- 第五章 閩南台語文句示範
例1.（不良）
咱兩人行到百貨公司，沿路看著一個人真可憐，親像咱庄腳ｅ乞丐同款，哎！人ｅ命運叨真歹講哩！公司ｅ員工真辛苦，毋知尹一個月賺幾圓？
（優良）
咱二人行到百貨公司，沿路看著一个人真可憐，親象咱庄腳ｅ乞丐仝款，哎！人ｅ運命叨真歹講哩！公司ｅ員工真辛苦，毋知一個月趁幾圓？
【說明】
1. 二人不宜寫兩人，兩niu4斤兩，否則「二兩燒酒」如何寫？
2. 親象不宜寫成「親像」（唸siang3，如像款、肖像）華語中之印象也不寫成印像。
3. 遵教育部民96漢字方案 ,个唸e2，個唸gr分開，一个人一個月收入外贅？
例2. （不良）
即二天真好時，咱頭家人要分薪水了，一人一萬元爾爾算起來，干礁食是有夠啦，毋閣萬一破病，安呢叨不止仔艱苦！有影無卡詛啦！
（優良）
即二工真好時，咱頭傢人欲分薪水矣，一人一萬箍爾爾算起來，干礁食是有夠啦，毋閣萬一破病，安呢叨不止也艱苦！有影無卡擢啦！
【說明】
- 二天，台語寫成二工，這是共識。
- 語尾助詞ａ音，即華語“了”，台語寫成“矣”。
- 也 唸ａ，用在副詞尾，仔 唸ａ用在名詞尾（不止也大肥，慢慢也解釋）（日本仔，騙仙仔）。
例3. （不良）
阿月尹兜真貧赤，这是咱攏知影ｅ代誌，逐工透早精神時，叨噯乎生活壓迫，好佳哉這幾年來，天公痛憨人，日子有淡薄也改善，伊對待人宛那這尼客氣。
（優良）
阿明尹兜真散赤，这是咱攏知影ｅ代誌，逐工透早睜神時，叨噯互生活壓迫，好佳哉即幾年來，天公疼戇人，日子有淡薄也改善，伊對待人宛那迮尼客氣。
【說明】
1. 台語有散赤，無貧赤寫法。
2. 互的寫法，不宜改變, ( 見第八章教育部漢字修正62。)
3. 醒來起動詞，用睜神，也有人用名詞精神，不妥。
4. 台語中，这是（ze，名詞），即/這款（zit形容詞），迮尼（zia副詞）三字音，音,義,詞形三者皆不同，不能用同一漢字「這」 , (台語漢字第二規則),這要分清楚，，但華語則「這是，這種，這麼」，他們三音都相同，當然可用同一字。
5. 台語1.憨唸kam4是憨厚狀，不一定笨，2.戇唸qong6 ,是真的笨人 ,兩者不宜搞亂。歌星余天錯綽號kam「憨天」,千萬不能稱他 「qong 6天」
例4.（不良）
阿明甲阿華二人，會曉法律，寫告狀欲甲市政府打官司，甲咱社會正義討返來，ａ叨環境污染，互尹吃甲真黍，定定一領衫，染甲簡那烏墨le，卡打拚ｅ！伊互老師責備，一个咧哮，一个頭殼犁犁。
（優良）
阿明佮阿華二人，吓曉法律，寫告狀，欲佮市政府拍官司，給咱社會正義討返來，也叨環境污染，互尹食甲真黍，迭迭一領衫濡甲簡那烏墨leh，卡拍拚ｅ！伊互老師責備，一个咧嚎，一个頭殼犁犁。
【說明】
1. 打daa4唸，如打擊、打錢、打算、一打……。拍唸pa5，如拍拚、、拍官司。
2. {佮、甲、給}都唸ga音，其用法要搞清楚，見漢字14、15、16。
3. 迭迭dydy33，經常之意，定定dydy26是安靜狀，嬰仔睏甲定定。
4. 污染（liam4）,染料要寫成濡（ni）料 ,才不會亂掉。
5. 吓（e3），會（hue6），音義詞類三者皆不同。
6. 頭lele，有人寫頭纍纍或頭犁犁。
7. 台語哭叫「嚎」，不是「哮」，哮唸he6，哮喘hegucuan。
例5.（不良）
阿良去相親，介紹者咧講「咱阿明ｅ人材，鼻目嘴仔甡了袂醜，又閣學問好，是咱科學界優秀ｅ人材ne」「敢有影？」「我自小漢ｅ時陣看到大漢，無問題哩！」續落去汽油站加油，即回三十立，頂回二十立，即回比頂回加加幾立？
（優良）
阿良去相親，紹介者有咧講「咱阿明ｅ人材，鼻目嘴仔甡了袂醜，又閣學問好，是咱科學界優秀ｅ仁材ne！「咁有影？」「我自伊細漢ｅ時瞬看到大漢，無問題哩！」續落去汽油站咖油，即回三十立，頂回二十立，即回比頂回加咖幾立？
【說明】
1. 同人就是同仁，台語（人lang2，仁lin2），台語「人材」langzai，指外表相貌，「仁材」linzai指內在才能，不可相混。
2. 民間主流用字“咁有影”比“敢有影”理想，請比較，「伊咁欲來？」「伊敢欲來？」, 官版漢字用敢, 音韻俱差 ,不宜採用.
