寫部落格正經是好代，伊 m̄-nā hōo 我敨中氣、翻草、學習跟綴 Auguste Rodin 羅丹 ê Le Penseur, Der Denker, The Thinker 愖題 mā hōo 我機會一通再熥一項料理有偌 tsuē 百樣手路交多樣講法，並將家己按水鬼升格做城隍並 kā 無事夯 ê 枷擲㧒捔。
Google 推薦我看 Lecker.de ê Spitzkohl-Spätzle-Gratin mit Hähnchen 尖頭草花厝鳥麵雞肉法國焗 hōo 我想著我捌跟綴這篇食譜出菜，不過成品無蓋滿意嫌伊是阿䆀。這久 ê Google tī 我無動手指頭仔隨推薦我看這篇食譜 hōo 我又閣成做一隻 Meow，我 ê Google 口座敢有《間諜家家酒》ê 安妮亞？抑無 Google 呔 ē 知影我拄好有一粒德國通用德語號做 Spitzkohl，gún 遮 ê 草地人講 Filderkraut ê Pointed Cabbage 尖頭草花 ê 聖聖聖，gún 兜冰箱 mā 拄好有一包 Fettarmer Käse 低膩瓤 alias 低脂肪(tsi-hong) ê Tshì-sù a.k.a Formage y Queso und Cheese。
Google 正經有讀心術交預知(ī-ti)，因為我 tuì 這个按算 Bamberger Kartoffelpfanne mit Hähnchen und Spitzkohl 班堡人塗肉林檎炒敆雞肉 hām 尖頭草花猶原 teh 試鹹汫、buaih 試鹹汫 ê 三心兩意。自Google 再次推薦這出菜，鹹汫免試隨落鼎 tsiah 來發見我有豬母牽去牛墟症。我一直掠做按算 ê 熥是雞肉法國焗是這篇，Konsequenz, Consequence，結果 m̄ 是這出菜是相片是佬仔，藝術是窮實 ê 寒人菜蔬，寒人米糧，寒人色緻到今猶 m̄ 捌生湠「美--a，啥物叫做 suí？」ê 智慧。我猶是要意佬仔！！！
Oh, mein Gott!!!
有夠浮面搵豆油，But m̄-koh 我 tī hőng 牽去牛墟 ê 豬母身軀學著準做行 m̄ 著搭 mā 愛學 ē 曉放輕鬆 let it go tsiah 有氣力繼續猶未完成 ê 任務 Einsatz，這个智慧是向時 m̄ 捌生湠 ê 綿死綿爛。
近來看 Christoph Waltz ê 訪問，主持人問伊「你 ē 曉講幾種語言？」
「德語，英語，法語交假 ê 義大利語。」
主持人隨交伊講起交義大利人講義大利語 hām 法國人講法語 ê 經驗。交義大利人講 2266 ê 義大利語，義大利人猶是歡喜甲 buē 顧，交你繼續講，法國人是一聽隨講「No」斡頭離開，Waltz 聽著這隨講「特別 tī Paris」，另外一位我 m̄ 捌 ê 女受訪者隨 tuì Waltz 講「你真正 ē 曉講法語？」
「我 ē 曉講 ê 法語 tsuē 過我 ê 理解」一句話簡單解釋，法語 ê 百樣性 hōo 我佩服甲隨鏨 tī 心肝穎，後回搪著人講我敢 ē 曉講英語、德語交台語，我 mā bueh 講這句「我 ē 曉講 ê 語言 tsuē 過我 ê 理解。」
