第一章 - "介紹..."

"♫♫我唔要再覺得自己廢
我唔要再食飽餐飯先至覺得貴
我唔要再鬧自己得自己有問題
因為自己一定有問題個個都有問題♫♫"

我搵到呢份工之後, 呢幾句歌詞就係我既心聲。

讀完書之後無所事事佐幾個月, 落街買個飯食個LUNCH都要就住就住, 真係覺得自己癈癈地, 所以個段時間不停咁SEND CV 出去, 返轉頭既得一兩份工。
不過正面D諗, 成功率都算高, 見兩份工, 有一份請佐喎。

... 我坐係度睇住D 人出出入入, 有D 人眼神唔係太有善, 唯一有一個男人望到我有點下頭, 唔通佢就係經理?
我一路係度諗, 我到底入到去應該點做? 到底應該大大聲講早晨再自我介紹, 定係粒聲唔出跟住個阿頭就算呢...

"喂小倩!" 接待處個小姐揮住隻手咁叫我
"我叫佐你三次啦大哥, 第一日返工就發夢呀?"

"呀, SORRY呀, 第一次返工, 有少少緊張"
比佢嚇一嚇搞到我紅到面晒。

"我就叫KAREN, 佢地個個叫我阿雲, 你準備定啦, 阿頭今日可能知你返工早佐返, 佢CALL佐出黎叫我5分鐘後叫你入去。阿頭叫TONY WONG, 講定你知費是你唔知頭唔知路啦"

"哦, 好呀, 唔該晒你呀...阿雲... 姐..."
阿爸教落, 見到男人加個哥字, 見到女人加個姐事, 包冇死, 點知...奶野。

"姐你條命咩, 講到我做清潔咁, 雲咩姐, 妖!"

"哈哈.... 唔好意思呀... KAR...EN...."
好明顯, 我又再一次比佢嚇到差D縮陽.. 未入去都緊張成咁, 今日我都唔知點過..

"喐..." 接待處電話響起
"小倩, 你入得去啦, 入到去直行轉左就係我地DESIGN TEAM, 個度有間房, 你望望門口牌寫住TONY 就係。"

希望呢度既同事唔會忘記我叫阿賢啦。

行過一條長長既走廊, 我提起胸膛, 盡量對每個人微笑點頭。
突然間, 有個同我差唔多年紀既男仔衝過黎我面前...

"喂, 早晨, 我叫阿輝, 點稱呼?"
佢伸出手想同我握手
"早晨呀, 我叫阿賢... 今日第一日返工"
我個心既緊張都定佐一定, 起碼有個人我知佢叫咩名

"諗住提下你, 阿頭唔鍾意人冇禮貌, 入去記得講早晨呀, 唔該呀個D啦, 不過睇你都應該唔係冇禮貌既人。我係度剛剛好做佐兩年, 你放心啦, 呢度D 人大部份都好似我咁NICE, 係大部份呀下。你呢就坐係我隔離, 之前條友剛剛離佐職自己出去接JOB搵食, 你第一日返工都係熟習下環境先, 一陣出黎坐底再傾!"

聽阿輝笑住哼哼鬆鬆咁講完一大輪, 我就行去TONY間房度敲門...
"咯咯..."

"COME IN!" .................

待續...