3加ge，形容詞，相當於中文“多出來”。
咖ga，動詞，相當於中文“倒進去”，二者音,義,詞三者皆不同，不宜用同一漢字（閩台語漢字第二規則）, 各位會問, 為何要如此自討苦吃呢 ? 沒辦法, 這是語系轉換所必須承受的痛苦, 否則請用其他字, 或用拼音字吧.。
4. 介紹，台語叫「紹介」siaugai63,有咧講, 表示過去完成式,同英文。
5. 「細漢」，不要寫成「小漢」。
例6.（不良）
阿佬惦一間佛寺，服嗣觀音媽，伊倒手真有力，綰一鈷清水去花園沃水，一時無拄好，煞去沃淡去，晚時看著真贅泄屎星佇昊邊。
（優良）
阿佬踮一間佛寺，伏祀觀音媽，伊捯手真有力，綰一鈷清水去花園沃水，一時無拄好，遂去沃霑去，暗時看著真贅湍屎星佇昊邊。
【說明】
1. 目前很多台語伴唱帶，把踮寫成「惦」，這樣不妥，惦唸diam，指心頭受刺激扎傷。
2. 霑不論字形字音均佳，弄濕之意，雨露均霑, 此字在古書或廟宇常見。
3. 左手，用捯手，不宜用倒手。
4. 對神用伏祀hoksai33。
5. 湍cua5，急性狀，如湍流、湍屎星，一般夏天所吃的刨冰正確寫法是「湍冰」，表示雪花快速跑出來狀（不宜寫挫冰，蔡冰）。
例7.（不良）
伊講話無注意，去鑿著彼个赤查某，去刺激以上……，真想氣，「這是啥麼物件啦？我肚仔真餓呢！」「這是公家分ｅ便當，咱逐家來公家食」少年家仔有欲建立家庭叨是。
（優良）
伊講話無注意，去棘（cak）著彼个刺查某，去莿激以上……真想氣，「這是啥乜物件啦？我肚仔真枵呢！」「這是公家分ｅ便當，咱逐傢來公傢食」少年傢仔有欲建立家庭叨是。
【說明】
- 台語“家”唸法真亂，在此訂[家唸ga，傢唸ge]，“公家用的”指政府器材，“公傢用”指共同使用。
- 啥乜一詞，早在舊文獻用得很多，尤其日本時代，不宜寫啥物，因物字台北唸vng4，台南唸mi4。
- 台語刺字，早已使用莿，如莿桐鄉，莿竹筍，另外“刺”應唸cia4，刺查某，另外“棘手”唸cakciu34 (棘 它是被動式 , 另外主動式是用 鑿 )。
例8.（不良）
姑娘仔尹阿娘，映望看有通報好親戚無！伊雄雄煞看著紹介者，感覺真見笑，心肝內有咧想「實在免赫尼雞婆啦！」
（優良）
姑娘仔尹阿俍，映望看有倘報好親戚否！伊洶洶遂看著紹介者，感覺真見羞，心肝內有咧想「實在免赫尼傢婆啦！」
【說明】
1. 姑娘仔是小姐之意，阿娘仔是貴婦之意 ,阿俍nia是老母之意，三者音異義異，不宜共用“娘”字。
2. 洶洶指突然之意，「來勢洶洶」用「雄雄」南北音不同, yong /hiong , 不妥。
3. 傢婆，就是管傢婆之意，不是雞婆，從雞北音唸gue即知有誤。
4. 台語問句的語尾詞：
1. 有影否（vr5），〔……嗎？〕
2. 有上班無（vr2），〔……有無？〕
3. 食飽未（ve/vue5）〔……了沒有？〕
5. utang用「有倘」，以免和「有通」utong（有道理）相混，「老師安呢講，閣有通哦！」, 官版漢字用有通,並不理想, 日後必糾紛連連, 讀者也將疲於奔命.
例9.（不良）
阿明騎機車，車輪無風，規箍人跌倒，矯袂好勢，強欲掠狂安呢，落尾仔，去店頭叫一碗切仔麵，看著阿明尹某咧曝穀。
（優良）
阿明騎機車，車輦無風，規箍人跋倒，矯袂好勢，強欲夯狂安呢，落尾也去店頭叫一碗摵仔麵，看著阿明尹嫫咧曝粟。
【說明】
1. 台語車輪，叫車輦cialen64輪唸lun2。
2. 夯狂是正字qiagong32，與夯性地 (生氣) 相近, 一般音誤做掠狂 ,有誤。
3. 摵cek上下搖，切cet錯得離譜。
4. 妻子叫「嫫」，不是未定型之「某人」。
5. 曝粟pakcek35，不宜寫成晒穀、曝穀。
例10.（不良）
也叨序大人有通乎伊錢，也就是背景正讚，致使講熱天時仔，冷氣吹規工，噯想著遐手面趁食ｅ作息人，外口流汗赤掖，規身軀癢。
（優良）
也叨嗣大人有倘互伊錢，亦就是背景臹讚，致使講辣昊時仔，冷氣吹規工，噯想著遐手面趁食ｅ作穡人，外口流汗刺痒，規身軀癢。
【說明】
1. 台語的父母叫「嗣大人」，有人寫「序大人」是有問題，序台北音su6，又「長幼有序」指兄弟，音義俱無。
2. 亦是 不要寫成“也是”，因也已用做ａ音，不宜再ia音。
3. 辣昊（天），不是熱天，「火辣辣太陽」「hot sauce是辣椒醬」即是。
4. 台語癢分三種，天熱流汗夾灰塵刺癢，叫刺痒ciay44，自發性癢叫癢ziuu6，持物去刺激叫撓qiau。
例11.（不良）
你咁知影，官廳兮兮想法按怎款？尹按算欲放外贅材料踮後厝，毋知後果如何？阿伯按算欲種啥乜種類ｅ西瓜？伊燒火灰來做肥料。
（優良）
汝咁知影，官廳兮ｅ想法按怎款？尹按算欲囥外贅材料踮後厝，毋知后果如何？阿伯按算欲種啥乜种類ｅ西瓜？伊燒火麩來做肥料。
【說明】
1. 兮用在高音，ｅ用在低音 ,才不會混淆。
2. 後厝（au6），后果（hir3），分開比較好唸。
3. 種zing3是動詞，种類是名詞ziong, 三者音義詞俱異，不宜用同字。
4. 火麩不要寫火灰，音不同，辨識不佳。
5. 「汝」不宜寫成「你」，理由：1. 舊閩南語文獻大都如此寫，宜遵重之。2.“汝”，漳li泉lu，可唸“女”，可包含各地唸法。3. 汝字 ,一看即知是台文 ,而非中文 .客語連” 我 ”都故意寫成捱, 以顯示其獨特性, 台語何苦把祖先文獻去除, 故意賣身委曲作文奴.
