當首爾仍是叫漢城的那些年（廿叄）
更新於 2024/10/15閱讀時間約 5 分鐘
兩年幾前，我第一次大學畢業禮，嗰陣心中清楚，往後嘅日子，我仲要繼續喺大學校園出入，只不過係換個城市、換間大學。幾個月前，再一次畢業禮，呢次我同自己講，應該係最後一次喇。
我唔係唔喜歡讀書，事實上，我好享受喺校園嘅日子。只不過對於畢業後、終於「大個仔」做大人呢個想法有一種希冀。
雖然往後嘅日子，我都有重返大學校園；但係當年嘅我，真心認為讀書嘅日子經已成為過去。
They’re both convinced
that a sudden passion joined them.
Such certainty is beautiful,
but uncertainty is more beautiful still.
漢城，新村，延世大學韓國語學堂。
勢估唔到，畢咗業三四個月，我又再一次踏入校園。醜婦終須見家翁，左閃右避咗成兩個月，始終都要面對學韓文呢個問題。好，咋咋淋讀掂佢，用最快速度畢業，早死早超生！就咁話！
喺一個類似報名中心嘅地方，詢問處個姐姐仔俾咗本壹週刊咁厚嘅課程簡介我，同埋一疊報名表。嘩！你個課程簡介都好簡吓喎！
我搵張冇人嘅長書檯坐低，開始睇佢個簡介，好彩都仲有英文。當我正在聚精會神咁了解緊，究竟我應該報讀啲咩課程嗰陣，突然有一把好清脆嘅女仔聲音用英文同我講：
「你都好高傲喎，成兩個月都唔搵我！」
我心諗：「小姐你同我講緊嘢？喺咪認錯人呀你？」我一邊諗一邊目光由下向上掃上去，卡其褲、粉紅色幼間牛津紡恤衫、個樣好熟口面，但係我睇得唔係好清楚，因為我俾自己啲長頭髮遮住咗；然後我見到個希臘鼻。
希臘鼻！？！
希臘鼻！？！
希臘鼻！？！
（好重要所以講三次。）
希臘鼻！？！
希臘鼻！？！
（好重要所以講三次。）
一個同我有一撞之緣、我朝思暮想咗兩個月、連名都唔知、只能叫佢「希臘鼻」嘅女仔，現在活生生咁棟咗喺我面前。我係咪發緊夢？幻覺嚟啫嚇我唔到嘅！但我真係唔係發緊夢喎！咪住先！
「你冇事吖嘛？我上次撞完你仲未好返呀？」佢嘅嬌笑將我帶回現實。
「Hello！好耐冇見！冇，你頭先話我兩個月都唔搵你，我都唔知去邊搵……」我個腦其實仲未處理到成件事，對答只不過係脊椎條件反射。
「你乜都搵唔到、見唔到？」佢個樣有啲詫異，對眼碌得好大望住我。
「搵乜呀？見乜呀？」咁我真係乜都冇見過喎。
「아！！！너는 바보야！！！」佢有啲激氣咁半尖叫。
「小姐，如果我知你講緊乜的話，我就唔使報名讀韓文啦。」我指一指疊 form。係囉，你想我俾啲咩反應你？
「學習韓文首先要從生活吸收，你有韓國朋友㗎？你去問佢哋 나는 바보야（音：na-neun-ba-bo-ya。嗱，我係跟足教材嘅音標嚟寫，同真正韓國人講出嚟嘅實際發音，又係兩回事）點解啦！對你學習有益㗎！」佢收起激動，換上甜美笑容，隨笑容奉送兩個酒凹。
「哦，好呀！」佢咁講都啱嘅，我都係咁教我啲學生。「係喎，上次你同我講，話我哋再見面，你就話我知你叫乜名……」
「我叫 Chloe。」佢揚一揚掛喺心口嘅員工證；希臘鼻原來叫 Chloe Kim。
