反抗。建國。二二八

（POJ 台語白話字）

228 m̄-nā sī liân-ká, m̄-sī hoaⁿ-hí khèng-chiok ê ji̍t-chí

228 sī lán su-iàu hām chhin-chiâⁿ hó-iú chē lo̍h-lâi

A-kong kap A-má, Ang-á-bó chio chhin-chiâⁿ

Pē-bú chio gín-á, chhù-piⁿ chio kè-piah

Chò-hóe siàu-liām lán Tâi-oân-cho̍k-kûn ê thàng-thiàⁿ

Chò-hóe su-khó hun-hióng Tâi-oân ê le̍k-sú kap ūn-miā

Kā lán ê kò͘-sū thn̂g lo̍h khì, kā le̍k-sú kóng chhut-chhùi

Iōng lán ê bú-gí, tōa-siaⁿ kóng lán ê sim-siaⁿ

Tâi-oân-lâng kóng 228 sī lán bîn-cho̍k khì-cho͘ ê kó͘-siaⁿ

1 pō͘ 1 pō͘ beh kiâⁿ ǹg lí-sióng ê Formsa

Sim-ài--ê, thiàⁿ-sioh--ê, hi-bî--ê, bông-bū--ê, hō͘ lâng chau-that--ê

Bí-lē--ê, khiàm-khoat--ê, bô lō͘ thang thè--ê, khó͘-lān--ê, hēng-hok--ê

Ko͘-toaⁿ--ê, ōaⁿ-thia̍p--ê, chhōe bô chhin-lâng--ê, kiau-ngō͘—ê

Lóng sī lán Tâi-oân siōng pó-pòe--ê

Lán chò-hóe lâi kiâⁿ lâi phah-piàⁿ, tī chit tè thó͘-tē, kiàn lán ê kok-ka！

（Tâi-gí 羅漢字）

228 m̄-nā 是連假, m̄-sī 歡喜慶祝 ê 日子

228 是咱需要 hām 親情好友坐--落來

阿公 chio 囡仔, 厝邊 chio 過壁

做伙 siàu-liām 咱 Tâi-oân 族群 ê 痛疼

做伙思考分享 Tâi-oân ê 歷史 kap 運命

Kā 咱 ê 故事 thn̂g--落去, kā 歷史講出喙

用咱 ê 母語, 大聲 kóng 咱 ê 心聲

Tâi-oân-lâng 講 228 是咱民族起造 ê 鼓聲

1 pō͘ 1 pō͘ beh 行 ńg 理想 ê Formosa

心愛--ê, 疼惜--ê, 稀微--ê, 雺霧--ê,

予人 chau-that--ê,

美麗--ê, 欠缺--ê, 無路 thang 退--ê,

苦難--ê, 幸福--ê,

孤單--ê, 換帖--ê, 揣無親人--ê,

驕傲--ê,

Lóng 是咱 Tâi-oân siōng 寶貝--ê

咱做伙 lâi kiâⁿ lâi 拍拚, tī chit 塊土地

建咱 ê 國家