例12.（不良）
今ｅ順，天色漸漸暗落，暗頭仔夜色罩落來，街頭深巷中間人群一直散去，剩咱萬裕仔甲老母，di料館媽祖ｅ正手房，暫時來休暝，廟公真正好禮來給按內，老母坐di竹椅仔，心肝內感慨無量，也歡喜也悲哀，真正是珠屑點點滴，苦苦gam目墘，即世人艱苦坐卦，苦海生活袂見著光，咱叨軟腳蝦哩，無才 調叨著，害子兒艱苦四散。
（優良）
呾e瞬，昊色漸漸暗落，暗頭仔夜色罩落來，街頭深巷中間，人群一直散去，偆咱萬裕仔佮老母，佇料館媽祖ｅ正手房，暫時來歇暝，廟公真正好禮來給按內，老母坐佇竹椅仔，心肝內感慨無量，亦歡喜亦悲哀，真正是珠屑點點滴，苦苦唅目墘，即世人艱苦坐卦，苦海生活袂見著光，咱叨軟腳蝦哩，無材調叨著，害囝兒四散艱苦。
【說明】
1. 今ｅ順，理想寫法「呾e瞬」今, gin/gy/daa破音多。
2. 「剩下」台語叫「偆」cun，至於「量剩錢」唸liongsiong zii332。
3. 休息叫「歇睏」hirkun43，不宜寫成「休睏」。
4. 「也是」寫成「亦是」，因也唸ａ已用在副詞笑笑也，慢慢也。
5. 台語“才”已唸zia，如才是、才來…，所以才調寫成「材調」。
6. 囝兒，這是官版方案, 不影響系統安定, 我們予以支持 , ( 子 的破音字太多，閱讀時很不容易。)
例13.（不良）
萬裕仔順續閣問「daa歹勢，小弟請教le，市草地頭，花花世界三色人濟，萬不二若毋是di廟邊，抑欲按怎著好，毋通到時一路潦落，愈潦愈深，宛那會沗呢，人講路頭擔燈心，路尾擔鐵硾哩，若結局無望，才來田螺痛尾，安呢著醜才矣 he，若萬不二安呢甡，請先生指示明燈福路？」
（優良）
萬裕仔順續閣問「呾歹勢，小弟請教le，市草地頭，花花世界三色人贅，萬不利若毋是佇廟邊，抑欲按怎著好，毋倘到時一路潦落，愈潦愈深，宛那吓忝呢，人講路頭擔燈心，路尾擔鐵硾哩，若結局無望，才來田螺痛尾，安呢著醜材矣he，若萬不利安呢甡，請先生指示明燈福路？」
【說明】
1. “多”官方版用「濟」，颇多爭議, 並不理想,濟濟多士 , 濟濟表示威武狀, 否則原詞會變成多士多士,本書以國安仙用字「贅」, 較貼近原音原意意。
2. 萬不利，不宜寫成「萬不二」。
3. 毋倘mtang，不要的意思，不宜寫m桶、m通→mtong。
4. 吓（ｅ，能，副詞）與「會」（hue6，群體，名詞）音義詞三者皆不同，不可共用一字。
5. 由於“才”唸zia，所以“醜材”不宜寫「醜才」。
例14.（不良）
金蓮唅著目屎，有影啞口壓死囝，有話無地講，萬裕仔偷生ｅ，也無正式嫁翁，又閣企壁暗間仔身份，真正袂見証ｅ，萬裕飼ga八歲，金蓮身染重病逐工嗽甲正沗，有時會pui血，pa算肺病（癆）li，金蓮驚也連寶貝金子著“過著”（傳染），共款pa損sia愛絕種，為著囝兒ｅ生命，嗯才姑不二終拜託阿匏仔收留，拿五十塊錢寄伊飼，拄好阿匏仔無孝生，順紲收做客囝，金蓮轉去大稻埕中北街，即嗎生死不明叨著。
（優良）
金蓮唅著目屑，有影啞訄砥死囝，有話無地講，萬裕仔偷甡兮，亦無正式嫁尪，又閣徛壁暗間仔身份，真正袂見証ｅ，萬裕飼到八歲，金蓮身染重病，逐工嗽甲臹忝，有時吓呸血，拍算肺病li，金蓮驚也連寶貝金囝去“過著”，仝款拍損遂噯絕种，為著囝兒ｅ生命，嗯才姑不而衷拜託阿匏仔收留，提五十箍銀寄伊飼，拄好阿匏仔無後生，順續收做客囝，金蓮返去大稻埕中北街，即嗎生死不明叨著。
【說明】
1.〔目屑〕眼屑也，和薰屑、鐵屑、話屑、耳屑同類意思，不可寫「目屎」，以免醜化本土文化, 目屎是指眼屎( 並非眼淚)，目屎若表示眼淚的話.那眼屎要代表啥 ? 理由就明白。
2.〔吇、甡〕gy4兒子，sii生出來的（與生sing有所差異）。
3.〔亦，尪，吓〕ａ也，ang夫，e3能。
4.〔仝款〕gangkuan34，同樣，因破音字關係，不宜寫 同款、共款。
5.〔遂噯〕suaai14，於是乎…就要。
6.〔後生，提…箍〕兒子，拿..元（照官版方案……）。
7.〔姑不而衷〕不得已, 台語有 “ 苦衷 “一詞。
例15.（不良）
第一要買鴨母卵一定要去飼主e厝內才官，m通去敢仔店交關，因為即味鴨母卵，算講地方性特產ｅ大色貨，飼主隨人有隨人ｅ絕門祕密，機關藏佇倉庫（家中）內，大家佇箍金sun暗中比憑，正有拼頭，另外一方面，遮內行e阿舍好額人，攏ma專工到厝主兜揀好料e，有時也卡奇特青（新鮮）噯量早注文才有哩，著有夠行路工矣li。
（優良）
第一欲買鴨母卵，一定噯去飼主e厝內才官，毋倘去噉仔店交關，因為即味鴨母卵，算講地方性特產ｅ大色貨，飼主隨人有隨人ｅ絕門秘密，機關藏佇倉庫內，逐傢咧箍金sun2，暗中比憑，臹有拚頭，另外一方面，茲內行e阿舍好額人，攏嘛專工到厝主兜，揀好料兮，有時也卡奇特e，噯量早注文才有li，著有夠行路工矣哩。
【說明】
1. 〔欲買〕vevue（北），veve（南），寫卜買也可以.