我 ē 曉講 ê 語言 tsuē 過我 ê 理解，Google ê 安妮亞成做我 ê 豬母牽去牛墟 ê 這出菜 hōo 我閣一斗想 bueh 知影「焗烤ㄐㄩˊㄎㄠˇ」tī 台語按怎講，畢竟遮 ê 講法屬於我個人獨有，至少 tī 目今 ê 網路我猶揣無這个辭，除了這篇按 Google 大眾廟紹介我讀 m̄ 知底時又閣允准無口座 ê 人 ē-tàng 讀𪜶兜文章 ê Meta A-kâu ê Tâi-bûn chhiū（阿猴ê台文樹），阿猴 ê 台文樹作者 kā 奶油海鮮焗烤飯翻譯做海味牛奶醬tīm飯頂面烘刺乳 Hái-bī gû-leng-chiùⁿ tīm-pn̄g téng-bīn hang chhì-jú(Creamy seafood risotto with baked cheese topping)，英語 ê Cheese 翻譯做刺乳，我是感覺....Naja，繼續請教 Google 大眾廟。
我無嫌貨 tsiah 是 bué 貨人 ê 啄鼻，總是 Tshì-sù tuì 我來講是約定俗成(iok-tīng-sio̍k-sîng) ê 講法，像 Há-muh 這个按 Ham 來 ê 外來辭，sóo-tí 這个翻譯 tuì 我個人來講 m̄ 是誠合軀 mā 扴喙，另外現此時 ê 公視台語台 mā kā 遮 ê 外來辭標準化做 Butter/Bá-tah、Cheese/Tshì-sù、Creamy/羹、Risotto/燜飯遮--ê 交咱本底就有對應 ê 講法兼輸入臺灣就有呼音講法 ê 字母。
繼續請教 Google 大眾廟，Google 又閣請我踅翻頭讀維基百科「法式焗菜」，華語 mā 號做 焗烤ㄐㄩˊㄎㄠˇ按法語 Gratin 來 ê 文獻資料，其中紹介著粵(ua̍t)語 kā 伊號做區加甸是按 au gratin 來，這个講法吸引我 ê 烏目仁，因為我想 bueh 了解「甸ㄉㄧㄢˋ」台語按怎講？
請教教育部臺灣台語常用詞辭典無收這个辭，請教 ChhoeTaigi 台語辭典 --- 2023 TJ中台字詞典(索引)，ㄉㄧㄢˋ-12-甸，第 321 頁tò-pêng，第 14 ê。，繼續請教 ChhoeTaigi 台語辭典「緬甸ㄇㄧㄢˇㄉㄧㄢˋ」Bián-tiān 1976 Maryknoll 台英辭典。
甸/tiān --- Khu-ka-tiān？
當然 mā m̄ 是，伊是按香港話轉譯，我想香港話應當照原音講 Ôo-ka-tàng 區加甸，我佮意這个講法，總是我猶原佮意法國焗(ko̍k)這个講法，就按呢 kā 這交鹹焗雞 kiōng-bueh 相仝 ê 料理手路 --- kā 材料烘到焦這部份 kā 伊號做法國焗，起因我見著 ê 焗烤ㄐㄩˊㄎㄠˇ多數使用 Gratin 這个辭來形容，罕得有人使用 Casserole，至少 tī 歐洲。
Casserole tī 法語 ê 14 是湯鍋，德語 mā 有這个講法 Kasserolle，伊有兩个 14，一个是咱現此時講 ê 生鍋鼎(Bräter, Gusseisen Topf➀)，一个是煎鼎 Pfanne(瑞士)。
寫著 Casserole 我又閣成做一隻 Meow，佗一个角勢較捷講 Casserole？Google 大眾廟請我讀這篇 Was sind Casseroles? Die Top 10 Rezepte，Ach so，原來如貓。
車日子轉來《台語 tsin 輾轉》固定主持人滾一編無閣出現 hōo 我掠做伊辭頭路，押尾踅轉去我較罕 teh 踅 ê YouTube 華視台語頻道看著伊猶閣 tī 影片內底有一種「真歡喜伊閣 tī 華視潮台」ê 感覺。
是按怎 ē 按呢想，我想這應當是家己已經真慣勢看著《華視潮台》就想著「滾一編」佮愛看歌仔戲 ê「林投林刺編」。
