澳門電單車考試 A1 自動波：路試通關注意事項⚠️

免責聲明：以駕校師傅為準, 此文僅供參考,加入咗啲個人思考，有錯請指正 & 補充。

停車

• 頭盔要帶緊，貼緊皮膚為緊，唔好有罅隙。
• 頭盔有擋風要落擋風。
• 如何調後視鏡。
• 剎車要時車頭要直線，快車前剎後剎並用,慢車只用後剎（左把手）。
• 落車：
• • 落左腳→息匙→落右腳→落腳架 ->走人。

起步

• 上車：
• • 上車雙腳支撐 ->上腳架 -> 左腳掂地，收右腳 -> 著車。
• 起步腳要做好，左腳唔好掂兩次地下。

切線

• 打右燈，睇鏡 + 側望，靠線右側行駛。
• 見到領航切線，方可切線。
• 切線睇鏡 + 側望，近車和快車，要讓先。可側睇，可快速擰一下頭睇後面。
• • 不過如果考官問你做咩擰頭向後睇，就得講你係側睇一下，坊間留言話唔比擰頭，但我兩次考試都冇人話😂
• 斑馬線唔可以切線。

好駕校會車你一次，坐後面學睇鏡。

行車

• 手平放油門，否則容易加油過多。
• 手唔好離開把手，除非拗狠。（建議忍下）
• 出街考試要開近光燈，左手調近光燈，右手條開燈。
• 有啲路口要注意包頭。
• 車要開直，唔好因為渠蓋突然轉向。
• L 型路口，轉向仍然靠邊行。
• 停車時腳可以踩黃線，唔可以踩人行道。
• 有個路口要吉高望一望有冇行人，斑馬線要讓人。推電單車人士，喺斑馬線上屬於行人，要讓。揸電單車人士喺斑馬線上唔屬於行人，唔洗讓。
• 有啲路口要注意够唔够位，萬一前面條友突然停車，你就停斑馬線停車玩完。(eg.貨車停車場個到)
• 出練車場，可以兜大啲個圈，在開入出口，以免撞水馬。
• 車唔好踩實線，黃線。
• L型彎減速唔好拋出。
• 遇到障礙物 or 人行出馬路，打燈繞過，一米距離，打回燈靠邊行駛。
• 唔好比需要讓你嘅車嚇親，而變向。
• 行人身面對斑馬線，要讓人。行人企住係到，都要停車示意，行人唔喐，先好開走。
• 唔好爬頭，一個跟一個。
• 保持行車距離, 行車期間 2-3個車位, 按照車速調整,唔好太遠,唔好追尾.停車半個車位.

泊車

• 開去停車位前面,息匙落車, 左手扎方向把手,打右胎,右手扶住座椅後面個柄,然後倒車. 倒車到够位入,打翻個左胎,入停車位。方向對準之後，回直胎。

圓形地

入圓形地

• 未入圓形地+慢車，可以出。
• 要判斷車嘅車頭方向，唔好信燈。
• 電單車入圓形地,如果有並排車擋住視線，無法判斷路況,唔好出。
• 圓形地1，2，睇三點鐘方向有冇車，有車唔出。
• 回程圓形地1，可以睇大電視下面條燈柱作為參照物，車超過唔好出。
• 入圓形地要摞直，否則會被並排車撞死。圓形地1 參照物係個白牌。

圓形地切線

• 圓形地1 車頭對準藍色牌，打左燈，車頭水平超過左邊實白線，方可切線。如左方有車，繼續右線靠邊行駛，去到水平於左邊實白線最尾處停車，等到可以轉線為止。（考官通常會幫你攔車，好少要做到咁急盡）
• 圓形地2
• • 車頭對準藍色牌，打左燈，車頭水平超過左邊實白線，方可切線。
  • 紅色尖嘴來車，靠綠色行駛等變道機會，一直冇機會就，去到遠處紅色尖嘴，停車等到冇車，先好過線。

Stop 位

• 四個個條件，停車3秒，冇並排車，睇遠處，睇側邊路口。
• 出時候摞直，參照物地下有個渠蓋。（藍色飲硬）

• stop 位唔落右腳方法, 慢速，開出啲，再轉向摞直，唔好急著轉向。

考試出街

• 考場門口個讓先符號唔洗理，考試考官會攔。
• 圓形地 & stop位，考官有可能幫你攔車， 並作出加油手勢，唔好無故停車，stop 位唔洗停3秒。
• 切線，睇鏡，要讓先，考官一般會幫你攔，但唔一定攔到。
• 上午9點考,下午2點半考。聽人話上午簡單啲，路人少，車少。

請假

請病假,考試當日唔可以出現喺考場,然後開醫生紙,15日內到交通事務局申請延期.《駕駛考試提前及延期規章》

其他

學車紙帶喺身會有交警查。

大偉優點:

龍師傅（已離職）超好唔放養，車我行一次考試路線 + 八字, 期間細心講解，一次過講曬所有出街黑點。會提人帶野，做好防曬，衣著要求，記人名。鐘意鼓勵人，唔惡。可加微信，問尼排咩時間段少人，問交通規則。有唔明，够鐘都仲要車多我一轉出街，同我解釋清楚。考試前幫你加加油,心情都好d,冇咁緊張😭

大偉有得出街唔帶耳機,模擬考。

出完街會一個個講解，做錯咗d咩, 點改進,有唔明可以問.

耳機比較好戴,係半入耳式Apple EarPods。

大偉 200cc打燈冇滴答聲, 反饋咗之後,居然幫手改成有聲 OMG!

行政人員全部都唔錯,唔會一問三不知, 出街時間,練車時間,比錢前都講清楚. 車檔個工作人員, 仲行埋過黎,問我改完滴答聲,够唔够大聲,聽唔聽到.

係上家練車嘅時候睇到大偉師傅盡心盡力教佢啲學員，睇到好心寒, 覺得自己成個孤兒仔，冇人教。上一家出街又唔講清楚交通規則，搞到我飲。

討論區