2. 〔毋倘〕mtang31，不要，有人寫“不通、毋通”不合理，因通唸tong。
3. 〔交關〕商業交易行為，買賣行為也。
4. 〔逐傢咧…〕台語界寫法，咧後面接動詞形容詞，ｄｉ後面接名詞，不宜用“大家di，大家lit”。
5. 〔臹有拚頭〕zy3 u3 by4 tau2，很有拚頭，臹不可寫正（因變調不對），拚by3不可寫拼pin。
6. 〔茲〕此地，zia，台南孔廟有匾「斯文在茲」，理由明矣。
例16.（不良）
不二過話頭矯返來，有賣鹹鴨卵，總是比攏無有卡勇淡薄仔，人塊講無魚蝦嘛好，有搵水著會淡衫，總是人腳跡卡肥，不時di行踏不時di交關至接，加減會hong共懷念過往e光榮佮盛況，這絕對定著e，關渡鴨寮e 僥擺歷史，絕對毋倘放袂記e，咱關渡暢仔e祖公著有影正lau4，袂定擔。
（優良）
不而顧話頭矯返來，有賣鹹鴨卵，總是比攏無有卡勇淡薄也，人咧講“無魚蝦嘛好”，有搵水著吓霑衫，總是人腳跡卡肥，不時咧行踏，不時咧交關摯接，加減吓夆給懷念過往e光榮佮盛況，這絕對定著e，關渡鴨寮e僥俳歷史，絕對毋倘攽袂記e，咱關渡暢仔e祖公著有影臹lau4，袂顛誕。
【說明】
1. 〔不而顧〕butligo133，就是「可是呢」之意，不宜寫「不二過」，易唸錯。
2. 〔淡薄也〕是副詞，不宜寫成「淡薄仔」，以免誤以為是名詞。
3. 〔咧〕唸 {li呖/le咧/de塊} 口音不同但同義 ,後接動詞副詞，但「佇」唸di，後接名詞。
4. 〔吓霑衫〕，會沾溼衣服，吓是破義詞，霑dam2台語用法，沾濕。
5. 〔摯接〕ziziap45，也有人寫「接接」，顯然不妥。
6. 〔袂顛誕〕vueding daa332，不會有差錯，顛誕，也有人寫重談，此見仁見智。
例17.（不良）
規ｅ社會鏘鏘滾正鬧熱。五月中了後，咱塭田ｅ稻仔開始大肚矣，一穗一穗真飽鄭li，即年一四界風調雨順，年冬袂醜，沒什病虫來kue3，拍算講閣再月外日著欲輸贏li，到時大包ta小包，穀倉仔鄭甲 貯袂落，想著想著遮阿同ｅ大家嘴笑目笑，心涼脾透開，心情好，閣會唸山歌。
（優良）
規个社會摪摪滾臹鬧熱，五月中了後，咱塭田ｅ稻仔幵始大肚矣，一穗一穗真飽滇哩，即年一四界風調雨順，年冬袂醜無啥乜病虫來喫，拍算講閣再月外日著欲輸贏哩，到時大包ta3細包，粟倉仔滇甲貯袂落，想著想著茲阿同兮，逐傢嘴笑目笑，心涼脾透開，閣吓唸山歌。
【說明】
1. 〔摪摪滾〕摪ciang2, 是拼鬥奮起之意 ,也可寫鏘鏘滾，表示樂器鄉極熱烈狀，也有人寫沖沖滾 , 沖下水花如沸水翻騰，但不可寫「強強滾」(強暴掙扎之意)，切記。
2. 〔臹鬧熱〕zylaulet331，不宜寫「正鬧熱」或「誠鬧熱」，因正的本調，豹ｅ調→虎ｅ調，有所不對。
3. 〔飽滇〕badii16飽滿狀。
4. 〔細包〕sue/se4 bau，不可寫「小包」sirbau，小細發音有所不同。
5. 〔粟倉仔〕cekcngah125穀倉之意。
6. 〔無啥乜〕沒什麼，不宜寫「無啥物」、「無啥麼」，因物南音mi，北音vng，差別很大，但乜南北皆唸mi，此詞在日據時代已很固定。
7. 〔茲阿同兮〕茲zia，此地，「兮」唸高音e，與低e用「e」有所差別，有利唸出。
例18.（不良）
好矣，呾大麵發仔給老爸檢風水e代誌，叨到遮結束，台灣人著台灣人，百外冬前e故事，即嗎宛那有di實行，現主時若需要睬喪葬e代誌，噯開真濟e錢，毋是普通人家有法度叨著，這是仁口集中工業化e關係致應著e，即嗎叨流行火葬哩，閣緊閣省錢閣簡化，政府di各所在，起靈骨塔來duei4（儲藏），真正有意義叨著。
羅漢腳這e階層佇清朝尾年，pa算占全仁口的一割e款，宛那袂少哩，尚主要e源頭（原因），是老父死了箱早，致使著一世人dai貧，貧甲鬼欲掠去。
（優良）
好矣，呾大麵發仔，給老父抾風水ｅ代誌，叨到茲結束，台灣人著台灣人，百外冬前ｅ故事，即嗎宛那有咧實行，現主時若需要睬喪葬ｅ代誌，噯幵真贅ｅ錢，毋是普通仁傢有法度叨著，這是仁口集中工業化ｅ關係致應著ｅ。即嗎叨流行火葬哩，閣緊閣省錢閣簡化，政府佇各所在，起靈骨塔來貯，真正有意義叨著。
羅漢腳即個階層，佇清朝尾年，拍算占全仁口ｅ一割ｅ款，宛那袂尐哩，上主要ｅ源頭，是老父死了甚早，致使著一世人dai4散，散甲鬼欲掠去。
【說明】
1. 台語重新檢拾整理父母遺骨，叫「抾骨頭」kirguttau412。
2. 茲zia，此地之意，台南孔廟「斯文在茲」。
3. 「有咧實行」，咧是用在動詞或形容詞的前面，唸li/le/de。咧/塊
4. 睬 唸cap5，也有人寫岔。
5. 仁傢linge31，人家也。
6. 袂尐，我們把siau4用少，zir用尐，兩者音、義、詞全無相同，分別用2字來分別之。
7. 甚早，也有人寫傷早, 不妥, 易生誤解.
