前言：2020 年夏天新搞作，專門從監管、法律及合規角度分析事情， Facebook Page 精華喺呢度撮要返，鍾意嘅就去 follow 埋個 page 。
2020 年 6 月 18 日
[Monkey see monkey do]早前傳出香港富豪及企業從香港撤資，令人憧憬新加坡可以從中受惠。
不過，新加坡交易所似乎就冇份喇。上半年，新交所只得五間公司新上市，但錄得九間公司除牌 (退市) 。如果唔係撤銷咗最低股價要求，就仲有幾十間公司 supposed 要除牌。
原因？當地上市公司不時傳出造假數同管治有問題嘅醜聞，投資者恥與為伍，上市公司交投同估值自然低迷。
新加坡早前已經喺本應係強項嘅衍生工具輸咗一仗畀香港， MSCI 將旗下 37 項股票指數嘅期貨及期權，授權畀港交所，結束同新交所 23 年嘅合作關係。
就咁睇，香港嘅市場架構同監管制度，其實真係爛船仲有三斤釘。
FT 朋友link:
造假數嘅嘢，一單都嫌多。
今日日頭先講完新交所因為上市公司良莠不齊而門可羅雀，傍晚就有另一單上市公司假數疑雲。今次仲要係好鬼 sexy 嘅 FinTech 公司出事。
德國 Wirecard 嘅核數師 EY 話無法核實公司 19 億歐元現金是否存在，並指可能有第三者無中生有咗啲存款。
Wirecard 就話，有跡象顯示，旗下銀行帳戶嘅信託人嘗試老點 auditor 。咁問題就嚟喇， internal audit 瞓晒覺？公司本身冇做 reconciliation ？咁樣樣篤數都得？ (雖然我唔相信關 Fin 唔 FinTech 事)
消息傳出後， Wirecard 股價唔見咗三分之二，市億由兩年前被納入法蘭克福 DAX 指數時嘅 240 億歐元，跌到而家嘅 40 億歐元。
FT friend link:
2020 年 6 月 19 日
隨住網易、京東等美國上市嘅科網股陸續在港第二上市，大陸科網股赴港成為投資銀行及律師嘅新財路。
話分兩頭，瑞幸咖啡造假數一事，令美國投資者重新審視大陸股信唔信得過，而美國監管亦打算立法要求連續三年無法通過美國 PCAOB 審核嘅公司退除牌。
有趣嘅係，大陸法規唔容許當地核數師同海外嘅核數師分享，大陸公司未來喺美國上市地位嘅前景相當之微妙。可能有高達九成 (都二百幾間) 大陸公司要從華爾街撤退。
不過，香港保障小投資者嘅法規都唔少，業界人士睇唔到有咩誘因要將第一上市地位由美國搬嚟香港。
呀，又或者返 A 股市場玩囉。但係咁就失去咗「走出去」，將股票賣出去集資嘅意義咯。
FT 普通 link:
[CCO 署任 CEO ？]
Wirecard 嘅假數醜聞繼續發酵，最新消息係 CEO Markus Braun 呈辭，由新返工僅僅兩日嘅 Chief Compliance Officer 署任 CEO 。
喺 COO 被停職，公司投資者揚言要追究，公司股價蒸發八成之際，搵個 CCO 暫時掌舵，應該都係撥亂反正、重新上路嘅招式。
當然，冇人知道 CCO 會否醫返公司都嘥藥費，情況視乎公司個氹有幾大、有幾爛。
但係睇返公司創業至今近廿年，都枕住有造假數、洗黑錢等傳聞或 whistleblowing 嘅消息，玩到「狼來了」先至一 Q 清袋，我自己就覺得，情況唔係太簡單咯。
2020 年 6 月 20 日
[做 Regulator 做到變 Prosecutor]
噚日先講完， CCO 可以署任 FinTech 企業 CEO ，今日另一單新聞就話畀大家聽，做監管機構老頂，可以轉做檢察官。
美國證交會 (SEC) 主席 Jay Clayton ，獲 Donald Trump 委任為紐約曼克頓嘅檢察官，接替在位兩年幾、曾經起碼多名 Donald Trump 盟友嘅 Geoffrey Berman 。
唔好以為呢個職位淨係睇區內嘅 case 好閒，實際上 Jay Clayton 會 take up 美國司法部其中一個最顯赫嘅崗位，事關曼克頓嘅檢察官起訴嘅，講緊係食大茶飯嘅商業罪犯、國際貪污罪犯以至大型美國金融機構呢啲。
Jay Clayton 任內致力懲罰搵散戶笨嘅騙徒，包括虛擬貨幣詐騙份子，有別於前人針對金融機構嘅操守或 internal control 嘅做法。
咁我哋又望望香港喇。證監會 CEO Ashley Alder 在位多年， enforcement 阿頭由 Mark Steward 變成 Tom Atkinson ，執法嘅變化亦都明顯：以前係大小通吃，而家就比較注重懲罰新股保薦人、銷售投資產品而冇做好 suitability 嘅中介，以至打擊洗錢辦事不力嘅證券經紀行。
就咁睇，似乎首要保護零售投資者都係國際間監管機構嘅共識。
FT link:
