《分手行動》
咧承認我佮意Ｄ的幾若工中間，我的情慾真懸，佮伊愛愛的時高潮一直來，非常爽快，伊嘛知影，毋過伊心內的想法無仝，我感覺伊敢若無歡喜。我講若有另外一个人，對咱的關係有幫助，伊嘛無理解。
Ｄ離開了後，我的心情規个降落來。有一擺愛愛的時，我感覺彼種感覺無仝款。佇伊下擺來的中間日子，我感覺我無愛愛愛囉！嘛佮伊講好矣！後來閣加其他的代誌的壓力共我逼到底，我雄雄明白，這段關係無愛矣！我愛好好仔保命，過我想欲過的日子，她無了解我的想法、我想欲愛的、我的解說，就煞煞去，我愛了解我家己，滿足我家己矣！
佇請假期間決定分手。伊猶原來參加活動，共原本拍算欲做的代誌做完。我會斟酌動作，譬如：袂佇伊的面頭前換衫；無閣有親密的動作；猶是睏仝一頂眠床，毋過隨人蓋隨人的被。嘛佮伊確認：「妳有復合的期望嗎？如果有的話，我們連朋友都做不成了。」伊講無。
●分手了後
一寡仔代誌伊突然明白矣！講伊了解我的想法；嘛拄著其他的人，佮in講真濟話，明白真濟；嘛真正有行動去學已經講誠久的塔羅牌佮其他的代誌，咧其中明白閣較濟，毋過攏傷晏矣！我講咱計劃中欲做的代誌猶是共in做了，遮的代誌對伊佮對我攏是真重要的。
我感覺加較輕鬆，誠濟責任卸落來，伊來台北的時陣誠濟代誌毋免陪，伊家己去做，我猶是真忝，就家己沓沓仔調整，譬如：這２年厝內有室友同齊蹛，伊捷捷來，室友抗議講影響生活，我定出借蹛遮一個月極加４工的配額；平時莫講電話，見面的時才講；伊有話欲講的時，先寫落來，若傳予我看，我會看，毋過袂回應；來台北的時，一工上濟講２點鐘，其他的時間隨人做隨人的，捌講２工貼貼的話，咧行郊山、食飯、活動中攏咧講話，伊轉去了後，我忝死矣！知影袂使閣按呢，愛限制講話的時間。
●意料之外的相遇，出現一个人
伊佇連著２擺無仝款的活動中，拄著一个我工作室的伙伴Ｕ（異性戀查埔），感覺真奇妙。伊共我提議欲佮Ｕ談「開放式關係」，我講Ｕ看誠濟冊，只是實踐的經驗無濟，我嘛毋知影Ｕ的解說有正確無？後來猶是談。聽Ｕ講一陣仔，我突然看誠清楚，講：「我們不要再談開放式關係了。」Ｕ接落去講：「妳們現在要談的不是開放式關係，是分手啊！」是喔！
我聽U的解說攏無問題，伊嘛明白，聽有，Ｕ較少有機會對其他的人解說開放式關係，抑是佮愛、性方面的話題，我笑笑仔講：「這些場合大都是女生，女生們都伶牙利齒，你發言搶不過她們。」
Ｕ講：「是啊！用寫的話還好，可以多點時間想，用說的話，我在說話上的反應比較慢，我說一句，她們已經說10句了。」
我提議in２个人互相加line，伊有問題的時會使問Ｕ。呼！自此以後交予U，毋免閣佮伊講遐的傷腦筋的話題矣！
彼工暗時仔，Ｕ轉去了後，傳予我４則孫中興老師佮分手有關的談話，我轉予伊，伊聽了後，講幫助誠大，家己閣去網路中揣，共孫老師佮愛情有關的上課錄影攏揣來看，講伊明白真濟代誌。這當陣仔我才知影，我的解說方式伊較歹理解，另一个原因是，我是事主，角色濫做伙，我講的攏無用，換一个人講就較好矣！
●重點是
其實伊所有的明白佮願意學的原因是：分手。分手後就什麼攏明白矣！攏聽入去，該做的攏去做；若無分手，眼前所有的進展是無可能的，人就是愛付出遮的有夠慘的代價。
我想欲講的抑有一點：予人分手的彼个人，定定佇對方講欲分手了後，著急去檢討、補救，其實攏傷慢矣！因為咧決定、講出來進前，已經想誠久，向前走一段路，離真遠，趕袂赴矣！
（華文寫於2018年;台文翻譯完2026.3.30.）
教育部台語辭典，https://sutian.moe.edu.tw/zh-hant/