例19.（不良）
身邊萬裕仔來給安慰「不二過呢，人過往叨過往矣，水照圳仔di行，一代傳一代，呾免閣悲傷lo，會凍（能）延續後嗣尚要緊」，大麵發仔想閣再想，有影叨愈想愈毋甘，按怎咱運命遐尼慘淡，da七少年八少年叨無老父e晟養（撫養），人貧閣無生張，佇社會hon看無到遐，敢講噯怨歎一世人是毋？
（優良）
身邊萬裕仔來給安慰，「不而顧呢，人過往叨過往矣，水照圳仔咧行，一代傳一代，呾免閣悲傷囉，吓凍延續後嗣上要緊，大麵發仔想閣再想，有影叨愈想愈毋甘，按怎咱運命赫尼慘淡，才七少年八少年叨無老父ｅ晟養，人散閣無甡張，佇社會夆看無到遐，咁講噯怨歎一世人是毋？
【說明】
1. 台語「不過呢」叫「不而顧」butligo133。
2. 「吓凍」不要寫成「會凍」，因「會」是破義字。
3. 「上要緊」不宜寫成「尚要緊」，理由有二：一是尚有唸siuu也有唸siong，「尚好」是「還好，但不是最好」，意思有別。
4. 才，大部份唸zia，也有人唸da。
5. 貧窮，台語叫「散赤」，台語界皆如此寫。
6. 「咁講」，不宜用「敢講」否則的話「敢去講」就會麻煩。
例20.（不良）
即嗎序大死十冬後才檢骨〔kiogut45〕，人會知影序小猶存活，檢骨了後，著算講死也沒要緊，因為即十冬內差不多攏有娶某生囝，既然有“孫”，著毋管阿公阿爸攏死去，古早人欲傳宗接代是真艱苦ｅ代誌，百外冬進前台灣地ｅ平均壽命，打算卡liam五十ｅ款，過身時若無米斗孫，心內著會驚，十年了後無人檢骨，即房大概也著絕去矣。
（優良）
即嗎嗣大死十冬後才抾骨，人吓知影嗣細猶存活，抾骨了後，著算講死亡亦無要緊，因為即十冬內差不多攏有娶嫫甡孖，既然有孫，著毋管阿公阿爸攏死去，古早人欲傳宗接代，是真艱苦ｅ代誌，百外冬進前台灣地ｅ平均壽命，拍算卡歛五十ｅ款，過身時若無米斗孫，心內著吓驚，十年了後無人抾骨，即房大概也著絕去矣！
【說明】
1. 嗣大，不可寫序大、時大，理由前面已寫過。
2. 「吓知影」最好不要寫成「會知影」，因為「會」是破義字。
3. 「嗣細」sisue不可寫成序小、序細、氏小。
4. 「亦無要緊」不要寫成「也沒要緊」，因台語亦唸ia，也唸a（如慢慢也行），沒字台語無用。
5. 娶嫫甡孖，不宜寫成「娶某生子」，嫫是藏語妻子之意，可借用之，嫫不是一般的「某人」，甡sii與生sing不同，孖唸gy4（因子的破音太多）。
6. 「拍算卡斂…」台語用法。
例21. （不良）
唉！戲閣卡好看，宛那有散場e時，一點一du，大家記佇心肝頭，記互伊落腹，後日若有機會，才閣講台灣e人名佮歷史，講演結束了後，大家眾漢腳仔兄弟，圍佇石桌邊吃gua餅糕土豆，飲香茶燒酒，互相客氣頂禮，大家攏會記de關渡媽祖廟，聽序大頭兄e講演盛況，隨人運命沒仝，毋閣心肝底e感想，宛那共款魯力閣再魯力。
（優良）
唉！戲閣卡好看，宛那有散場e時，一點一du，逐傢佇心肝頭，記互予落腹，後日若有機會，才閣講台灣e人名跟歷史，講演結束了後，逐傢眾漢腳仔兄弟，圍佇石桌邊食寡餅糕塗豆，飲芳茶燒酒，互相客氣頂禮，逐傢攏吓記de干豆媽祖廟，聽嗣大頭兄e講演盛況，隨人運命無仝，毋閣心肝底e感想，宛那仝款勞力閣再勞力。
【說明】
1. 台語「大家」寫成「逐傢」dakge36。
2. 「互予」唸快的話變成huai之類似音。
3. 「食寡餅糕塗豆」不可寫成「吃寡餅糕土豆」台語土本調唸國4聲，變調同1聲，如土地；塗本調國2聲，變調國3聲。
4. 「芳茶」是台語「香茶」的寫法，芳pang，不宜錯誤。
5. 無仝款，不要寫成沒仝款，無同款，因破音字儘量不要一字二音。
6. 謝謝叫勞力 lolat。
例22. （不良）
即聲害大麵發，客人松，肖矮仔生真正歹勢，來聽講古煞顛倒hon請飲茶，大麵發仔一時目燒鼻酸，心肝頭做一下艱苦起來，唉！大的實在朋友有夠遐，枝仔枝仔，你真正看阮羅漢腳有目地，小的永遠感心，蹉跎人運命定擔，毋閣宛那有血有目屎，後回仔有代誌註汝吩咐，大的，憑汝一句話我著潦，無論刀山油鼎，總hy4甲到…。
（優良）
即聲害大麵發，客人松，肖矮仔生真正歹勢，來聽講古遂顛倒夆請飲茶，大麵發仔一時目燒鼻酸，心肝頭做一下艱苦起來，唉！大兮實在朋友有夠遐，枝仔枝仔，汝真正看阮羅漢腳有目地，嗣細永遠感心，憩陶人運命顛誕，毋閣宛那有血有目屑，後回仔有代誌佐汝吩咐，大兮，憑汝一句話我著潦，無論刀山油鼎，總hy4甲到…。
【說明】
1. …sua…，台語叫「遂」是「於是乎…」接下去…，也有人寫「煞」，但煞表示停止，與原意相反，故不妥。
2. 目燒鼻酸，也可寫成目燒鼻痠。
3. 大兮，兮唸高音，e唸低音。
4. 汝，不宜寫你，這是台語專屬用法，一看即知是台語，古典閩南語文學皆寫汝，且汝字分開是女，泉音漳音都讀 女 ，故自成一系統。
5. 嗣細不要寫成氏小，序細，序小，時細。
6. 憩陶人，cittrlang，tittrlang，正字是足字加日月，但電腦打不出來。
7. 目屑 vaksai , 和話屑、鐵屑、薰屑、耳屑都唸sai，但非屎，華語有眼屑和眼屎，台語用目屑和目屎膏。