上北東海/Ostsee車日子轉來想 bueh kā 閬掉 ê 集數聽轉來，總是窗外色緻 ē 纏綴溫度變化，我 ê 慢牛 mā-ē 綴ホルモン上崎佮落崎，就無繼續順時間車幫一集一集聽 m̄-koh 有事無事坐巴士聽落去。
自聽台語真輾轉就真慣勢話題 ê 引𤆬者是滾一編，sòo-pái 準做車日子一轉來就先聽倚日 ê 節目 tsiah 翻頭轉去聽車日子彼段無聽著 ê 集數，我猶原無感受著節目 ê 風格已經 teh 轉變 --- 由男性主導 ê Padcast 轉做 Women's talking。
我講男性主導 m̄ 是封建制度 ê 男性扞權，是講我自 tī 網路揣著華視潮台就是按「滾一編」開始，sòo-pái 伊就 kan-na 講著 Acer 我 ē 想著施振榮仝款按呢 buē 撨 ê 印象。
因為這个 buê 撨 ê 印象 hōo 我 buē 記得有一个較恬靜 ê 聲音成做主角，猶 teh 讀大學愛戲劇愛 phi̋n-phóng mā 是拍 phi̋n-phóng 𠢕人 ê 小潔。
一暝聽不可思議的夢境情節？醒來還記得多少？（上/下集）小潔講著「過暝/Kuè-mê」hōo 我想著「Keh-mê」敢是腔口差別，隨上網請教《教典》。
過暝/Kuè-mê - 過暗、歇暝
隔暝/Keh-mê - 隔工，經過一暝，比論講「孔子公，m̄ 敢收人隔暝帖」
彼暝，這句「過暝」hōo 我掠著家己掠做家己 tuì 台語語感並 buē 倚傷遠，窮實是遠甲連「過暝」 佮「隔暝」攏絞做伙 ê 走甲遠遠遠。
彼暝，這句「過暝」mā 點拄我慣勢 ê 台柱「失聲」m̄-koh 伊無成做「失聲畫眉」ê 慕雲。
寫到遮愛記錄因為「失聲畫眉」hōo 我想著，heh-hòonn 我 buē 記得阿姊捌飼過 ê「畫眉鳥」伊按怎講，這時有辭典正經足重要，伊號做「花眉」。
寫這篇文章 ê 時，想著 tī 公視台語台新聞世界通 ê YouTube 聽著菲律賓廣播劇 ê 收聽人口，其中講著收聽人口大多數是有歲數 ê 人佮蹛國外 ê 人 hōo 我足有感覺，起因我兩項攏有著。
臺灣 ê 臺語環境變化甲按怎，我 m̄ 是專家 mā 無彼个才調分拆專篇報導，總是我感謝願意繼續 uī 少數族群服務 ê 人，因為𪜶 gún 遮 ê 無失聲 m̄-koh mā kiōng-bueh 失聲 ê 人 tsiah 有機會迵過𪜶 ê 聲音走揣愈徛愈遠 ê 花眉。
德國草花有三款，一个頭尖尖號做 Spitzkohl mā 號做 Filderkraut，一个頭圓圓號做Weißkohl，一个葉若蜂岫 mā 若牛肚號做 Wirsing。
尖頭草花出世 tī 角勢就佮伊 ê 本名相仝 --- 塗肉飽滇 ê Filder 平洋。
Filder tī Wiki 揣 ē 著華文譯名，我無興趣綴，因為轉洋涇浜 mā 無人聽有，用呼音我 mā 無佮意，畢竟出世 tī 美洲 ê 青杜定就有法度徙到臺灣閣生湠，咱人類 m̄ 免遐堅持活 tī 磅空底。
按呢愛 kā 伊號做啥物 leh？
Filder 傷過咬舌，按呢就 kā 伊號做德國尖頭草花，畢竟統一德國 ê 家族就是按這角勢(Filder mā 屬仝地區)生湠。
老一輩認為頭大面四方，表示有福氣，頭殼尖尖表示無福氣。搪著德國草花，順這个意造句，頭殼尖尖好味素，頭大面四方顧我怨。
➀ Gusseisen Topf 屬德國大眾化講法，Bräter 屬奧地利大眾化講法交德國區域性講法。
