台語有音無字?

台語詩： 《夢，停跤》 作者：陳俐雯

《E開彼片輪迴ê門sìⁿ》 (伊，邊，扇)

O͘-ba̍k-ba̍k ê車齒無暝無日pháng-tńg (烏墨墨，紡轉，「紡車」之省)

業le̍k ê石磨仔親像無時停ê han-tó-lù (業力，真像。ﾊﾝﾄﾞﾙ handler, 捍舵呂(音譯字)

Pháng出生生世世ê印記(紡)

一點一幕lō tī靈魂ê kha-chiah (落loh8，足跡(足=腳)

Hoa̍t過bâ霧，衝破日鬚 (Hoa̍t 劃。ba5, bang5 的懶音，朦) 靈魂tī tǹg點ê性命絞滾pù-íⁿ(勃穎，勃:《說文》排也。頓點) 取背骨做根，浪蕩做翼 Thèng-hāu久時ê連回奮力破繭(聽候，輪迴) Phiau-phiat走揣五彩火號(飄翩, phiat-phian。走查tshue7，走尋，訓讀尋)

毋知死活ê單純是拆開人生地圖ê勇氣(不m7) An-tah袂牢ê衝碰是起chhó激情ê醬料(安打(安頓打理)，起草) Kōaⁿ一罐虛花臭油點著花hiat青春(摜，又【廣韻】摜，帶也。花血) 熱phu̍t-phu̍t ê攔頭化做紅記記ê信心(熱勃勃，賴頭，紅劇劇)

起pōng ê青春kah一張僥倖ê八字 (爆。kah合，澆幸) Khoaⁿ-khoaⁿ-á褫開 (款款-寬寬khuan- khuann) 歹命，利劍劍坦橫tī頂面chhìn笑 (攤橫，攤，手布也，【說文】開也。。凊，【說文】寒也。) 若拆若白ê咒懺爆出野chhiah劍光(愈lu6拆愈白，乃na2拆乃白。野吒) Liô出一滴一滴心頭血(劉【說文】殺也。)

走chhoa̍h ê運命ná過期ê令符(趄(斜)，若) Nuâ-cha̍h袂牢咒語發酵(攔截)

年月ê酷刑暝日ê損蕩，長短跤走sio逐(酷行。骹，腳。走相逐) Bē-kham-tit破格洗盪(未堪得) 人生 有倔強過後kian-phí ê khang-chhùi(乾疕，坑嘴) Mā有苦毒家己悲哀ê牽亡曲(不也。苛毒) Chia規路chhì-giâ-giâ ê現實khiú-khiú-la̍k-la̍k (此渾(幾一)路刺牙牙的現實揪揪搦搦) 無臭無siâu kiⁿ出纏纏ba̍t-ba̍t ê離經(潲，經【說文】織也。密密)

磨到碎糊糊的命，針針chhiah tī走精的面 塞倒街ê怨，仁仁仁罩二蕊目睭 (珠) Kā看破ê向望大力sak落暗sàm海流 (給。送sang3-sak，(搡)。黲，黑也) 無通拋碇ê絕望tī滄桑ê海愈hùn愈大 (thang得當，奮) Hō͘怨慼咬死ê命tò͘出毋願ê血jiah (予。 懠，怒也。跡) Liōng-siōng ê pôaⁿ-nóa無彩工ê交陪，到chia就好(冗剩。盤賴(般弄)。此)

註解:

【hiau-hīng】僥倖(徼幸)。台語文漢字重寫:

伊開彼邊輪迴的門扇 烏墨墨的車齒無暝無日紡轉 業力的石磨兒真像無時停的handler(捍舵呂) 紡出生生世世的印記 一點一幕落在靈魂的足跡

劃過朦霧，衝破日鬚 靈魂在頓點的性命絞滾勃穎(發芽) 取背骨做根，浪蕩做翼 聽候久時的輪迴奮力破繭 飄翩走查(尋）五彩火號

不知死活的單純是拆開人生地圖的勇氣 安打未牢的衝碰是起草激情的醬料(安頓打理) 摜一罐虛花臭油，點著花血青春 熱噴噴(勃勃)賴頭化做紅劇劇的信心

起爆的青春和(合)一張澆幸的八字 款款的褫開 歹命，利劍劍攤橫在頂面冷(凊)笑 乃拆乃白的咒懺爆出野咤劍光 劉出一滴一滴心頭血

走斜的運命若過期的令符 攔截未牢咒語發酵

年月的酷行暝日的損蕩，長短腳走相逐 未勘得破格洗盪 人生 有倔強過後乾疕坑嘴(傷口) 不也有苛毒家己悲哀的牽亡曲 此(幾一)路刺牙牙現實揪揪搦搦 無臭無潲 經出纏纏密密的離經

磨到碎糊糊的命，針針刺到走精的面 塞倒街的怨，仁仁仁罩二蕊目珠 Kā看破的向望大力搡落暗黲海流 無得(當)拋碇的絕望在滄桑的海愈奮愈大 予怨 懠咬死的命倒出不願的血跡 冗剩的盤賴無彩工的交陪，到此就好