蚵仔煎

更新於 發佈於 閱讀時間約 6 分鐘
raw-image

彼間店電視ê美食節目來採訪--過,是阮這搭名聲上響ê蚵仔煎。彼工我拄好tī現場teh食晝,看攝影師傅佮伊ê助理斟酌chhiō光,koh四角桌仔這爿踅到彼爿,kā kâⁿ有大粒蚵仔、煎kah赤赤穌穌koh妝娗有粉色豆油膏ê蚵仔煎,翕chiâⁿ一个膨皮ê少女,彼个媠款ē hō͘ 人看一下腹肚枵。邊仔彼碗魚丸仔湯,in mā án-ne kā攝影:魚丸仔tī清湯--ni̍h沐沐4、5粒,湯面幾片芫荽,sám tī 湯--ni̍h ê胡椒粉拄好濟,攝影機細膩掠一絲一絲chhèng koân ê 白煙;記者tī邊仔用枵饞ê聲音teh紹介,講蚵仔煎好食,魚丸仔湯koh khah chán,這款四配ê結合絕對hō͘ 人食著就牢--leh。我tī另外彼桌暗聽kah起愛笑;這擔我自細漢食到taⁿ,ē giàn都著,記者teh講話有khah譀,毋過無嘐六。 這間老店,tī阮遮開50捅冬ah,幾若冬前猶是老頭家佮老頭家娘teh扞,最近這幾冬才kā生理交hō͘ in-ê後生。我猶原想著就去食,頭家換手,滋味無變,逐擺lóng hō͘我ùi目睭、喙 kah 胃lóng滿足。

In這間店逐工lóng àn透早6點無閒到暗時10點,生理ka-iah無停睏--過,一年12月日,獨獨3--月規間店歇睏一個月。我有問過少年頭家:「恁lóng固定3--月店休,是毋是厝--ni̍h ài無閒啥?」

「無--ah!」

「出國chhit-thô?」

「Mā無!」

「抑是錢趁siuⁿ濟,sáng勢歇睏?」,我kā滾sńg笑。

「Ná有嫌錢趁siuⁿ濟soah毋做生理ê代誌?你mài koh 烏白臆!3--月歇睏是阮阿母阿爸交代ài守ê規矩!」

少年頭家話講了就毋chhap--我-ah。我緊kā蚵仔煎食了付錢。


舊年,我一个朋友tòa院,我去kā探,beh走ê時,看著老頭家娘sak老頭家坐輪椅tī病院ê中央埕。 我去chham in相借問順紲開講,o-ló in後生生理gâu做,蚵仔煎佮魚丸仔湯ê煮食手路有得著in翁仔某ê真傳。 Káng-á-káng,我無張持koh問著3--月歇睏規個月ê代誌。 老頭家娘佮in翁對相一下,才講:「這其實無啥物lah。就阮彼間店,便若新曆3--月ê時lóng ē有怪事發生。自阮少年時稅彼間店面就án-ne,到3--月就ē出代誌,mā bat驚著人客,其他ê時間lóng好好,後--來阮規氣3--月就歇睏。林--先-生,你mài驚heh!」

「是啥物怪事?」

「是......便若3--月一到,lóng ē有一个奇怪ê人客出現,伊lóng無話無句,tī店--ni̍h行來行去,有時koh ē走去佮其他人客坐仝桌。阮beh hiàm伊走,伊講這是in tau;阮報警察來,伊sûi無--去,警察走,伊koh出現。後--來......」

「後來是án-chóaⁿ?」 老頭家娘koh佮in翁對相,講:「這......o͘h,阮就無愛加講lah!」 聽著án-ne,我sûi激出笑面,chhìn-chhái giú一个話頭佮in翁仔某無意無意lā幾分鐘了,就相辭離開病院。


蚵仔煎擔ê厝主我有相bat,伊是阮阿公在生時ê知己。跳工我就去chhōe這位今年95 ê 先生公仔 - 我自細漢lóng án-ne kā 叫 - 問伊這件怪事。

「彼个毋是人!彼搭khah早死過人!」 先生公仔ê回答hō͘我chhoah一tiô!

