04.2024 | 來一趟三十之前的旅程

28歲，理應是奮⼒為事業打拼的年紀，⽽我正式開始自己的青春廿八。

為何想去⼯作假期？

畢業不久後，到了銀⾏上班，發現⾃⼰每⽇的⼯作都係重重覆覆，果陣就諗⾃⼰係咪成世都要過咁嘅⽣活，⾃⼰係咪會鍾意呢啲冇靈魂嘅⼯作。當⾒到⾝邊嘅好友分別去唔同嘅國家⼯作假期，漸漸都萌⽣出國⽣活的念頭，並打算在2020年與好朋友正式出發去澳洲⼯作假期。

可惜，該死的Covid-19 偷走我三年，偷走我的青春，更偷走我對世界的幻想同憧憬。由於未能如期出發去澳洲，只好在港繼續⼯作。最近三年，返過唔同⼯作，其中⼀份仲要係痴線⼯。依家諗返，可能要多謝呢啲痴線經歷，令我重新燃點探索世界的可能。

出發前的迷惘

作為⼀個⼤學冇住過hall，冇去過exchange，冇試過⾃⼰住嘅⼈，第⼀個擔⼼就係唔知點同陌⽣⼈共住⼀間屋。由收取信件的⽅式，公共設施的使⽤，甚⾄會遇上咩國家咩性格的室友，腦海中浮現左係無數咁多個問題，擔⼼⾃⼰的無知做左啲影響其他⼈的事。

除此之外，會擔⼼⾃⾝安全。雖然之前都試過⾃⼰⼀個⼈去旅⾏，但係當時的⽬的地係⽇本，杜拜呢啲安全的國家。出發前，在網上資料搜集和朋友⼝中都對歐洲及英國的治安評價好壞參半，內⼼⾃然都會擔⼼安全的。

最後，離開香港舒適圈，到異地⽣活，最不捨的當然係家⼈，女朋友，朋友，佢地都係對我好好嘅⼈。到左外地，會有時差，冇得即時同佢地分享⾃⼰嘅情緒同諗法，冇得好⽅便咁約佢地去玩，冇得去⾒我愛的⼈。所以，擔⼼到時會思鄉掛住佢地。

「有擔⼼，才有期待」

不過我知道呢啲擔⼼係來⾃我既期待，究竟到時會認識到啲咩⼈，到時會返啲咩⼯，或者到時⾃⼰會過啲咩⽣活，⽽當地⽣活⼜適唔適合我呢？

同埋都好期待到時可以去歐洲唔同地⽅旅⾏，⾃從決定咗去英國之後，就發現咗其實由英國倫敦出發，唔需要⽤好多時間，就可以去歐洲唔同嘅國家旅⾏，例如去比利時，荷蘭，或者德國啦，甚⾄去到克羅地亞等，都係⾶⼀⾄兩個鐘就已經去到，所以期待到時有空閒嘅時間去歐洲唔同地⽅去了解⼈哋嘅⽂化，再搵到屬於⾃⼰嘅⽣活。

「旅⾏就是不知道會發⽣什麼事情才有趣。」

有啲⼈知道我嚟緊會出發，都問我係咪過去移⺠？我覺得決定去另⼀個地⽅定居之前，都要先了解吓呢個地⽅係咪適合⾃⼰所以今次去⼯作假期嘅另⼀個嘅意義就係去了解呢⼀個地⽅適唔適合⾃⼰，係咪⾃⼰將來想安定落嚟嘅地⽅？

兩年的⼯作假期，不長亦不短。計劃的時候，有幻想過⾃⼰兩年後會變成點嘅⼈，會變得獨立？更有想法？還是同出發前的⾃⼰冇分別？

但在到出發前的⼀星期，就覺得無須去預測⾃⼰會變成點。只要係旅程中好好體驗，當中的所⾒所聞所想都係未來⾃⼰⼈⽣的⼀部分。

寫在出發前的⼀星期，並於登上飛住倫敦的航班前發佈

丹尼