大家好，又係我呢個痴線佬。
你無睇錯我係去左柬埔寨！
多謝身邊朋友關心，除左又又又曬黑左同比蚊咬到仆街之外都叫無穿無爛返黎！
每一次奇怪既行程都會因為一D奇怪既原因
1. 農曆新年假無野做
2. 6月柬埔寨對中(包含香港)免簽四個月 (aka趁早到)
3. 王家衛電影《花樣年華》
4. 柬埔寨園區比人抄晒家 (?)
係,因為我睇下D遊記個時睇下有咩特別野, 原來《花樣年華》最後個幕係吳哥窟拍既
睇完之後做好風險評估, 吳哥窟所在既地方暹粒係遊客區其實都安全🫴🏻
因為呢到真係柬埔寨既金蛋所以一定要保護好雖然12月泰國同柬埔寨邊境衝突正正係呢到附近
結果論黎講我係平安返HK園區既!
頭盔: 唔係鼓勵人去,大家咁大個人自行評估,做好功課~
前置作業
-Visa $30美金，可網上辦理三日內出email 同時有落地簽，但我諗唔到去開旅行既香港人有咩理由落地再慢慢填野，
係某d大爺自慢慢叫人幫佢填😂🫴🏻
官方建議印兩張visa出黎，但實際網上填晒野無用到自動過關
-E-arrival card 到達前7日內填，早d都唔得
-貨幣 美金同當地貨幣瑞爾（KHR)1:4000兩者通用 通常比美金會找當地貨幣。
所以要自行準備美金散銀，香港都有找換店換到$1，$5，$10，$20係匯率差D 7.99
但情願盡量唱散到時KHR用唔晒係好難換返美金
-電話卡
香港好難買建議落地機場買，紅綠色三間供應商都差唔多價，
會影印passport 同影你相紀錄~
如果落地轉機驚無網絡不安可以買一日eSIM 做後備用
-Call 車
東南亞用Grab但呢到偏貴，
可以用Move（要用大陸電話登記）or
PassApp(要柬埔寨電話登記）
-吳哥窟門票
有1日/3日/7日飛 （除左貢開金字塔唔包）
App整定咁你可以用自己張相，如果唔係佢現場幫你影就會好柒…
交通
因為貪平又搞埋D痴線行程....
交通時間同去歐洲差不多lol
香港去暹粒無直飛, 一定要金邊or其他東南亞國家轉機/ 金邊坐車過去
而家今次兩類方法都試左
去程: 香港>羅湖 💰HK$100 call 車入機場
>深圳寶安機場(SZX)>金邊機場(KTI) 03:00am-04:45am 💰HK$648
>暹粒機場(SAI) 07:55am>08:40am 💰HK$579
回程: 暹粒>豪華大巴>金邊 09:45am>15:15pm (5.5 hours) 💰USD$23
>機場巴士 💰HK$3
>金邊機場(KTI)>香港機場(HKG) 19:05pm>22:50pm
💰9000哩+HK$275
差唔多十年無去過深圳機場,
問左近期有係深圳機場出發過既朋友咩環境
佢同我講要安檢3次
係3次!!!!!!!!!!!!我感受到了🤪🤪🤪🤪🤪🤪
入機場-出境-入禁區
連埋羅湖係過左4次X-ray機CLSSSSSSSSSSSSSSSSSS
我仲要帶個hand carry喼拎Q死我!!!!
柬埔寨有兩間本土航空公司, 一間"柬埔寨國家航空", 係國有既
另一間我搭既係"柬埔寨航空"係太子集團旗下, 即係詐騙園區首腦陳志既!
成件事一條龍送去園區好貼心(??????
*btw陳志比人拉左後好似都被收歸國有
上圖個小哥買左東南亞保命神器Grab 外套, 笑死
其實OK嫁,係包行李同飲食版UO~
我手提行李成9kg 地勤哥哥都比我過好好。
訓到昏迷左醒返空姐放左支水比我!
最近佢有開柬埔寨>澳門>海嵾威第五航權路線, 可以考慮下? XD
海嵾威有興趣朋友請敲我~
金邊新機場起唔夠一年, 又大又新
果然有錢起來唔同D
人生第一次坐細機!!!!! 之前去種子島無坐到今次坐到了!
45分鐘航程又興奮又緊張shit!!!!!感覺都幾穩
佢仲有派水同Cookie~~
飛機上坐左個煙臭又瘋狂咳既華人阿伯一上機就問:你會說中文嗎?
即刻扮唔識無應佢
然則佢自言自語:聽得懂呀???
即刻打醒120分精神!
人在外, 遠離一切自來講中文既人係常識吧??????
落機見到佢應該同一大班屋企人黎, 但防(華)人之心不可無!
吳哥窟Angkor Wat
鏡頭一轉就到左吳哥窟
係柬埔寨國旗上既地方!
歷史個D唔講太大多, 簡單黎講就係一個失落帝國因為遷都消失在歷史~
之後比法國人發現如果巨大建築群,
而當中去考究呢個帝國既史料?