「Án-chóaⁿ死人?是自殺抑是啥物命案?」

「你毋知o͘h?彼時是連lín阿公mā險仔無命neh!」 先生公仔ê回答koh一擺hō͘我chhoah一tiô!

「是......發生啥物代誌?是án-chóaⁿ 佮阮阿公有牽連?」

「彼陣就阿山兵仔刣人ah,規陣--o͘h,機關銃濫糝彈,lín阿公走去beh覕,阮阿兄走袂赴,hông彈死tī遐......」 先生公仔講猶bōe了,我ê頭殼--ni̍h已經teh雷公熾爁--ah!

「阮搬厝了後,彼間舊磚仔厝拋荒幾若冬。彼對ùi嘉義落南來拍拚ê少年翁仔某kā阮稅厝,阮才稅--in。Mā毋是lóng無躊躇。後--來聽in kā阮投彼號3--月ê怪事,阮請法師來看,才知彼是阮阿兄ê神魂,3--月ê時陣伊ê怨氣上重,才ē轉來屍身不寧ê所在作祟,伊chhōe無冤仇人毋願走,法師mā無伊法。」


今年,我tī 彼擔蚵仔煎beh歇睏ê前一日,特別走去kā交關。 「仝款,蚵仔煎一盤來,魚丸仔湯一碗!」 物件送來到桌頂ê時,我soah雄雄反腹食袂落。 赤赤ê蚵仔煎,hiauh-hiauh ê所在若破皮ê空嘴,káⁿ是銃子thàng過身軀ê證據?粉粉ê豆油膏袂輸奇變ê血水,pha tī 破空ê肉體頂面。彼碗清湯反濁紅,魚丸仔是沐沐泅猶毋願瞌ê目睭。 我ùi椅仔頂liòng--起-來,無食晝就緊soan。