8. 總hy4甲到，一律奉陪到底。
例23.（不良）
一行人到新娘仔厝，路頂真正風光真正大辦，打鑼仔佮鼓吹手，真正拼氣，叨喜氣洋洋哩，遮下腳手仔，大家刺腳lak手，沒閒cici，聯炮放甲 binbiar叫，共款wi聘書交互女方序大，拿去廳頭拜拜e，中晝吃飽了後，宛那交回答聘書，一路順序返來，厝內大小，通人歡喜咧等叨著，呾送定e禮數到遮完成，續落等四月日了後欲娶入門。
（優良）
一行人到新娘仔厝，路頂真正風光真正大範，拍鑼仔佮鼓吹手，真正拚喟，叨喜氣洋洋哩，茲下腳手仔，逐傢莿腳lak手，無閒cici，聯炮放甲嚬嗙叫，仝款逶聘書交互女方嗣大，提去廳頭拜拜e，中晝食飽了後，宛那交回答聘書，一路順序返來，厝內大細，通人歡喜咧等叨著，呾送定e禮數到茲完成，續落等四月日了後欲娶入門。
【說明】
1. 大範duaban36，很有派頭之意，形容詞，用大辦亦可，但是近動詞較不妥。
2. 拚喟bykui43很有拚勁，台語拚by、拼pin，拼音。氣ki3，喟kui3。
3. 無閒，不宜寫成沒閒，台語文句，沒有用「沒」字，只用「無」。
4. 「仝款逶…」，仝款，相同之意，不宜寫同款，共款（因破音字也）。逶wi4，從…到，也有人寫唯、慰，並不合理。
5. 食飽，台語用法。
例24. （不良）
即聲金瓜師真正歡喜，才li說明「若錢項e，佐汝免驚，我金瓜，早著按好勢晒燒燒di等，吃穿一在內，外濟攏會清楚哩，vr才拜託咧，zak助zak助歹勢啦！」嗯才 e順nia，即聲著講好欲派兩人，佬腳火土佮大麵發去金瓜師尹兜（他家）鬥腳手，負責著修理後尾仔厝落，佮娶新婦e代誌，時間一睏仔約束一冬叨著，中間若有心苦病痛東西，頭家噯給人擔dak。
（優良）
即聲金瓜師真正歡喜，才咧說明「若錢項兮，佐汝免驚，我金瓜兮，早著按好勢曝燒燒咧等，食穿一在內，外贅攏吓清楚哩，麼才拜託咧，zak助zak助歹勢啦！」嗯才e瞬呤，即聲著講好欲派二人，身長腳火土佮大麵發去金瓜師尹兜逗腳手，負責著修理後尾仔厝落，佮娶新婦e代誌，時間一睏也約束一冬叨著，中間若有心苦病疼東西，頭傢噯給人擔dak (承擔)。
【說明】
1. 「佐汝…」就是“隨你如何如何…”之意，佐唸zr4或zu4。
2. 「曝燒燒」不可寫「晒燒燒」，這是台語習慣寫法。
3. 「麼才…」這是台語的語首助詞，等於「話說…」「這個…」。
4. 「逗腳手」,也可寫「湊腳手」daukaciu464，但不宜照官版寫「鬥腳手」。兩人在逗（高興），怎麼會變成二人在打「鬥」呢？
5. 台語疼痛叫「疼」ty3，心苦病疼、苦哀狀。
6. 「噯給人」讀快的話變成aigang43。
7. 一睏也，當副詞用，不宜寫「一睏仔」。
◎第六章 台閩漢字文章示範
※ 許不了來訪
久久進前，亦著是民國73年11月初ｅ款，台灣出名ｅ喜劇明星許不了，無張無弛佇暗時仔九點捅呤呤，來診所拜訪，一个面仔憂gatgat，拜託給協助，庶當時仔，看伊一个安呢艱苦坐卦, 欲倒欲亥(haai)，「惻隱之心」人人皆有，又閣是鼎鼎大名擎甲掠袂稠ｅ大仁物，自然de，空課攽哩，給厝內稍交待咧，有機會來給服務，順續來講寡心苦病疼，有倘佮出名仁物交陪一下，宛那機會機會哩。
彼暗ｅ代誌，隨著時間一年一年過去，漸漸來攽袂記矣，毋閣前二月日買著一本獨家報導ｅ雜誌，真正詳細來報告許不了生前ｅ種種空縫，又閣回想起八年前許不了彼个苦瓜面真正梟悻，即篇雜誌ｅ文章，樣也互我真正感心，互我即个自來著鐵齒ｅ人，看甲鼻酸目燒，有影真正感慨無量叨著。
許不了來拜訪我了後八月日，亦著是過返年七月，著一命歸西，離開這複雜悲哀ｅ世間，享年三十五歲爾爾，真正是咱台灣話所說「欲來無張弛，欲去無肖辭」，佇茲小弟寫幾句話來安慰伊在天之靈，順續給咱茲社會上ｅ艱苦人仔，稍鼓勵ｅ，出一口喟哩！
本正許不了佮小弟，攏是徛（住）佇新北投即箍圍仔，許不了徛新北投火車頭對面ｅ櫻花大廈八樓，小弟徛新北投中和街開齒科店，嘛才吊遠（矩離）二枝車牌仔爾爾，吓使講厝邊叨無顛誕哩，毋閣伊做伊ｅ大明星，我開我ｅ齒科店，隨人捙拚為著生活pipe叫。雖然講心肝頭真正乙著伊，真正欽服伊，毋閣總是種種ｅ關係，亦無法度有門路倘去拜訪。
總是啊魚泛魚，蝦泛蝦，竹雞仔有竹雞仔ｅ路，麻仔（山狸）有麻仔ｅ路，醫療佮娛樂，隔行如隔山，尋無哩，致使講許不了，一聲出現佇我面頭前時瞬呤呤，一時間我遂怢去，有影牛鼻去拄著賊手，心肝頭歡迎咧等，趕緊請伊就坐，一切奉待按內不在話下。
e時瞬呤呤，掠做是嘴齒慪古，蛀甲臹工夫ｅ款，噹是仔毋是安呢，伊提一張醫囑，噯注麻醉劑叨著，完全是內科範圍，佮咱齒科無工礙，我看即聲歹紡矣，診所內根本著無嗎啡即款系統ｅ注射藥，進前普普也知影許不了，有受著烏道控制，有麻醉藥品“稠”佇身軀，不時噯注射來解艱苦。
哎！有影想著叨梟悻，搪咧給汝揙即齣ｅ，我才笑笑也給印「叨真正歹勢哩，即个流擺阮齒科無即方面ｅ注射藥，麼安呢啦，我試看覓ｅ，我以人面ｅ關係，尋仈間醫生館罔蹤看覓，來解決汝ｅ艱苦，我店收收咧，卡停也我掣汝來試哩！」