就係靠中國元朝一個外派使者-周達觀寫既 《真臘風土記》
而我地而家睇到既吳哥窟同其他建築都係經過唔同國家援助修復而成～
因為柬埔寨經過多年動盪真係好窮, 好多佛頭都比當地人盜走賣去海外
呢個又係另一D故事啦～
基本上好多地方都會睇到呢個蛇神NAGA
高棉係由印度教改佛教,所以好多時建築物有呢兩種風格並存
好多人都係呢個位影日出池面倒影
窗戶, D柱好似一定要係單數
飛天仙女 apsarā ~ everywhere
到處都係原居民
同香港D金山馬騮一樣
花樣年華
你知唔知啊，以前有啲人呢，
如果心裏面有啲秘密，就唔想比人知，
你知唔知佢哋會點？
佢哋會走上山度搵棵樹，
喺樹嗰度挖個窿，
然後將啲秘密講晒入去。
講完之後就搵啲泥封咗去。
咁個秘密就會永遠留喺棵樹度，
無人會知。
花樣年華之中梁朝偉飾演嘅周慕雲有一段咁嘅對白
最後一幕就係呼應返——
而係２５周年版本更加有刪除左同蘇麗珍係吳哥窟撞見返版本
究竟幾高恥力先可以著張曼玉同款旗袍係吳哥窟用三腳架自拍😭😭😭🫴🏻🫴🏻🫴🏻
D白人遊客以為我著傳統衫唔係呀Sorry 😭🫴🏻
偉大既淘仔🫴🏻乜都有
就係咁,我又一次就完成左恥力極高既香港電影聖地巡禮~
只要你唔尷尬,尷尬就是別人(呢個blog成日出現)
btw影第一次個時本身想扮偉仔咁Gel 到立立令
但印象有朋友講要用頭油gel而我無D咁既野hahaha
點解首樓BGM唔用吳雨霏首吳哥窟唔係岩d咩?
但我更鐘意方大同呀!
其實花樣年華我都係去之前認真再睇多次,之前無咩記憶了~
終於明白點解咁多年都歷史不衰成為經典。
Local Tour
吳哥窟其實只係一個最出名的廟,而成個暹粒area 係佔地極大, 極多廟!
通常大宗玩法係分三日玩小圈,外圈,大圈
我就係下面咁:
小圈: 吳哥窟,巴揚寺(高棉的微笑),塔普倫寺(盜墓者蘿拉拍攝地) 周邊小廟 (自己call 車)
大圈:女王宮+一堆記唔起名既廟 (Join KKlook Tour)
外圈:崩密列,貢開金字塔(Join KKlook Tour)
不過好老實講第二三日已經審美疲勞.....
如果Tour guide 講得悶既真係睇一堆石頭.....
因為大圈同外圈交通時間好長,
一個人去基本上都係要join KKlook或者Get your Guide嗰啲拼團🚐
參加呢啲團就最方便唔洗煩包車，
但係與此同時走馬看花，
無購物行程但會帶你去食啲團餐係出面嘅兩至三倍：$6.5美一個炒飯…
講解質素參次不一，有d真係鳩up
事前睇左好多documentary 同書對歷史有基本認識，再買左本蔣勳≪吳哥之美≫打底
好多小圈Tour 都會4:30 am call time 睇日出
懶人如我都係....留返下次先XD(如果有)
酒店望出去既日出
大圈Tour 女王宮
比粒寺
仲有一堆唔知咩廟熱到無心機聽
日日35度熱死
最後比較大既聖劍寺(?)
類羅馬建築
呢日個導游好mama, 講得唔太好又hea,影相又炒晒....
呢D真係撞手神
外圈Tour 崩密列+貢開金字塔+廟sss
暹粒市區1 hour+ >崩密列>1 hour+ >貢開金字塔群
雖然遠但係我覺得好過女王宮團,
一黎少人,二黎真係有打機場景feel
個種自然同崩壞文明交織既感覺好正!!!
今日呢個導遊同樣hea 底,但至少佢講得好清楚
話如果雨季去石頭會因為有濕左既青苔更綠更靚!
但係影到咁樣想點
真係好似會有隱藏關卡既地方!
如果可以真係可以慢慢睇半日, 無奈跟團係走馬看花
有大機朋友可以慢慢影相係好正~
貢開金字塔群要另外課金$US15
根本就係天空之城!
要大叫BARUSU!!!!!
瑪雅金字塔同款(X
著左法拉利既我一支箭上左去
腳仔還是會軟的
導遊迷之角度
上面粒人係我黎
總括呢日黎講係值得去既!
本來呢邊應該同另一個再遠D既柏威夏寺一齊去
但呢個寺長期因為邊境爭議有衝突所以真係唔好啦....
同埋12月先打完仗岩岩停火都去唔到..又是當年法國人搞出來問題
塔普倫寺
就係盜墓者蘿拉(古墓奇兵)拍攝地,
如果唔係呢套電影柬埔寨旅遊業應該無咁勁!