留言
avatar-img
留言分享你的想法!
avatar-img
凝心的沙龍
11會員
16內容數
文學家、科學家,專業台語文學創作。
凝心的沙龍的其他內容
2025/03/02
『228連續假期到了尾聲。您有好好享受假期嗎?』 『為您插播一則最新消息。海港市昨天半夜驚傳命案,一名品學兼優的女學生忽然發狂似的殺死了三位同學。命案發生地點在海港市著名的鬼屋。我們現在連線現場記者。』 『好的。各位現在所在的位置就是昨晚發生命案的地點,在我身後的就是海港市的著名鬼屋。現在…
Thumbnail
2025/03/02
『228連續假期到了尾聲。您有好好享受假期嗎?』 『為您插播一則最新消息。海港市昨天半夜驚傳命案,一名品學兼優的女學生忽然發狂似的殺死了三位同學。命案發生地點在海港市著名的鬼屋。我們現在連線現場記者。』 『好的。各位現在所在的位置就是昨晚發生命案的地點,在我身後的就是海港市的著名鬼屋。現在…
Thumbnail
2025/03/01
真濟冬以前,我有完成一篇散文叫做"我家的二二八"。嚴格來講,chit篇文章tī完成進前tō已經經過beh 10 冬,我ùi散掖tī序大人驚惶上深ê記池內底,沓沓仔hô͘出一角koh一角,猶澹澹、黏黏、濕濕,毋成ê形體,毋甘來組合;了後我koh用小說ê方式,再現我ê舅公,阿公佮阿媽。小說是虛,人生是
Thumbnail
2025/03/01
真濟冬以前,我有完成一篇散文叫做"我家的二二八"。嚴格來講,chit篇文章tī完成進前tō已經經過beh 10 冬,我ùi散掖tī序大人驚惶上深ê記池內底,沓沓仔hô͘出一角koh一角,猶澹澹、黏黏、濕濕,毋成ê形體,毋甘來組合;了後我koh用小說ê方式,再現我ê舅公,阿公佮阿媽。小說是虛,人生是
Thumbnail
2020/03/11
牛椆庄ê阿雪佇樹頭伯公hia吊脰死了後,個外月來,人人攏teh喊講逐工暝時,彼个時間,會有查某人走去彼欉松仔跤,kā家己吊起--lih,跤硬死踢,無偌久著雙跤直直直,tiàm hia tòng-tòng幌。遠遠看,袂輸樹椏頂phoa̍h一領白大蟒,風來,koh會iⁿ-oaiⁿ iⁿ-oaiⁿ kho
Thumbnail
2020/03/11
牛椆庄ê阿雪佇樹頭伯公hia吊脰死了後,個外月來,人人攏teh喊講逐工暝時,彼个時間,會有查某人走去彼欉松仔跤,kā家己吊起--lih,跤硬死踢,無偌久著雙跤直直直,tiàm hia tòng-tòng幌。遠遠看,袂輸樹椏頂phoa̍h一領白大蟒,風來,koh會iⁿ-oaiⁿ iⁿ-oaiⁿ kho
Thumbnail
看更多
你可能也想看
Thumbnail
介紹朋友新開的蝦皮選物店『10樓2選物店』,並分享方格子與蝦皮合作的分潤計畫,註冊流程簡單,0成本、無綁約,推薦給想增加收入的讀者。
Thumbnail
介紹朋友新開的蝦皮選物店『10樓2選物店』,並分享方格子與蝦皮合作的分潤計畫,註冊流程簡單,0成本、無綁約,推薦給想增加收入的讀者。
Thumbnail
當你邊吃粽子邊看龍舟競賽直播的時候,可能會順道悼念一下2300多年前投江的屈原。但你知道端午節及其活動原先都與屈原毫無關係嗎?這是怎麼回事呢? 本文深入探討端午節設立初衷、粽子、龍舟競渡與屈原自沉四者。看完這篇文章,你就會對端午、粽子、龍舟和屈原的四角關係有新的認識喔。那就讓我們一起解開謎團吧!
Thumbnail
當你邊吃粽子邊看龍舟競賽直播的時候,可能會順道悼念一下2300多年前投江的屈原。但你知道端午節及其活動原先都與屈原毫無關係嗎?這是怎麼回事呢? 本文深入探討端午節設立初衷、粽子、龍舟競渡與屈原自沉四者。看完這篇文章,你就會對端午、粽子、龍舟和屈原的四角關係有新的認識喔。那就讓我們一起解開謎團吧!
Thumbnail
●我細漢的時陣,有一工阮媽媽無佇厝,佮老爸、小弟食飯食煞,小弟目睭看我,手指桌頂講:「你愛收,你去收收一下。」   我感覺足奇怪耶!平時,媽媽講伊的身體無好,愛我鬥做厝內面的工課,食飽了後,我隨時去洗碗,遮叫做「我愛做」?   ●進前我看過一篇文章,伊佇講伊的未婚妻,其中有一項是:「伊愛使用
Thumbnail
●我細漢的時陣,有一工阮媽媽無佇厝,佮老爸、小弟食飯食煞,小弟目睭看我,手指桌頂講:「你愛收,你去收收一下。」   我感覺足奇怪耶!平時,媽媽講伊的身體無好,愛我鬥做厝內面的工課,食飽了後,我隨時去洗碗,遮叫做「我愛做」?   ●進前我看過一篇文章,伊佇講伊的未婚妻,其中有一項是:「伊愛使用
