學台文日記：各種台文對我ê意義

最近對「學寫台文」閣有新ê想法。

我知影，對無特別去學台語文ê朋友來講，著算講平常時會曉講台語，若拄著有人寫台文个時陣，嘛是罕得有人看有，甚至看甲真痛苦。

「使人感覺痛苦」抑是「使人看著台文著來跳過」毋是我ê本意，「自我精進」甲「邀請大家做伙來使用母語」才是我想欲做ê代誌。

所以，在這leh階段，我想欲寫3種語言：先寫台文漢字，然後是台文ê羅馬字，最後是華語。

雖然一開始讀起來蓋痛苦，毋過慢慢仔較熟發音方式了後，佇咧無確定發音ê時陣，羅馬字是真hó幫助學習甲矯正發音个工具。親像「發音」的「音」，我進前讀做「in」，其實是「im」，喙愛闔起來。羅馬字定定提醒我正確ê喙形甲發音。

這是我上界躊躇ê。躊躇啥物leh？

開始寫台文了後，我定定煩惱我大部份的朋友應該無法度讀有捌。我雖然感覺使用母語是一件真光榮ê代誌，嘛認為母語ê存在本身就是一種主體性，無應該因為大部份ê人看無，著來放棄使用。但是，我嘛淡薄仔煩惱：按呢做，時間tsit久，無的確大部份ê人煞來對台語止步？我甘需要甲台語做伙翻做華語leh？

我本來感覺這是語言權力ê角力，台語因時代造成ê弱勢，成為伊欲復興ê困難之一。

毋過，當leh煩惱，共學團拄仔好咱共讀一本冊《權力甲無知》。阮討論著「語言ê權力」這leh想法，領隊小賊煞予我意見：伊感覺，「想欲加入華語」顛倒是「權能/充權」ê表現---盡力予大部份ê人會當加入。若是不管大部份ê人看有看無，攏寫家己ê，大家看無嘛無差，這敢毋是「自願無能」、放棄連結ê心態？

我問我家己，確實佇心內是tsit兩種想法ê躊躇。所以，我決定：雖然較忝，也是保留華語ê版本。

台文書寫目前對我來講，猶原是真需要練習、真慢个過程，有時陣寫出來了後，我閣返去讀，看敧來閃閃爍爍、離離落落，連我家己嘛看無XD！

所以，除了對袂曉講台語ê朋友好讀以外，華語暫時嘛是我檢查語義个工具。希望慢慢仔會當生出台語ê思考邏輯。

缺點就是：愛寫3遍，忝！

Tsuè-kīn tuì "ha̍k-si̍p /siá Tâi-bûn" koh ū sin ê siūnn-huat.

Guá tsai-iánn, tuì bô ti̍k-pia̍t khì o̍h Tâi-gí-bûn ê pîng-iú lâi kóng, tio̍h sǹg kóng pîng-siông-sî ē-hiáu kóng Tâi-gí, ná tú-tio̍h ū lâng siá Tâi-bûn ê sî-tsūn, mā sī hán-tit ū-lâng khuànn-ū, sīm-tsì khuànn kah tsin thòng-khóo.

"Sú lâng kam-ka thòng-khóo" ia̍h-sī "sú lâng khuànn tio̍h Tâi-bûn tioh thiàu kuè" m̄ sī guá ê pún-ì, "tsū-ngóo tsing-tsìn" kah "iau-tshiánn ta-ke tsò-hué lai sú-iōng bú-gí" tsiah-sī guá ê siūnn-bueh tsò ê tāi-tsì.

Sóo-í, tsāi tsi̍t leh kai-tuānn, guá siūnn-bueh 3 tsiòng gú-giân: Sing siá Tâi-bûn hàn-jī, liân-āu sī Tâi-bûn Lô-má-jī, tsuè-āu sī Huâ-gí.

sui-jiân tsi̍t khai-sí tha̍k khí-lâi kài thòng-khóo, m̄-koh, bān-bān-á khah sik huat-im hong-sik liáu-āu, tī-leh bô khak-tīng huat-im êsî-tsūn, Lô-má-jī sī tsin hó pang-tsōo ha̍k-si̍p kahtsiau kiáu-tsìng huat-im ê kang-kū.

Tshan-tshiūnn, "huat-im" ê "im", gua tsìn-tsîng tha̍k tsò "in". Tshuì ài ha̍p khí-lâi. Lô-má-jī tiānn-tiānn têh-tshenn guá ê huat-im.

tse sī guá sióng kài tiû-tû ê. Tiû-tû siánn-mih leh?

Khai-sí siá Tâi-bûn liáu-āu, guá tiānn-tiānn huân-ló guá tāi-pōo-hūn ê pîng-iú ìng-kai bô-huat-tōo tha̍k ū bat. Guá sui-liân kám-kak sú-iōng bú-gí sī tsi̍t kiānn tsin kong-îng ê tāi-tsì, mà jīn-uî bú-gí ê tsûn-tsāi pún-sin tiō sī tsit tsióng tsú-thé sìng, bô ìng-kai in-uī tāi-pōo-hūn ê lâng khuànn-bô, tio̍h lai hòng-khì sú-iōng.

Tān-sī, guá mà tām-po̍h-á huân-ló: Án-ne tsò, sî-kan tsit kú, bô-tik-khak tāi-pōo-hūn ê lâng suah lai tuì Tâi-gí tsí pōo? Gua kam su-iàu kah Tâi-gí tsò-hué huan tsò Huâ-gí leh?

Guá pún-lâi kám-kak tse sī gú-giân khuân-li̍k ê kak la̍t, Tâi-gí in sî-tāi tsō-sîng ê jio̍k-sè, sîng-uî i ho̍k-hing ê khùn-lân tsi i.

M̄-koh, tng leh huân-ló, kiong ha̍k thuân tú-á-hó kiong tha̍k tsit pún tsheh 《Khuân-Li̍k kah Bû-Ti》. Guán thó-lūn tio̍h "gú-giân ê khuân-li̍k" tsit leh siūnn-huat. Niá-tuī Sió Tsha̍t suah hoo guá ì-kiàn: I kám-kak, "siūnn-bueh ka-ji̍p Huâ-gí" tian-tò sī "khuân lîng" ê piáu-hiān---tsīn li̍k hōo tāi-pōo-hūn ê lâng ē-tàng ka-ji̍p. Nā-sī bô kuán tāi-pōo-hūn ê lâng khuànn ū khuànn bó, lóng siá ka-kī ê, kám-kak ta-ke khuànn bô mà bô-tsha, tse kam m sī hòng-khì liân-kiat ê sim-thài?

Guá mn̄g guá ka-kī, khak-si̍t tī sim-lāi sī tsit nn̄g tsióng siūnn-huat ê tiû-tû. Sóo-í, guá kuat-tīng, sui-liân kah thiám, mā sī pó-liû Huâ-gí ê pán-pún.

Tâi-bûn su-siá bo̍k-tsiân tuì guá lai kóng, iu-guân sī tsin su-iàu liān-si̍p, tsin bān ê kuè-tîng. Ū-sî-tsūn, siá tshut-lâi liáu-āu, guá koh tńg--khì tha̍k, khuànn khí-lâi siám-siám-sih-sih, li-li-lak-lak, liân guá ka-kī mà khuànn-bô XD!

Sóo-í, tû-liáu tuì buē-hiáu kóng Tâi-gí ê pîng-iú hó tha̍k í-guā, Huâ-gí tsiām-sî mā sī guá kiám-tsa gú-gī ê kang-kū. Hi-bāng guá bān-bān-á ē-tàng senn tshut Tâi-gís su-khó ê lô-tsi̍p.

Khuat-tiám tiō sī: Ài siá sann páinn, thiám!

---

最近對「學寫台文」又有新的想法。

我知道，對沒有特別去學台語文的朋友來說，就算平常時會講台語，若遇到有人寫台文的時候，也是很少有人看得懂，甚至看得很痛苦。

「使人感覺痛苦」或者「使人看到台文就跳過」不是我的本意，「自我精進」跟「邀請大家做伙來使用母語」才是我想做的事。

所以，在這個階段，我想寫3種語言：先寫台文漢字，然後是台文羅馬字，最後是華語。

雖然一開始讀起來很痛苦，不過慢慢較熟發音方式之後，在不確定發音時，羅馬字是很好的幫助學習矯正發音的工具。像「發音」的「音」，我以前讀做「in」，其實是「im」，嘴巴要闔起來。羅馬字常常提醒我正確的嘴形與發音。

這是我最猶豫的。猶豫什麼呢？

開始寫台文以後，我常會煩惱：我大部份的朋友應該看不太懂台語書寫，我雖然感覺使用母語是一件光榮的事，也認為母語的存在本身就是一種主體性，不應該因為大部份人看不懂，就放棄使用。但是，我也會煩惱：這麼做，會不會時間一久，大部份的人卻開始對台語止步？我需要台語併用華語嗎？

我本來感覺，這是語言權力的角力。台語因時代造成的弱勢，成為它要復興做必須經過的困難之一。

不過，正當這麼想的時候，共學團剛好共讀一本書《權力與無知》。

我們討論著「語言的權力」這個想法，領隊小賊就給了我意見：她感覺，書寫台語時「想加入華語併用」反而是「權能/充權」的表現---盡力讓多數的人能夠加入。若是不管大部份的人看不看得懂，只寫自己想寫的，大家看不懂也無所謂，這難道不也是「自願無能」、放棄連結的心態？

我問我自己，確實在心裡是這兩種想法在擺盪。所以，我決定：雖然這麼做很累，但還是先保留華語版本。

台文書寫目前對我來講，仍是很需要練習、很慢的過程，有時寫出來之後，我再回去讀，看起來閃閃爍爍、離離落落，連我自己看不懂XD！所以，除了對不會講台語的朋友好讀以外，華語暫時也是我檢查語義的工具。希望慢慢地我能長出台語的思考邏輯。

缺點就是：愛寫3遍，累！