佇茲小弟稍寡講三、二句閒仔話，咱台員地，頻若牽著娛樂界呤，即二十冬來有四大天王，著是文夏、許不了、楊麗花、吳樂天，咱許不了宛那是喜劇界ｅ天霸王，無人媵伊吓倒呢，1976年底小弟開業時，著真看重伊ｅ天才，伊ｅ影戲，我差不多逐齣攏捧場有著，上主要ｅ原因，叨是伊有厚厚厚ｅ鄉土味，即點毋但是我，通人叨謳咾甲吓觝舌。
叨真正蕃薯仔ｅ大色貨哩，平平台灣人看了kimo臹qiang，這佮香港過台灣啥乜×龍、××發……，完全無仝 ,遐香港仔文化叨是，看落叨袂起磅哩，奚哪著閣再講？這民族性顛誕，氣味袂到遐,有影袂嫷喟啦，嗯才咧愛笑講，文化ｅ代誌「嫷醜無比止，愛著卡慘死」爾爾！
呾e瞬呤，話頭矯返來現場，彼暗仔差不多九點半呤呤，我掣著許不了，行對舊北投去，呾平平是同業關係，注一筒仔應該袂顛誕才著，許不了一个面攝攝攝，苦苦無笑容，佮戲台頂ｅ喜劇面完全無仝，現出著艱苦仔人，小仁物悲哀ｅ一面，即聲死豬仔價，袂假仙ｅ矣，na行na怨歎，講寡心苦病疼，講伊自細漢著歹命底ｅ，互人賣去馬戲團做苦工，古早咧講「父母無啥示，嗯才送孖去學戲」，大漢了後，社會卡有咧出入，靠勢家己ｅ拍拚，呾佇演藝界加減餾一絲仔行情。
佇表演種種起腳落手ｅ坎站，漸漸來大尾矣，即个時瞬呤呤，又閣跋落仁情社會ｅ深坑，嗯才即幾冬以來，唅著目屑，逐工佇酒、賭、嗎啡、烏道……無閒甲烏天暗日，稠規身軀債，有影牽袂去，哎！算起來宛那是我（指許不了）家己毋著，袂曉疼惜身命，表面上是浮頭矣，大尾發角矣，好額矣，聲頭擎yaya，實在是互人控制，一文不明，乏(ha4)甲欲食塗去，一身軀債汝毋信，觀眾一大堆，無一个親腹ｅ，有影想著叨嚥氣！
無外久中間呤，行到舊北投一間診所，叨好嘴來給拜託哩，注一筒Demerol我徛佇遠遠ｅ所在，目尾給掃一下，才知影許不了規枝手骨，注射注甲皮爛肉翩，吓注注甲袂注ｅ，臹害。許不了佇診所時，提出一張隨身ｅ診斷書，我才知伊ｅ正名號作「葉鐵雄」，即張診斷書縐縐(liau2)爛爛真正舊叨著，頂頭寫甲真模糊袂清，毋閣許不了是公眾仁物，橫直亦是有dai4身命ｅ人，免咧嘴呼二萬五，逐傢樣也真給逗仨仝哩……。
呾即嗎歹紡矣，護士小姐注射注規晡，叨尋無血管，即聲大費氣矣，人講尻倉去互椅仔夾著，變無輦矣，落尾也無法度，才搬請主治醫生來注射，咱主治醫生樣也舞規晡挲無摠哩。「實在奇le，有影臹歹剃頭，嗒有即款ｅ血管注甲爛糊糊，sen6尋著尋袂著空縫啦，呾嘛卡差不多ｅ……，哎！實在譀甲有偆去！」
眾位咱茲看官嗣大，即聲靜脈注射，注袂落去，是欲按怎才好？苦袂了（許不了）注甲皮肉攏爛脆去矣，是欲如何來解決才好？無十外分袂好勢，即个時瞬苦袂了（許不了）才開嘴呤，「我ｅ皮肉我上了解，寧ko我家己來注著好」嗯才e瞬呤，許不了家己夯射筒注家己，護士佮先生人顛倒踮邊仔欣賞哩，由茲汝著吓了解，許不了ｅ身體確實袂孝孤d`u啦。
才三十外爾，著老皮袂過風，欲死動亥有影想落著吓捶心肝，一代天才著安呢無聲無示拍損去，實在梟悻哩，顛倒彼陣國代立法院ｅ老柴皮，食甲八九十矣，紅衫穿一半矣，食袂老死袂臭，逐工拐仔頭tu咧，尿袋揹哩，退休樣也領五六佰萬，閣正韌命，想落臹毋甘願！（許不了di彼暗注射了後八个月逝世）
射注好，許不了再三謝勞力，退出醫生館，e瞬呤，行返來舊北投菜市仔，拄者彼一幕逐傢看甲清清楚楚，許不了無意向閣講起茲艱苦代，顛倒給我講起佛法ｅ代誌, 伊講起佛法ｅ道理，輪迴報應種種學問，一个人，搪當伊忍受著仁生上艱苦ｅ日子，生命隨時吓搐起來時瞬呤，伊對宗教ｅ道理，往往上介吓來領悟吓來了解，我儘量叨給安慰，落尾也到北投分局呤，伊欲閣坐車去台北，自那佮伊分手，返來厝內。
離開時伊宛那吐幾句仔真言，大意是安呢「無法度啦，無法著是無法哩，我即氏人亦是家己做毋着，一方面亦是身世醜，到茲來矣，身體一工拖一工，變到按怎我攏無怨歎，現主時上要緊，著是禮佛拜佛，我佇櫻花大廈823室有一間真嫷ｅ私人佛堂，希望汝若有閒才來，仝齊參拜禮佛，吓使先叩電話，891××××連絡……佛法ｅ代誌咱大家攏有緣哩……」
八月日了後，亦著民國七十四年七月初，許不了以肝硬化，病逝佇馬偕醫院，我樣也袂赴（及時）去佮伊禮佛，有影不止也遺憾叨著。不而顧呢，許不了生前彼間私人佛堂，電視節目有做過，確實富麗堂皇大範(ban6)幼秀，真有派頭安呢，所以講咱吓凍了解，佇許不了最後幾年活命ｅ當中，已經規个人奉獻互佛祖矣，來求生老病死ｅ解脫。
許不了ｅ歲頭，佮我是頂下歲仔ｅ款，伊佇藝術上ｅ成功，有影無人有法度比止，二人歲頭差不多，毋閣運命相差天堂地嶽，根本著是二个世界ｅ人，我自細漢著卡好命，讀冊閣讀冊，讀甲醫學院卒業，平平是人，許不了自出氏著艱苦坐卦，為著生活水流破布，一四界梟悻，嘴齒筋咬哩，田螺含水過冬，忍閣忍，忍甲袂作ｅ……。致使講我對伊ｅ壹生過程，真正有意向欲來了解，叨平平仝延兮，聽了卡吓逗搭。親象伊十八歲著甡後甡，彼時瞬我猶咧僎考大學呤。