Thumbnail
因為外婆過世的緣故,上課上到一半的我,突然被校方通知必須要回家一趟。 在那之後,就是長達11天的喪假。 在那11天的期間,大家都忙著在折金元寶和紙蓮花,興許是怕無法在時間之內完成應有的數量,亡者無法安心上路。 儘管如此,周圍長輩和咱們晚輩有說有笑,絲毫沒有半點傷心的氛圍。 為什麼我會這麼說呢?
Thumbnail
因為外婆過世的緣故,上課上到一半的我,突然被校方通知必須要回家一趟。 在那之後,就是長達11天的喪假。 在那11天的期間,大家都忙著在折金元寶和紙蓮花,興許是怕無法在時間之內完成應有的數量,亡者無法安心上路。 儘管如此,周圍長輩和咱們晚輩有說有笑,絲毫沒有半點傷心的氛圍。 為什麼我會這麼說呢?
Thumbnail
若不是為了一份懷舊的氛兒,這種態度的老闆請自動成為化石。
Thumbnail
若不是為了一份懷舊的氛兒,這種態度的老闆請自動成為化石。
Thumbnail
「屠岸賈」連長傳喚伙委我到他辦公室。
Thumbnail
「屠岸賈」連長傳喚伙委我到他辦公室。
Thumbnail
因為這個菜也不想吃、那個菜也不能吃,我中午根本沒吃飽,至少口欲沒有被滿足。 結果突然靈光乍現,想起我在北埔老街不是買了艾草粿嗎?妹妹當時吃了一顆,直誇好吃,剛剛口腹被虐待了那麼久,此時不吃,更待何時? 我趕緊拿出來,妹妹在一旁說她還要吃,我興奮地咬了一口,嚼了幾下...... 「媽呀!好鹹哦!」我有
Thumbnail
因為這個菜也不想吃、那個菜也不能吃,我中午根本沒吃飽,至少口欲沒有被滿足。 結果突然靈光乍現,想起我在北埔老街不是買了艾草粿嗎?妹妹當時吃了一顆,直誇好吃,剛剛口腹被虐待了那麼久,此時不吃,更待何時? 我趕緊拿出來,妹妹在一旁說她還要吃,我興奮地咬了一口,嚼了幾下...... 「媽呀!好鹹哦!」我有
Thumbnail
阿姨聽了他的故事覺得不捨,時常要他先不要付錢,之後工作賺錢了再還他,然後總是在他那碗裝特別多,有天那位客人問老闆他的米線是不是比較特別,老闆才笑說原來他有發現。在老闆豪爽、開朗的談吐之下,有顆掩藏不住的溫暖的心。
Thumbnail
阿姨聽了他的故事覺得不捨,時常要他先不要付錢,之後工作賺錢了再還他,然後總是在他那碗裝特別多,有天那位客人問老闆他的米線是不是比較特別,老闆才笑說原來他有發現。在老闆豪爽、開朗的談吐之下,有顆掩藏不住的溫暖的心。
Thumbnail
今天把兩篇半的稿子交出去後,感覺特別累,不想貼太長的文,就想說來聊聊我的高中同學魚羮好了。 魚羮家裡並不賣魚羹,也不賣肉羮、魷魚羮、花枝羮什麼的,事實上她家根本不是做生意的(是有誰以為她家做生意了?)。 我跟魚爸極不熟,他的模樣似乎從沒進過我的腦子,對魚媽倒是有點印象,首先是: 不是,扯遠了。
Thumbnail
今天把兩篇半的稿子交出去後,感覺特別累,不想貼太長的文,就想說來聊聊我的高中同學魚羮好了。 魚羮家裡並不賣魚羹,也不賣肉羮、魷魚羮、花枝羮什麼的,事實上她家根本不是做生意的(是有誰以為她家做生意了?)。 我跟魚爸極不熟,他的模樣似乎從沒進過我的腦子,對魚媽倒是有點印象,首先是: 不是,扯遠了。
Thumbnail
飲食與八卦——絕配。 因為,都會用到嘴。 從早餐店老闆手中接過熱騰騰的包子豆漿,還有,最新的燒肉八卦。
Thumbnail
飲食與八卦——絕配。 因為,都會用到嘴。 從早餐店老闆手中接過熱騰騰的包子豆漿,還有,最新的燒肉八卦。
Thumbnail
彼間店電視ê美食節目來採訪--過,是阮這搭名聲上響ê蚵仔煎。彼工我拄好tī現場teh食晝,看攝影師傅佮伊ê助理斟酌chhiō光,koh四角桌仔這爿踅到彼爿,kā kâⁿ有大粒蚵仔、煎kah赤赤穌穌koh妝娗有粉色豆油膏ê蚵仔煎,翕chiâⁿ一个膨皮ê少女,彼个媠款ē hō͘ 人看一下腹肚枵。邊仔
Thumbnail
彼間店電視ê美食節目來採訪--過,是阮這搭名聲上響ê蚵仔煎。彼工我拄好tī現場teh食晝,看攝影師傅佮伊ê助理斟酌chhiō光,koh四角桌仔這爿踅到彼爿,kā kâⁿ有大粒蚵仔、煎kah赤赤穌穌koh妝娗有粉色豆油膏ê蚵仔煎,翕chiâⁿ一个膨皮ê少女,彼个媠款ē hō͘ 人看一下腹肚枵。邊仔
追蹤感興趣的內容從 Google News 追蹤更多 vocus 的最新精選內容追蹤 Google News