［逐工寫一段］ ４
幾年前，我寫歌仔戲劇本，寫𨑨迌耶！毋但韻啊遮的代誌要家己學，台語的每一个詞攏查字典（紙本的），攏總寫兩齣，寫完共𪜶囥佇電腦內面歇睏。
進前，我予政府的教育教作我是中國人，38歲才開始了解台灣的歷史，我講的台語離離落落，退休了後，去學歌仔戲，我才知曉我的台語發音毋好，閣去唱台語歌，只是平時講的機會真少。
我的囡仔已經大漢了，我遺憾𪜶袂曉講台語（一點仔，算袂曉），我捌努力過，毋過沒效果，過去的時間袂閣轉來啊！我自己開始做，開始寫台文。這馬有電腦的字典通查，無困難。十五年前，我佇寫古早背景的小說時（地點佇中國大陸），需要看中國出版的資料，一開始查字典，慢慢仔看簡體字，無偌久，就看得真順啊！所以只要去學，就會曉啊！寫台文嘛仝款，查一擺袂記得，查兩擺，三擺……，總是會記起來。
我逐工佇面冊頂懸（頂面）寫一段，同時貼佇「足英台三聲道磅米芳」的迷眾頁(fans page)（註1），希望共人有互動，若有寫毋著的字，歡迎指教。
１．一開始，我用華語拍佇「對應華語」來揣台文按怎寫，第三工就定定用我知影的字詞佇「詞目音讀」查，確定對啊是不對，定定對。
２．我按拜一開始寫，寫第4篇就寫比較長囉！
３．台語本來沒字，借漢字來寫，漢字無的，另外造字，有的字電腦拍袂出來，本來想會裝「拍台語」輸入法，有一點仔麻煩，就用字典內面的字貼過來就好。
４．我會曉講台語，直接寫漢字，猶未學羅馬拼音，袂曉講台語的人，會使先去學羅馬拼音（台羅）。
５．想到秦始皇的「書同文」，共文字統一起來，是真方便，毋過同時應該有真多其他的文字予人消滅囉！
註１：「迷眾頁(fans page) 」是我今仔日佇「足英台三聲道磅米芳」頂面學著的詞，看別人寫的，學起來，用出來，語言才是活的。
台文不會寫，不會唸？ 查這裏
［逐工寫一段］ ３
我小學的時陣，我學校講台語的人沒罰掛狗牌的代誌，可能庄跤所在，老師也無認真去執行，毋過同學有人會自動提醒（去共老師投）：「吼！講方言。」我當時也不知影是安怎台語叫作「方言」？只知影講台語是毋著的代誌。
（台文不會寫，不會唸？ 查這裏 https://twblg.dict.edu.tw/holodict_new/index.html）
［逐工寫一段］ ２
有人講：「這馬攏國際化，毋免學台語啊！學台語無路用。」
「國際化」毋是按呢講喔！
逐个國家抑是地區，攏愛共家己的特色貢獻出來，安呢才是國際化，
你想講會曉講英語就是「國際化」？不是喔！
頭一項，家己的語言袂使袂記得，台語咧欲死去了，趕緊來搶救。
想起小學的時陣，佇庄跤的學校，囡仔佇厝裡攏講台語，去學校遮學華語（猶沒電視），不但作文袂曉寫，造句也寫袂出來，若是當年直接教𪜶台文，無的確寫作文的時陣會卡快樂，嘛袂發生，讀到小學畢業一句話也寫袂出來。
粵語有字，台語也有字，學就會曉。
（台文不會寫，不會唸？ 查這裏 https://twblg.dict.edu.tw/holodict_new/index.html）
[一日寫一段] １
學校的母語課，不只學「講」母語爾爾，猶有學寫字、羅馬拼音佮文化。
我的囝仔細漢時, 我共 "人因"in 講台語, 我足無閒, 定定袂記得講, "人因"in 真緊大漢, 只會曉講一點仔. 我感覺足遺憾。
(不會寫? 查這裏 https://twblg.dict.edu.tw/holodict_new/index.html)