這是一个真正嚴肅ｅ問題，冥冥之中，天公欲疼戇人，許不了ｅ陽壽才三十五爾，十八歲來甡孖是天公地道la！後幾年ｅ中間酒精傷身，身體臹醜，是欲哪給囡仔飼大漢著好？所以講伊若無趁十八歲即个時機，恐驚吓絕種叨著，低層艱苦人ｅ生活，絕對毋是咱茲食飽穿燒ｅ好命人，吓凍想甲到ｅ哩！
呾許不了死七冬了後，今年五月份ｅ獨家報導雜誌有刻寫出許不了一氏人ｅ大艱苦，小弟拜讀再三，心內真正感心，佇茲對即位台灣地有史以來，上偉大ｅ喜劇巨星，做一下review，映望許不了（葉鐵雄），葉大兮在天之靈，含笑來給我逗仨仝哩。
許不了，台員話攏叫伊「苦袂了」，即位幵天以來ｅ大明星，1950左右出氏佇嘉義即角勢，厝內散赤，乏甲欲食塗去，人講散狗掠沙，叨真正了然哩，不時嘛用滾水代替牛乳，致使著營養無夠，囡仔時代著艱苦坐卦水流破布，厝內姑不而衷，才出賣互大柏樂綜藝團練功夫，吓使講伊就出氏叨大歹命。
等苦袂了稍寡有坎站呤呤，佮同事阿英同居，甡一个後甡（現主時ｅ周明增，臹親象伊），彼時苦袂了才十八歲爾爾，阿英二十，咱毋倘嫌伊不吉，伊ｅ階層做即款代誌，免甚給t`u臭，總是人ｅ運命佮環境爾爾，毋倘甚過要求啦，事後給回想，伊即个流擺甡一个後甡，宛那袂醜到佗位。
因為後來ｅ歲月攏無閣再生育，佳哉天公暗中來渣助，抑無險兮著絕種去，即款代誌，呾發生著發生矣，毋免給人鄙相，要緊ｅ著是伊有欲負責否？有欲晟養即个囡仔否？有欲撫養痛惜阿英否？若即方面ｅ，咱苦袂了做了真嫷喟，伊ｅ氣魄佮做人有甡張，為著走尋母囝，受盡一切艱苦，即層過往，真正互人鼻酸目燒，真正感慨叨著。
咱話頭來給牽到即个阿英，伊掣著幼囝，返去後頭厝草屯地頭，父母真正不滿，操心扒腹氣甲欲吐血去，一个猶未嫁ｅ姑娘仔，未婚甡囝，眾人厝邊攏怨嗟，即聲父母ｅ面子是欲夯去佗位藏啦？
佇萬般無奈姑不而三衷，嗯才來離開血跡地，就他鄉外里來討趁，阿英ｅ大姐提十箍（元）互伊，阿英抱著幼囝，單超婁孤帆兮，逶草屯用步輦ｅ，行路到台中車頭，即二十公里當中目屑linlingo，心苦病疼無人知，眾位鄉親，是按怎阿英欲為著苦袂了，做迮大ｅ犧牲？到底伊ｅ頭殼咧想啥款？
自安呢了後，母仔囝ｅ生活欲按怎？一个軟呰查某欲如何來矯摵？伊母囝樣也「日來受雨，夜來凍露」，一四界乞討，水流破布田螺含水過冬，仁生到茲有影叨盡磅矣，壹直到五冬後才閣改嫁，有影奇女子無簡單哩。
另外一方面，苦袂了知影嫫囝返去後頭厝，壹直去給探望，想欲合家團圓，毋閣女方父母真正想氣，安呢連番再次，逶苦袂了摃甲無鼻茖錧(gong4)，苦袂了宛那袂死心，壹直去尋伊，逶即點給看，苦袂了雖然是一開始有顛誕，閣嘛是真負責任，總是也做老父有做老父ｅ甡張，基層社會攏有尹ｅ苦衷，袂使給看無夠重ｅ哩。尾擺去女方厝ｅ時，女方騙伊講阿英去日本仔，致使苦袂了拚去日本幾多年。
也叨時間過了臹緊，十二年ｅ生活過去了，苦袂了ｅ囝兒周明增，樣也小學即欲（快要）畢業囉，即个時瞬阿英掣囝兒去見苦袂了，佇歌廳後台見面時，苦袂了嚎甲毋臹聲調，身邊ｅ人攏看甲袂過心，唉！十二冬無見面矣，叨實在有夠苦哩，苦袂了落尾也提一只真大只ｅ銀票互阿英，阿英臹志氣，毋敢給提，有影氣醜組兮叨有影哩。
咱給掠，即十二年ｅ中間，是苦袂了上介出名ｅ坎站，阿英吓使隨時de去見苦袂了，毋閣伊無貪富貴，真正艱苦來晟養囝兒，莫怪苦袂了看落心肝頭一瞬ｅ絞滾，閣歹勢閣傷心，人ｅ運命如此，天公伯仔著噯逗疼痛呢！
苦袂了尾幾年身體臹醜，iam好佳哉甡即个後甡，抑無著絕甲無人燒香點火矣，天公有目睭，苦袂了過身進前一冬，有一擺佮後甡幵冓，講起三太太真正惡毒ang`lang`，連厝字叨毋寫苦袂了所有權，而且控制苦袂了ｅ印章、食穿佮健康……，叫後甡後日噯吓記即條仁生苦鍊，娶嫫千萬噯張弛，袂使顛誕去咧，即聲後甡臹無客氣，拄著三太太時，見面著給掃落去，按怎厝字無噯寫苦袂了ｅ名？三太太才冷冷也笑「伊身體赫醜，萬壹若按怎……，即間厝嗯著……，」唉！世間大理解，驚尪婿塗去 , 連厝遂無效，真正有影哩……
苦袂了ｅ身體一工一工落坑，佇過身ｅ一月日進前，有一擺，給伊ｅ囝兒講「阿爸恐驚也後日仔，無法度閣再掣汝來釣魚囉」實在有影悲慘了然，才三十五歲爾，叨來離開即个花花草草ｅ世界，人ｅ運命叨安呢，有影前世咧踏破棺材蓋哩，無法ｅ叨是無法ｅ，咁無講欠錢是毋？抑是欠時間？欠健康？一時一刻安呢艱苦坐卦，僥心反形來看破仁生，誰人無寶借性命？唸佛唸佛，哪吓毋唸？
苦袂了送出殯儀館ｅ時瞬，細姨仔為著欲霸占傢伙，遂來佮殯儀館管理員逗空（串通），逶伊ｅ冷凍ｅ指頭仔，來踮遺囑頂頭頓印仔（蓋章），毋閣尾溜也，代誌宛那爆(biak5)，夆給掠包，苦袂了有影苦袂了，在生艱苦，死了去閻羅遐買票，樣也有人欲給瓊(king2)叨著。
逐擺佇電視頂頭，看著尹囝周明增ｅ齣頭時，我心肝頭叨真正酸，對伊爸即位咱蕃薯仔ｅ天才，一氏人安呢坎苛，受著四箍lin返ｅ仁士來壓迫，總是感到社會正義袂凍浮頭，叨真正嚥氣。咁講汝食飽穿燒是一个世界ｅ人，尹出世了毋著位？噯做牛做馬來奉待咱是毋？伊一氏人壹直咧互咱嘻笑，毋閣遂家己吞目屑，茲嗣大嗣細，逐傢噯摸心肝看覓咧！（本文節錄黃元興台語散文集，P.213～227）
