你真係講得好啱，我成日做好多蠢事，我最大嘅問題係，人地一拋個我唔識得處理嘅情況，我通常都會say yes咗先。
例如佢約我食晚餐，我就秒回，好呀！咁樣樣。跟著諗吓諗吓唔對路，發覺可能俾人暗算咗，或者做咗蠢事。
又例如，同事當眾問我如果拒絕會好尷尬嘅問題要求，我就會好順口應承咗先。開會本身約3點，點知突然間去到4點幾5點先開，咁一開波齊人，我下屬就當眾講，我5點30 medical appt， 笑住問，意思係個會佢要中途離開走人。大佬成個下晝你唔同我講？開會先講，咁唔通我話你唔俾你去啊。我覺得佢要早啲講囉，係，佢唔講無話錯因為是放工時間，但個會佢要present，咁佢present唔到，就我prensent囉！雖然係簡單的presentation。只可以話，我真係一個好善良嘅人
同埋，可能我真係基層出身，加上我配合度非常高 就算我升左SEO， 但係我覺得我冇SEO的姿態。team lunch，個個都坐係度等食，去飲茶要出去拎點心，老細就叫個男仔文員出去攞，咁我又覺得人地1個人點樣招呼到9個人， 但係冇人會郁的，於是我就變左一齊攞點心，招呼同事食飯個個。 食完野打包，又係我做。 開會要要搬chair, 個個又係大帝咁。 問題我又唔好意思叫人地做呢啲非工作要做嘅野。我真係無氣場。
我下個禮拜五去日本世博，去5日，成40度，期待大爆汗。
