝頓都消化矣，猶未到暗，腹肚佇咧叫。像淺拖仔這款四界遨的跤數，早就大腸告小腸，若無點心來孝孤，恐驚餓死。
講著下晡的點心，熱天食冰透心涼，若是冬天，下港有肉圓，北部蚵仔麵線較時行。毋過，熱人食燒滾滾的麵線，食甲規身重汗，袂輸寒人食冰，顛倒爽快（有影是夯枷）。
麵線膏膏味真厚，摻薟的和蒜茸予氣味較重咧。共彼一絲一綹的幼麵一𣁳一匙入喙，蚵仔著鮮，腸仔愛肥，彼款飽無tè比啊！
規个喙空全芳味，淺拖仔共索仔敨開，路猶原佇頭前，人生就是直直挵，閣來溜溜去。
- 延伸閱讀：【台北百萬遍】滷肉飯
為什麼會看到廣告
留言0
查看全部