「咁你呢？你叫 바보？」Chloe 問我。
「我叫Alan，nice to meet you。」我好努力咁希望自己唔好咁柒。
「唔……唔好聽！都係 바보 好聽啲。」佢側一側頭，好滿意咁笑一笑。
我應該點形容眼前嘅 Chloe 呢？佢可能有五呎七八，所以佢著平底鞋。個樣呢……似金喜善！尤其係對眼，大得嚟有少少眼肚，永遠帶住一個似夢迷離嘅眼神。佢應該比金喜善高，瓜子面再尖多少少，加一頭及肩嘅 one length 頭髮。佢笑嗰陣好鍾意側一側個頭，比人一種好爽朗嘅感覺。
「你冇事吖嘛？你又發呆喇，真係冇撞親個腦？」佢邊講邊笑，好燦爛嘅笑容。
「冇事冇事！」馮生，拜託唔好再發傻好唔好？
「好啦，咁你冇事我去做嘢喇，遲啲見！」佢望一望表，作勢行開。
「咪住先！我以後點搵你？」我今次再抄唔到你牌我跟你姓金！
「我俾咗電話你啦，係你搵唔到咋！」佢扁嘴嬌嗔，對夢眼好似個 defibrillator 咁，360 clear 就電埋嚟；好喇唔好再電我喇，死㗎喇！
「你幾時有俾我？」真係冇喎。
「바보야！你自己返去好好反省吓啦！再搵唔到就嚟呢度搵我啦！Bye！」佢指一指個 reception，然後轉頭就走。
其實我究竟係咪發緊夢呢？
Every beginning
is only a sequel, after all,
and the book of events
is always open halfway through.
報完名，放咗工，喺宿舍睡房裏面。
我諗完又諗，究竟 Chloe 留咗啲咩俾我呢？佢嗰日除咗撞過我，就係攞過我袋衫……衫！
我即刻喺衣櫃搵返件淺藍色恤衫，由上到下差佬搜身咁抄一次。
冇嘢呀。咁即係點先？乜都冇喎。
個袋！我即刻去搵嗰個我攝埋一二角嘅袋；幸好我好早已經有儲膠袋嘅習慣。我搵到個袋，倒轉佢墩一墩，有張紙！係件衫張單。
我再細心檢視一下張單，係背面嘅右下角，有個手寫嘅電話號碼！哈！邊得佢咁快手，接一接袋衫就寫低咗個電話，唔通佢係亞洲第一神手？
我攞我部手機出嚟，用 1997 年韓國時下年輕男女最潮嘅方法 — SMS 聯絡 Chloe。
「終於搵到喇！真係唔好意思，咁耐先發現。」我 text 佢，當然係英文。
隔冇耐，我嘅手機螢幕亮起：「算你蠢唔晒，哈哈！」
然後佢再補咗句：「Happy to see you again!」
好開心呀！兩個月！兩個月時間，我終於再見返佢喇！抄晒牌之餘，仲知佢喺邊做嘢，應該唔會再失散喇！
咁開心嘅時刻，我最想就係同 Colette 分享。
Oh Colette……
諗起佢，我個心沉咗入馬里亞納海溝。
我唔記得咗，原來我有女朋友㗎喇……
（待續）
為什麼會看到廣告
34會員
111內容數
時間係1997年5月中，剛剛完成學業嘅我身在華盛頓，正在考量緊我嘅未來。我可以選擇留喺美國發展，我internship嘅老細（即係美國政府）同我有共識，我畢業後可以留喺政府工作。或者我可以選擇出去闖一闖，見識吓呢個世界。當年仲係年青嘅我選擇咗後者，因為我覺得我仲未需要搵一份工困住自己......
