經師易遇，人師難遭 良哥，一路走好！

一日為師，終身為父。

係我前半段工作生涯裡，有三位我很尊敬的師父，他們亦師亦友，亦會係我轉牛角尖時飾演父親角色開解我。

佢地三位各有各長處領域，理論、實戰、經驗等等都傾囊相授，而我，就好似射鵰英雄傳中的謝無忌，得盡真傳。

而良哥，從他的身上，我學會的，不只是一身武功，更重要的是「武德」。從他身上，我學會了對待每一件事都要認真，盡力；抱著每一次都是最後一次的心態做事。他的耐心，反應之快，話頭醒尾，深得客戶歡心，很多客戶一聽到是良哥跟job，都放十萬個心。因為所有東西都會準備妥當，出錯率基本上是零。

入行初期，我和良哥相處時間是頗長的，返09-收26是常事，當時正處於做廣告的黃金時期，每日基乎是job 接job，無停手，還記得有一次是在年三十的下午，當時已經處理完最後一個客戶錄音環節，將要收爐熄機，突然聽到有一陣水聲，轉身一看，機房外牆經已有一條水柱從外射進，所到之處正正就是我們錄音機樓，所有硬碟都是傳放於此，弄濕了可大可少！我立刻大叫後面機房打緊機的良哥，還未講完，他就已經用手蓋著出水位和立刻熄機，追查底下原來外牆裝修工人太好將我們已斷開的水喉重新接上，導致呢個『水舞間』事件發生！當然，到我們都弄乾淨地方的時候經已是年初一 ！當時我年少氣盛，都免不了嘈嘈閉，但良哥全程都無怨過一句，EQ之高，真係領我好佩服！

良哥，好幸運認識到你，你的親切，細心盡責，對我影響深遠！ 你永遠係我心裡的好師父，好父親。

願你家人一切安好。