方丈份人...

直昇機家長雖然未必是主流，但係似乎是愈來愈多，否則有啲學系都唔會專登做家長日，等家長問過飽啦。

縱然不是常見，但一嚟料就擔保您死過億細胞， 好似係。

我哋嘅面試，通常都係10人一組，因為可能有人缺席或遲到，而未必安排到後一段時間嘅人頂上，所以有時係只有小於10人進入面試室。

話說個次面試，入哂嚟之後，課室後面竟然坐多咗個人，唔通咁猛，鬼大佬，我平時都係講吓粗口、係街邊望吓...(你唔明? 唔明都好， 唔明都好)， 你唔好嚟攪我吖。

唔係播，係課室個倒影，我見到佢後尾枕㗎! 妖! 原來係人嚟㗎。驚愕後緊係要攞番個勢，問佢：「請問你係咪考生 (我鬼知你係唔係個啲Mature Student吖)?」當然，我心裡有數， 佢係家長。

呢一刻，我要爆啦。

「點解你跟埋入嚟?」

「我驚阿囡豬唔識答，必要時我可以幫佢補充一下。」

「練習就有得補充，面試係無嘢補充嘅。唔該你番出去。」

「哦...」起身之際，再整多句「我唔補充，當我旁聽生聽吓得嗎?」

「可唔可以講你個囡叫咩名?」

方丈今次唔小氣唔得！

請看官來facebook給我一個讚吧!