這篇文章是欲來紹介兩个台語語詞聽寫軟體。一个是聽例句寫語詞的台語聽寫練習系統，一个是聽語詞來練拼音的台語聽寫練習。目前臺語認證有兩個主辦單位，就是教育部和成大。無仝單位辦的認證聽寫所考的方式淡薄仔無仝，咱會使根據自己的需求選擇相應的系統來練習。下面是兩个系統的紹介：
一、台語聽寫練習系統
這個網站是陳建中先生製作的網站，四步就會使予使用者練習台語漢字羅馬字聽寫。
- 練習方式：這个系統是練習聽規句，寫出台語詞。
- 適用對象：適合準備教育部認證考試的學習者，專注於提升漢字佮拼音能力。
- 教育部認證題型內容：有包括5條漢字聽寫和5條拼音聽寫。
第一步 準備開始練習
- 題數上濟會使選萬六偌條。
- 會使選擇欲練習漢字+羅馬字，抑是干焦羅馬字
- 羅馬字的部分會使選台羅抑是白話字。
第二步 聽音檔，輸入答案
網站會使播送規句的音檔，根據所聽的內容輸入答案。
若猶袂曉拍調號，會使先用數字調號，直接佇拼音後面拍數字。
這就是咧訓練聽力佮書寫漢字、羅馬字。
第三步 送出答案
檢查一擺家己的答案無問題就會使送出去矣！
第四步 對答案
送出答案了後，系統會提供正確的答案。若是著的就會佇題號顯示青色，若有毋著，就會顯示紅色的，予使用者檢視家己書寫的狀況。
以上就是這个網站的使用方式，閣來就是另外一个聽語詞寫拼音的網站。
二、台語聽寫練習
這個網站的作者無落名，毋知是佗一位好心的人所做的網站。
- 練習方式：這个系統是播送語詞音檔3擺，直接寫拼音。
- 適用對象：適合以成大台語認證考試為目標的學習者，專注於提升拼音能力。
- 成大題型內容：40條拼音，無漢字。
第一步 入去網頁
- 拼音的部分會使選台羅抑是白話字。
- 開始了後會有聲音，每一个語詞唸3改。
第二步 聽音檔 書寫
家己攢白紙佮筆，那聽音檔那寫答案。
全部唸了會直接顯示答案，若是欲提早結束，會使揤【莫閣唸矣！】就會使佇下面看答案。
功能優勢
台語聽寫練習網站有下面這幾个優勢：
- 使用簡單：操作簡單，適合所有年齡的學習者。
- 滿足無仝學習需求：
會使選漢字+拼音抑是干焦拼音的練習模式；閣會使揀白話字抑台羅。 - 即時性：透過對答案，學習的人會使即時了解家己的練習結果。
適用對象
這兩個網站適用於所有學習台語的人群，特別是：
- 學生：任何需要提升台語聽寫能力的學習者。
- 教師：可以做輔助教學工具，幫助學生進行練習。
- 自學者：自學台語的人士，提供系統化的聽寫練習資源。
這兩個台語聽寫練習網站，提供真有效率的學習方法，幫助學習者提升台語的聽寫能力。