留言0
查看全部
你可能也想看
Google News 追蹤
*合作聲明與警語：
本文係由國泰世華銀行邀稿。
證券服務係由國泰世華銀行辦理共同行銷證券經紀開戶業務，定期定額(股)服務由國泰綜合證券提供。
剛出社會的時候，很常在各種 Podcast 或 YouTube 甚至是在朋友間聊天，都會聽到各種市場動態、理財話題，像是：聯準會降息或是近期哪些科
#88元看電影！https://magichour.app/premium?code=RN69838E
車庫娛樂邀約搶先看首映場 #當殺手戀愛時
劇情：蓋瑞（格蘭鮑威爾 飾）平常是一名大學哲學教授，並在警局協助警方誘捕潛在的罪犯，而偽裝為殺手！某天，迷人的麥迪遜（安卓亞霍娜 飾）想僱用他殺掉會對
來韓國旅行最值得住的首爾明洞飯店，一次推薦給你🤩如果你正在猶豫來首爾自由行要住哪，這篇文你一定要看下去！明洞是首爾必去的景點之一，也是交通非常便利的一個城市，周邊還有好多好吃好逛的~在這裡也有許多不同特色的房型，不論你是單人還是多人，都有適合你的首爾住宿選擇，快跟著AsiaYo一起來明洞看看吧！
《可憐的東西》是一部充滿深度的電影，除了帶給觀眾感官享受，還隱含著許多深刻的內涵。從故事中可以看到冒險、實驗、與人類的成長，帶給觀眾不同的啟發和思考。觀眾在觀影後，可以自我審視，檢視自己是否保有冒險之心，以及是否有勇氣持續實驗人生。
這天中午比較熟韓國的朋友說，有個超人氣的起司年糕鍋激推必吃，既然是超夯美食當然不能錯過呀～餐廳從外觀看起來有點像是民房改建而成的，裡面的座位也是一間一間隔開，我們也算幸運，當時也沒排什麼隊就進店入座了。
外資今 (4) 日買超台股 15.4 億元、台指期同步回補空單，現股方面，外資買超緯創 (3231-TW)7939 張最多，而面板雙虎不僅遭外資賣超 3.1 萬張，投信也同步調節。
*合作聲明與警語：
本文係由國泰世華銀行邀稿。
證券服務係由國泰世華銀行辦理共同行銷證券經紀開戶業務，定期定額(股)服務由國泰綜合證券提供。
剛出社會的時候，很常在各種 Podcast 或 YouTube 甚至是在朋友間聊天，都會聽到各種市場動態、理財話題，像是：聯準會降息或是近期哪些科
#88元看電影！https://magichour.app/premium?code=RN69838E
車庫娛樂邀約搶先看首映場 #當殺手戀愛時
劇情：蓋瑞（格蘭鮑威爾 飾）平常是一名大學哲學教授，並在警局協助警方誘捕潛在的罪犯，而偽裝為殺手！某天，迷人的麥迪遜（安卓亞霍娜 飾）想僱用他殺掉會對
來韓國旅行最值得住的首爾明洞飯店，一次推薦給你🤩如果你正在猶豫來首爾自由行要住哪，這篇文你一定要看下去！明洞是首爾必去的景點之一，也是交通非常便利的一個城市，周邊還有好多好吃好逛的~在這裡也有許多不同特色的房型，不論你是單人還是多人，都有適合你的首爾住宿選擇，快跟著AsiaYo一起來明洞看看吧！
《可憐的東西》是一部充滿深度的電影，除了帶給觀眾感官享受，還隱含著許多深刻的內涵。從故事中可以看到冒險、實驗、與人類的成長，帶給觀眾不同的啟發和思考。觀眾在觀影後，可以自我審視，檢視自己是否保有冒險之心，以及是否有勇氣持續實驗人生。
這天中午比較熟韓國的朋友說，有個超人氣的起司年糕鍋激推必吃，既然是超夯美食當然不能錯過呀～餐廳從外觀看起來有點像是民房改建而成的，裡面的座位也是一間一間隔開，我們也算幸運，當時也沒排什麼隊就進店入座了。
外資今 (4) 日買超台股 15.4 億元、台指期同步回補空單，現股方面，外資買超緯創 (3231-TW)7939 張最多，而面板雙虎不僅遭外資賣超 3.1 萬張，投信也同步調節。