2019-01-04|閱讀時間 ‧ 約 6 分鐘

台語演講（Tâi-gí ián-káng）

Ián-kóng ê sî-kan :2017/09/09

Tsú-pān tan-uī:枝枝文創商城

Tsit kái sī guá ka-kī beh pān ê Tâi-gí ián-káng, uī-tio̍h Tâi-gí tō ài phah-piànn, tshui-sak kap tshui-kóng lán ê bó-gí—Tâi-uân-uē. Tsit kài tsham-ka ê lâng tsha-put-to ū tsa̍p guā ê lâng oo.Án-ne kóng khì--lâi,ká-sú siáu-liân--ê bô-tsò, an án-ne siánn lâng ē khì tsò neh? Tsit kái ián-káng tsú-iàu sī Tâi-gí-bûn ê su-siá. Guá kám-kak Tâi-gí nā beh thn̂g-thùann--lo̍h-khì, tō sī siáu siàu-liân-lâng ài khì o̍h, jî-tshiánn mā ài ē-hiáu siá, in-uī tsit ê kok-ka ê huat-tián, ka-kī ê bó-gí sī siōng pó-puè--ê. Na-sī kan-tann kóng kap thiann, he sī tsua̍t-tuì bô-kàu--ê. Sóo-í kóng--khí-lâi, guá ū tsit tsióng lîng-li̍k tō sī ài phah-piànn khì tsò.

Tsit pái guá kà ta̍k-ê jīn-bat Tâi-gí Lô-má-jī ê su-siá, tùi bó-im-kua kap tshòng-ì ê kua-iâu tíng-tíng, lâi tshuā ta̍k-ê ji̍p-mn̂g, khuànn Lô-má-jī ê sè-kài.

Tsia-ê kà-huat lóng-sī guá ê Tâi-gí lāu-su ê pó-puè, guá tsí-sī kan-nā siūnn beh kā tsit ê pó-puè kóng hōo ta̍k-ê tsai-iánn. Ǹg-bāng í-āu koh ū ki-huē uī Tâi-gí ho̍k-bū, mā ē-tàng hōo A-to̍k-á tsai-iánn lán Tâi-uân ê gí-giân, hōo Tâi-gí khiā-tī sè-kài ê tâi-á-tíng!

Tsit kài ián-kóng ū lâng kiàn-ì ē-tàng iōng Tâi-gí kua lâi ín-khì ta̍k ê hìng-tshù, koh ū hái-pò ē-tàng tsù-bîng sī bián-huì--ê, án-ne ta̍k ê khah tsai-iánn lâi thainn.Tsin-tsiànn to-siā ta̍k ê ê kiàn-ī, hōo guá āu-kài pan ua̍h-tāng ê-tàng koh khah tsim-tsiok--leh!

漢羅版

台語演講（Tâi-gí ián-káng）作者:Ko Ka-hui 日期:20171202

Tsit kái 是我 ka-kī beh 辦 ê 台語演講， uī-tio̍h 台語 tō愛打拼，tshui-sak kap 推廣lán ê 母語—台灣話。Ká-sú siáu-liân--ê 無做，án-ne 啥人會去做 neh？這 kái 演講主要是台語文 ê 書寫。我kám-kak 台語 nā beh thn̂g-thùann-- 落 - 去，tō sī siàu-liân-lâng愛去學，jî-tshiánn mā 愛會曉寫，因為 tsit ê 國家 ê 發展，ka-kī ê母語是 siōng 寶貝--ê。Na-sī 干焦講 kap 聽，he 是tsua̍t-tuì無夠--ê。所以講 --khí-lâi，我有 tsit tsióng 能力tō 是愛打拼去做。

Tsit pái 我教逐家 jīn-bat 台語羅馬字 ê 書寫，tùi 母音歌 kap 創意 ê 歌謠tíng-tíng，來 tshuā 逐家入門，看羅馬字 ê 世界。

Tsia-ê 教法攏是我 ê 台語老師 ê 寶貝，我干焦想 beh kā 這 ê 寶貝講 hōo 逐家知影。Ǹg-bāng 以後 koh 有機會 uī 台語服務，mā會當 hōo A-to̍k-á 知影 lán 台灣ê 語言，hōo 台語 khiā-tī 世界 ê tâi-á-tíng!