2019-04-09|閱讀時間 ‧ 約 3 分鐘

台文小故 || 我ê台文工具

[華語前言] 　　本篇文章將會介紹我自學台文的工具，未來在其他文章中，會視情況在開頭附上這篇文章，以供讀者閱讀時有工具可以使用。　　在方格子的文章我希望盡量不使用華語，本文內會以漢字＋羅馬字(台羅)混用的方式書寫文章，如果有看不懂的字詞，可以利用字典工具查詢，或是複製後在下方留言，我會盡快回覆你該字詞的意思，謝謝。　── Atshing

我學台語羅馬字ê方式：THK ê POJ 教學影片　　攏總有24支影片，沓沓仔看、沓沓仔學，我彼陣kan-na看頭前幾支片就開始寫台文矣。
我有teh使用ê字典：（１）台日大辭典（２）iTaigi （３）ChhoeTaigi 找台語（手機仔APP）　　這三个字典小可仔無仝，若是kan-na beh揣字詞，第三个 ChhoeTai 是上方便--ê，因為伊整合目前所有線頂ê字典資源，你會當足輕鬆就佇網站頂懸用華語、台語、英語揣著相對應ê詞，而且伊是唯一有手機仔ê APP 通用ê。　　若按呢是按怎koh beh推薦頭前兩个網站咧？　　因為台日大辭典是日本時代ê出版品，網站內底會當看著紙本ê scan，有時陣我無確定字詞ê用法，會想beh知影koh khah 濟資訊，就會去看scan ê 圖來參考。　　Koh來， iTaigi 是一个會當予逐家去佇頂懸回答台語講法ê網站，有一寡khah新ê詞若查袂著，會當佇tsiah輸入，過一暫仔就可能會有人回答你，而且伊有一个我認為誠心適ê新工具，就是你會當佇網站輸入你ê名字，伊會照咱台語普遍ê規則來kā你講你ê名佇台語ài按怎唸，m̄ koh，若你查ê發音kap你厝內kā你huah ê 無仝，猶是以厝內huah ê為主，m̄免特別改喔。
手機仔會當裝ê輸入法：（１）羅漢跤 lohankha： ios版（２）Phahtaigi：Andriod版 / ios版　　這兩種攏袂歹用，我會khah推薦 Phahtaigi ，m̄ koh 伊ê ios版本字盤khah大，我ê手機仔是iphone SE，比較khah細支，所致我目前是用羅漢跤 khah濟，予恁參考。
電腦會當裝ê輸入法：（１）信望愛台語客語輸入法（２）教育部臺灣閩南語漢字輸入法　　攏會使試看覓，比較有差別是信望愛無法度拍全型ê空白，拍符號ê方式kap咱一般teh拍華語khah無仝，有ê人可能會無慣勢，我兩種攏有裝，m̄ koh 用信望愛 khah濟。

　　原底koh想beh推薦一寡趣味、有營養ê網站抑是面冊ê Fanpage予逐家參考，想袂到kan-na寫tsiah ê 工具就已經真長矣，若按呢就後回有機會才koh來kā逐家分張。

分享至

成為作者繼續創作的動力吧！

Tâi-bûn khai-káng

追蹤

從 Google News 追蹤更多 vocus 的最新精選內容

你可能也想看

發表回應

成為會員後即可發表留言