爸爸的自家 Apple Watch Review 日常篇

用了 Apple Watch 已經超過一個月，來分享一下日常經驗。又來 Set the Scene 先：我是朝９晚Ｎ打工仔，Ｎ由７至１１不等，由早到晚都係坐在辦公室那種。

很多人認為，Apple Watch 只是另一種 gadget，和其他科技玩意一樣，多個沈迷的理由。但事實上，在用了 Apple Watch 之後，我竟然少用了 iPhone。平時自己一個人的時候，總會常常拿電話出來撳撳撳，主要只是看看有沒有 miss 重要資訊，其次是百無聊賴，睇下呢樣睇下果樣。

日常生活中，資訊大概只有兩類：「睇左就算」和「需要跟進」，就個人經驗而言，前者出現機會比較多。如何令「需要跟進」的事情不被遺漏，和減低「睇左就算」的資訊污染，就得花一點時間在 Notification 設定上。每個人在訊息需求上也不同，想一想自己平日的撳電話習慣，再定位什麼項目要帶到 Apple Watch 上，非常重要。

我的設定中，就只有 Message、Weather 和 To-Do Apps 的自訂訊息，加上 built-in 的 Incoming Call 和 Activity，只定位這些需要 push notification 給我看的。就這樣，我沒有再 miss 重要的資訊和電話，少了撳撳撳電話，收到重要訊息才拿電話上手，所以日中很多時候電話也乖乖的留在口袋中。同時，坐得太長時間會收到提示，起身走走，我也會行去添水飲。漸漸地，這習慣成了恆常，也減少了「冇電話在手周身唔自在」的感覺。我個人頗為喜歡。

其次就是防水功能，雖然官網說 Apple Watch 不能防水，但很多網站試過是可以做到全天侯（當然唔係叫你戴住去游水）。基本上運動出大量汗、日曬雨淋和去洗手都完全沒有問題，我每日睡前，也會用水沖洗一下再抹乾。

但在防刮方面，就不是完全強勁。用了一個月後，錶面也有幾條花痕，不是太明顯但的確是花了。我用的只是 Sport Version，相信高一級的錶面應該會更耐刮。錶帶在戴了一個月後，也出現 coating 脫落的情況。但這些對我來說不是大問題。

仲有，我個仔很喜歡米奇，某週末比佢見到我個米奇 Watch Face 之後，一見我隻錶就同我講 Hello Mickey。又模仿佢「un吓un吓」，非常攪笑。