揣無資料就順 Wikipedia ê 號名 kā 伊號做雞豆 ê Linsen(DE)佮 Lentil(EN) tī 目睭雄雄走出烏面賊，想著抾拾 ê 阿母雄雄按台灣敲電話 hōo 人 tī 中國 ê 我 ê 往過「我珠仔攏換好矣，免煩惱」彼个一直感覺誠無適合 ê 雞豆隨反頁。德文 ê Linsen tī 醫學是目睭 ê 水晶體，tī 食物就是現此時 bueh 記錄 ê 減肥助手珠仔豆。感謝老人囡仔性閒閒罔話仙 hōo 我確定，海馬無烏白亂走。
記錄珠仔豆我，我佮 Was wir essen - Hülsenfrücte: Obst oder Gemüse? 𫝛款好玄豆仔類 ê 珠仔豆，伊是果子？菜蔬？五穀米糧？畢竟我愛 211。講著 211 ê 一个手掌大，我一直掠做伊是手指頭仔 mā 算在內，一日看新聞挖挖哇看營養師分張 ê 圖 tsiah 知影是一个手捗大，我隨好玄是我華語理解能力無夠抑是現此時閣有新 ê 講法，像我慣勢講影片，現此時 ê 人若較慣勢講視頻，隨請 Google 大神開示，大神引𤆬我行踏這間廟，廟內底有詳細 ê 紹介。這个變來變去 ê 講法 mā hōo 我想著德文 ê 風颱聲音媒體攏講 Hurricane，文字媒體攏寫 Orkan hōo 進前無追美國新聞 mā 無繩德國新聞標題 ê 我一直掠 Opera News ê 標題 teh 講 Okra(胃豆)。
我有 teh 跟綴 211，總是我 tuì 肉一个手捗大 ê 量 mā 無掠甲足詳細，211 ê 兩份菜蔬 mā 捷超磅，總是衛生福利部 ê 我 ê 飯頓盤仔，早晏一杯牛奶，水果拳頭拇大，菜比水果 tsuē，豆魚卵肉一手捗，飯佮菜蔬仝款 tsuē，𠕇仁一湯匙攏有食到額。總是遮是德國 m̄ 是臺灣，準做這个地球已經無國界，較早種 buē 出番薯 ê 德國 mā 種出番薯，兩爿 ê 食食文化猶是無相𫝛無法度完全縛做一伙。因為料理珠仔豆 hōo 我想著人 tī 瑞典回答甜粅粅食過頭想 bueh 翻頭解決腹肚桶仔 ê 翁講 ê 話「Linsen ist kleiner Helfer zum abnehmen」mā 想著前幾日看 ê 影片，請求者過磅醫生請總舖師教伊做料理，料理菜色有一份就是珠仔豆餅配 Quinoa，這个畫面又閣 hōo 我成做一隻貓，珠仔豆佮 Quinoa tī 營養分類 m̄ 是攏是五穀米糧含水碳素，請求者有糖尿、高血壓、高血油按呢食有伊 ê 理由，總是猶原無法度解釋珠仔豆是水果抑是菜蔬 ê 問題。
請教 WAS WIR ESSEN 我 ê 想法 mā 這是 Diese Frage ist doch an den Haaren herbeigezogen 按頭毛紮來 ê 問題，專業問題教 hōo 專家頭疼，平凡老百姓 ê 我 kan-ta 需要要意我 ê 糜飯盤仔，畢竟健康 ê 物合脾土 mā 是無較縒。
不過，我猶是想 bueh 知影高卵白質 ê 珠仔豆是果子？菜蔬？五穀米糧? Hülsenfrüchte 有詳細 ê 紹介。
珠仔豆濫挽肉成做 Patty ê 滋味如何？
我個人是感覺伊比 PUR 齊是肉 ê Patty 閣較好滋味，gún 翁感覺伊交百分百 ê 動物卵白質無宛 2 體，不而過猶是愛斟酌說明這 Patty 若是純肉口感「凡勢」ē 比透濫珠仔豆較好味素。
啥物號做食菜，食菜，食甲肚臍為界，gún 兜 ê 德國人是上好 ê 見本。
「食肉無健康我 buaih 食肉」這句話喝十外冬，結局猶是若未來 ê 好心人，迒過年間限制按未來翻頭轉來過去，熱情提醒每一位古早人 m̄ 通食卵、麭、Bá-tah、糖、肉，押尾家己啉 ê 咖啡是一杯 Expresso 透五塊糖。
2024.10.18
