感情（愛情）煞鼓，欲按怎？

有一个進前佇我的工作室同齊做工課的，講是「朋友」嘛會使。伊無做了後，就罕得聯絡，干焦咧面冊頂懸看著伊咧創啥。

幾若禮拜前，看著伊貼文咧講伊搬厝，有一條眠床的舒巾伊誠佮意，相片是彼條舒巾。

我心內咧想，伊佮伊的男朋友煞鼓了？同齊做伙20年，無結婚，伊講２邊的爸母嘛無催in結婚。我佮伊已經誠濟年無啥聯絡，毋敢問伊。

前２工，伊分享范琪斐講的，伊寫：「……像我的……」下跤的回應，伊閣寫幾若條，共話講出來。

過２工，我予伊面冊訊息，講我心內嘛誠艱苦，有啥物我會使鬥相共的？

伊回：「……一句不愛了

愛上別人了

就急著要趕快切斷這段20年的感情……」

閣叫伊趕緊搬出去。伊無愛麻煩別人，驚予朋友「負能量」，毋敢共朋友講，嘛猶未共爸母講。

「我現在還是處於講到會難過的狀況

能這樣講我也很感激

覺得有人在聽

謝謝喔

你能聽我說

對我就是最大的幫忙了

謝謝」

我叫伊繼續寫。

「我的感情一直在配合對方的情況下繼續

我已經失去我自己很久了。」

這是伊經過這件痛苦的代誌，閣去做心理諮商了後，想著的情形。簡單講，愛離開，才會共「家己」揣轉來。

嗯！無愛矣！嘛袂當逼對方繼續愛，抑無用啥物款的方法，較袂傷害人，袂傷甲遐深。大人大種，咧欲50歲矣！敢講一定愛用這種方法，逼人緊搬出去，伊對彼个家庭的付出，對方有看著無？

分手嘛愛談，愛討論，共代誌講清楚，好好仔分開才著，毋是搬出去就無底代矣！

Phil Henry on Unsplash