[半夜不睡幻想自己是蘇麗珍寫信給周慕雲...] [書面語版在後面]係離開香港之後，我搵翻一封埋左係信件堆裡面既信。
“
係我。
係你唔係度嘅時候，我每分每秒都係度諗緊你。
我食飯嘅時候，會諗你食左飯未，定係瘋狂煲煙麻醉自己就算。我熄燈訓教嘅時候，會諗你係咪仲係烏低身捱夜寫小說。當我訓係床上，間房靜曬嘅時侯，我會不禁豎起耳仔，睇下聽唔聽到隔離牆由你間房傳嚟嘅動靜。
你知唔知我諗過幾多次，想唔理呢一切，就甘衝去你間房，攬住你，係你耳邊講：「唔好咁傻啦！你再咁樣折磨自己有乜意思姐！」
就係你呢啲賭徒嘅天性令你只能夠接受all or nothing：只要我仲對段關係有任何一絲嘅懷疑，可能會令我地走唔到落去，你就會寧願分開，當我地從此無識過大家。所以你先唔肯去揀，反而係推卸個決定權比我，因為咁樣你先可以說服自己：呢個機會並唔係你親手放棄嘅。
