《開玩笑的夏天》：直面異論的勇氣

身為誌傳媒忠粉，早就買咗佢哋出版嘅《開玩笑的夏天》，但就直到最近先開嚟睇。本書作者係00後嘅獨立記錄者，從中國內地移居香港剛好兩年，就遇到反送中運動。運動衝擊到佢對中港關係、身份認同、民主自由等等嘅思考，所以佢選擇去訪問一班擁有中港經驗人士，認為只要雙方建立理解同互信，就可以緩解兩地嘅衝突。

行文入面提到，中港矛盾源於彼此嘅不信任，而不信任來自歷史偏見同各種迷思。所謂歷史偏見，意思係不合理地判斷共產黨以後都會做出文革、大躍進、八九六四等罪行。正因雙方充滿誤解，所以需要願意打開心扉、了解中國嘅人築成溝通之橋。