Kiat-hun sī siáⁿ? Kiat-hun ê ì-gī tī tōe？ Lán cha-bó͘-lâng kám-kóng it-tēng ài chò chit kiāⁿ tāi-chì jîn-seng chiah ē oân-boán?
Góa kám-kak tī chit-má ê siā-hōe, ū chiok chē cha-bó͘-gín-á bô ài kè-ang, in-ūi in jīn-ûi ka-tī ē-tàng chiàu-kò͘ ka-tī, ē-sái chhī-oa̍h ka-tī, kám-kóng tō it-tēng ài kè--lâng, ài óa-khò cha-po͘-lâng, seng-oa̍h chiah ū hoat-tō͘ kòe ē lo̍h-khì?
Góa ê tap-àn sī “tī 21 sè-kí ê siā-hōe, sī bô it-tēng ê tāi-chì”, cha-bó͘-lâng mā ē-tàng kah cha-po͘-lâng kāng-khoán, ē-sái ū ka-tī ê thâu-lō͘, ka-tī ê chhù, ka-tī ê châi-sán, mā-sī ē-sái kòe liáu chin hēng-hok、chin sù-sī, lán chò lú-sèng mā ē-tàng kiâⁿ-chhut ka-tī ê chi̍t phìⁿ thiⁿ--o͘h!!
漢羅版
結婚 sī siáⁿ? 結婚 ê 意義 tī tōe？咱 cha-bó͘-lâng 敢講一定 ài 做chit件代誌人生chiah ē 圓滿?
我感覺 tī chit-má ê 社會，有 chiok 濟 cha-bó͘-gín-á 無 ài 嫁翁，因為 in 認為 ka-tī 會當照顧ka-tī，ē-sái 飼活 ka-tī，敢講tō 一定ài kè--lâng，ài 倚靠 cha-po͘-lâng， 生活 chiah 有法度過會 lo̍h-khì。
我 ê 答案是「tī 21 世紀 ê 社會，是無一定 ê 代誌」， cha-bó͘-lâng 嘛 ē-tàng kah cha-po͘-lâng 仝款，ē-sái 有 ka-tī ê 頭路，ka-tī ê 厝，ka-tī ê 財產，mā-sī ē-sái 過了真幸福、真sù-sī，咱做女性 mā ē-tàng 行出 ka-tī ê chi̍t 片 thiⁿ--o͘h!!
