每年情人節新聞報道都會到花墟訪問買花的先生和花店店主今年的買花賣花情況如何，報道的目的是讓市民大眾知道今年的消費意欲強不強，如果有幸被電視台採訪的話更加可以在電視機前向另一半證明自己買花的決定。旁人都為男士在電視機前坦白自己會買花的舉動，羨慕當中堅不可摧的感情。有見及此，就寫一篇關於情人節禮物的小說。
⋯⋯
（一時順手。抱歉用了粵文創作，希望大家不會太難理解。）
2017年1月中旬。
「又就快農曆新年啦，今年新年你會唔會去旅行呀？」
阿詩在吃着士多啤梨蛋糕，漫不經心地說着。
「阿邦話今年農曆嗰幾日假期同我去大阪喎。佢話清水寺就快維修，想襯未封之前去一去。順便當做情人節禮物。」
「咁好？但係今月初一喺一月廿八喎。咁咪同情人節差半個月？咁你點答佢？」
阿寶搞拌着咖啡問。
「唉，今天新年早姐，平時都係二月中先農曆新年。咁早放假咪早啲去囉，如果突然請正情人節個日假好似唔係咁好咁。佢都好多嘢做，貿貿然請假，返到香港咪好多嘢跟？」
眼見阿寶好像不太懂自己的心情，阿詩想轉一轉話題。放下吃蛋糕的叉子，問：
「咁阿明呢？佢有無話同你去邊度慶祝情人節啊？」
「佢乜都無表示。我都唔知佢有無意識到情人節係要做啲嘢咁。」
阿寶無奈地說着。
「佢啊！依排夜晚炒美股。同佢一齊個時成日都神不守舍咁，應該掛住睇市唔願訓，都唔知佢有無賺錢。有時佢同我講個啲咩平均線啊，咩黃金交叉啊，我都唔知咩嚟。」
阿寶繼續說着：
「想搵佢個陣有時成日都搵唔到佢，一覆我都已經下晝三點。佢話啱啱訓醒，我都返咗半日工就嚟放工啦，佢依家先醒。自從半年前辭咗職之後又無做嘢。係到研究美股。都唔知佢有無錢生活。」
「唔好咁灰啦，佢都係成年人，應該有佢自己嘅打算嘅。個士多啤梨cake幾好食喎，我去叫多一個先。」
阿詩安慰道，之後輕快地再去櫃檯買多一個蛋糕。
⋯⋯
時間快轉到2017年1月30號，年初三。
阿詩在ig分享着自己在清水寺和男友阿邦一同穿着和服的合照。阿寶一邊羨慕阿詩的男友那麼會為她安排旅行，心想着真是令人生厭的一對，好像要告訴全世界他們過得非常幸福快樂，每天都upload 3、4張照片。是要告訴我要在香港和一個經常烏眉瞌睡的伴說着一些我聽不懂的內容是多麼可悲嗎？
阿寶愈看愈生氣。乾脆把手機關掉。免得阿詩在ig分享不特只，在Whatapps又分享圖片給自己。
鬱悶的心情一直伴隨着阿寶。在有對比之下，她一直覺得阿明真的什麼也不懂。勢利的她想着，不如在情人節當日看看阿明會有什麼表示。如果真的什麼都不做，不如就直接提出分手。青春有限，不要浪費彼此的時間。
⋯⋯
時間來到2017年2月14號，情人節當日。
盡管是日夜顛倒，阿明在2月14號還是帶阿寶到她喜歡的simplylife吃午餐。
「知道你鍾意食依到個蟹肉沙律啦。今日帶你嚟食，食完仲可以出去揀蛋糕！我算做得唔錯掛？」
阿寶想着人哋阿詩男朋友帶她到日本旅行做情人節禮物。你只是帶我到平時都會到的餐廳吃午餐，還覺得自己做得好。是不是太過份了？當然都是心裏在說，沒有說出口。
「都可以啦。但係我哋都成日嚟依度食。咁就當慶祝情人節？仲有冇其他嘢㗎？」
阿寶坦白地說。
「我一早都估到你咁講，所以只係揀一間你鍾意食嘅餐廳。然後再送依個俾你。」
說畢。阿明遞起手機，顯示着透過手機證券app的戶口買了三股美股Apple，說着。
「拿，我買咗三股apple，之前我咪叫你開個證券戶口嘅。依家我將依三股轉倉去你證券戶口。依家周街啲人都用iPhone ，你一直揸住唔好放，賺息又賺價啊。」
阿明拿起阿寶放在餐桌上的手機，打開阿寶的證券app，進行轉倉的手續。
「陳子明！你係咪玩嘢啊？你自己晚晚唔訓玩美股就算啦。做咩拉埋我落水？你知唔知人哋阿詩男朋友帶佢去日本做情人節禮物啊！你呢？送埋啲唔等使嘅嘢俾我！你有無諗過我想唔想要？之前你日夜顛倒，出到嚟又無嚟精神都算啦。你講個啲股票term我都唔明，我想要咩你又唔知。不如我哋算啦！你以後唔好再搵我！」
阿寶搶過手機之後就離開了simplylife。氣充充急步地離開。
留下的阿明一面愕然。想不到平時溫柔的女友會發這麼大脾氣。想着如果現在追出去，當面對質的話，生氣的她應該什麼也聽不進。想着她說的話，的確我真的不了解她，而且我們追求的東西也不同。她要的是即時的物質享受。我是想做好金錢的根基，過着低物慾的生活。
已經點好的lunch set已經送到，不吃晾在這裏也很浪費。阿明現在也沒有胃口，叫侍應打包過後，拿着包好的食物回家。
之後的時間阿明再有用whatapp、短訊、不同的聯絡app和打電話找阿寶。結果都沒有回覆。持續一個月之後，阿明就放棄了。
⋯⋯
2024年2月19日。
阿寶在清理手機很久沒用、多餘的app時。看到塵封已久的證券app，想起以前有人叫她開戶口，還送了三股Apple。覺得對方在情人節作為禮物送給自己，實在匪夷所思，所以就分手了。
打開戶口時發現當時三股Apple變了十二股。2017年2月14日，33美元一股的Apple。現在竟高達182.3美元。查看一下過去的歷史，原來2020年時Apple的股票一拆四。所以戶口才會有十二股。
想不到當年自己走漏眼，錯過了阿明、錯過了Apple股票的入手時機。大小姐脾氣一下子就分了手。
如果再來多一次。可能都會分手，始終我和他各自說着不同語言。希望他會找到一個明白他的人。
⋯⋯
故事純屬虛構，如果有雷同，請好好捉住阿明這樣的人：）但我想應該大部分人都是阿寶、阿詩、阿邦。
今篇完！歡迎請我喝杯咖啡、訂閱、心、likecoin!
https://www.buymeacoffee.com/fionkwankwan
https://button.like.co/fionkwankwan
