行參

實際玩法教學:

行參----囡仔耍： 20200422 Lahjih

行參，阮講kiâⁿ-som，有人講kiâⁿ-sam，mā有人講 行直，台日字典有收 行直。
這是一種激頭腦拚腦智ê囡仔耍，ē使得桌頂ī，mā ē使得塗跤耍，兩人對ī，ná像行棋，窮實khing5-sit(其實)大人、查某人、老歲仔人來耍mā真趣味，逐日行--幾盤à 增年益壽食百二。
行參 規則：
一、畫「行參」棋盤；準備兩方棋子12+6子（jí）分烏白兩爿，石頭仔、短節竹笒仔、樹仔枝lóng ē使得。
二、行參棋盤有橫巡、直巡、斜巡分別。
三、食子排列款式：●●●/○○○號做som（參）；○●○/●○●號做taⁿ（擔）；●●○/○○●號做thoa（拖）；○●+○/●○+●號做kòng（摃）。
四、食子機會：
1. 佇橫巡、直巡、斜巡：「som」會使食對方1子。
2. 限佇橫巡：「taⁿ」會使食對方2子。○●○烏擔白；●○●白擔烏。
3. 限佇斜巡：「thoa」會使食對方2子。●●○白拖烏；○○●烏拖白。
4. 限佇橫巡：「kòng」會使食對方1子。○●+○白摃烏；●○+●烏摃白。
五、佈局：
1. Pōe輸贏（じゃんけん 猜拳）決定誰先hē-jí（下子）。烏白子輪流hē子，hē到棋盤無位hē子，chiah進入第二階段實戰。
2. Tn̄g-tio̍h予(hoo7)人「som」予人「taⁿ」予人「thoa」予人「kòng」ê子仔，暫時用子仔kā硩--leh做記號，聽候實戰進前chiah提掉。
六、實戰：
下子（hē-jí）停止，行棋開始。食jí一定喝聲chiah準算，hông(hoo7-人兩字的縮音)食掉ê子隨提掉。
1. 烏子3子一排喝「som」，食 白子1子；白子3子一排喝「som」，食 烏子1子。
2. 烏子擔白子喝「taⁿ」，食 白子2子；白子擔烏子喝「taⁿ」，食 烏子2子。
3. 烏子拖兩子白子，喝「thoa」，食 白子2子；白子拖兩子烏子，喝「thoa」，食 烏子2子。
4. 烏子摃白子，喝「kòng」，食 白子1子；白子摃烏子，喝「kòng」，食 烏子1子。
5. 行到一方認輸抑是chhun兩子，結束棋局。閣再ī抑是換人耍。
㊣佈局比實戰較重要，佈局排步若贏，實戰tō輕鬆。有人真gâu佈局實戰，1子子仔，行--過來「som」，行--過去 mā「som」，號做īⁿ-oaiⁿ-som。行著īⁿ-oaiⁿ-som，穩贏--ê。
▲進階版：增加橫巡ē使得「taⁿ」ē使得「thoa」ē使得「kòng」。
▲再進階版：再增加直巡ē使得「taⁿ」ē使得「thoa」ē使得「kòng」。
【進階版較複雜，無一定ē增加心適趣味。】

補註:

1. hong5, hoo7-lang5 (予人)兩字的縮音，防音!
2. īⁿ-oaiⁿ，狀聲詞，當狀態詞用，就是門扇開關的聲音，一開ㄧ關，代表，這樣也參，那樣也參，左右逢源的意思! 前篇已經闡明是間關!
3. 巡sun5, 中文釋義是乍行乍止，視行。意思不符，這裡的台語音指的是線條，個人以為是線痕的縮音 suann3-hun5 -> sun5
4. Pōe輸贏，poe7, 是背字，猜拳時，手背在後面，心中決定出剪刀，石頭，或布，在背後已經決定輸贏，叫poe7輸贏! (個人猜測)
5. 佇，對應中文的在字，意思是居於、處於。因為違常用字，可以直接將在訓讀。正字可能是置ti3/ti7，或值ti7。