呢到D樹根大又粗壯,又密集真係好signature~
同時太出名所以係巨多遊客!
巴揚寺
呢座寺係最後一個景點, 同時應該係暫時最鐘意,
係高棉帝國時期一個皇帝闍耶跋摩七世Jayavarman VII起,
佢將D自己個樣當係佛像咁起到成個寺都係, 好似有百幾塊笑臉,
好寧靜同慈祥, 所以呢到就係好出名既"高棉的微笑"由來。
熱到我做唔到任何表情
有僧人行過呢個畫面好靚
灰黑既建築物+鮮橙衣物對比好有味道
剪左段reels放左係Threads
其他
飲食
-泰+越mix 可能我無遇到啲好好食嘅餐廳真心好普通😓
-物價貴,價錢同質素唔成比例.....
-叫好小小嘅餐喺日本人開既cafe(偏貴）
-不過普通draft beer 最抵屌$0.5美已到經有一杯又入到口
之後再係酒店附近見到間日本人開既draft beer bar "IB TAP HOUSE" 都OK的(why 日本人again
好多時都係食到生無可戀.....
酒店
東南亞老習慣會轉酒店,住左兩間,
因為我有KKlook coupon 第一次係到Book酒店都有D不安,
所以book 完都再send email 問係咪有record, 都係OK無事~
1. HARI Residence & Spa HK$ 790.4 兩晚
房型好大, 有露台,包早餐,但係無乾濕分離
而且旺區都有車聲
網上既圖都有AI過, 實體舊小小但都叫可接受到
2. Green Morodoc Garden Hotel HK$ 557.1 2晚
翻新酒店, 個plan唔包早餐, 有兩個泳池(但好多蚊呀屌)
有小露台佢派左二樓比我無樓梯DLLM
備品要自己call 叫佢送上黎懶環保!!!
無紙拖鞋CLSSSSS 連膠拖鞋都無, 唔講以為自己住緊hostel
除左新同靜係無可取之處..........
按摩
試左一次傳統高棉按摩US$10
貼士無泰國咁明顯係門口等你
都係隨心$1-3美
相性唔係太夾佢按到我瘀左…
所以我都無去第二次了............O<<
氣溫/防曬/蚊怕水/衣著
-2月份日日35度熱到仆街，要瘋狂補防曬同飲水💧
真係有幾次差D中暑
-蚊怕水一定要帶
本人為極惹蚊人士有一兩日唔記得噴比蚊咬到仆街，勁陰濕仲咬埋上面😂😂😂😂
-入廟有規定唔準著背心露肩短褲等等，
如果唔係會要你係出面d檔仔買完先比你入👖 帶帽，太陽眼鏡
一對你覺得丟左唔可以既鞋，拖鞋，口罩（如果搭嘟嘟會食到成面沙）🧢
點解可以咬到咁????
豪華大巴
金邊<->暹粒來回有唔同巴士公司可以選擇
有日間Van or 夜間臥鋪大巴
基本上一定係5.5-6 hours
而我唔想自己咁辛苦就book左最最最豪華既VET express first class bus!!!!!
不過
天公永遠都係要比D考驗我
call 車去到既VET EXPRESS站唔係真正既上車地方,
係30分鐘車程以外既另一個集合點!!!!!!!!!!!!
眼見得返半個鐘心諗仆街了
好彩個職員見慣見熟趕到安排豬仔車!!!!!
任何時候都要預鬆時間呀各位!!!!!!!!!!!!!ARRRRRRRRRRRRRRRRRR~
-真係同飛機first class 咁款有得較椅角度
-有專人服務茶水
-中間有停車休息點
-車上有廁所 (乾淨但震到hihi)
-整體黎講都不錯
-聽講另一間公司Larryta Bus夜巴都幾好, 暫時未有機會體驗
機場大巴
豪華大巴落地金邊我無去市區行直接行200米去機場大巴
KHR$1500 大概HK$3
但係無咩人坐等左20幾分鐘先開車
同埋無得找開一係比KHR 一係US$1 比佢
司機播足40分鐘迷之柬式EDM我個頭好痛.....
金邊機場
機場好新好大
機場巴士落車點好遠都幾唔方便
不過窮撚車錢HK$3就唔好嫌
金邊機場有Plaza Premium Lounge
仲有香港名物魚蛋粉!
都幾多日本人買CX經香港轉機
你話會唔會再去, 我諗雨季/有D特別野先會再去?
都叫又完成左一個bucket list,
YEAH!
我都怕自己拖拖下就又唔想寫 (望Qatar, 河內etc)
所以點都寫住D, 之後有機會再睇下補唔補hahahahaha
最後多謝朋友們關心同支持~腎同器官尚在,
亦都無需要用到出事用既暗號XDXDXD
雖然已知旅遊區好安全,事前做功課90%比人捉去園區係自願成份多(茶
🙌🏻再頭盔唔係鼓勵人去，請自行衝量風險+自己是否爛命🙌🏻
再一次多謝各位收睇
完!
