4. pifetik ato kangodo彈酒祭與敬畏
[阿美語]
O mafana'ay a miahowid to Kawas ko Pangcah. I 'ayaw no kakomaen ato kakomaen to epah, mifetik aca kita. O "mifetik" hananay, fetik han ko satoro' to epah anca seni' han ko mamang a epah i sasera, o sakangodo to Kawas a lisin konini. Ta, caciyaw ko mato’asay" Na, Kawasaw! Oni a epah, Kaento namo. Nanay paka'oripen ko wawa, pakarihadayen ko mato'asay, hay caay kapasayra i tati'ihay a lalan ko rakat no wawa niyam." Oni a sowal, o nani sapo'eneray a faloco’ no finawlan. Maemin a miocekoy ko alomanay a mitilon, o kangodo no niyam to Kawas konini.
I ilisin no niyaro’, mahaen a mahapinang ko piahowid no faloco'. O radiw no ilisin, caay ko sapisalama aca, o sakangodoaw to Kawas, saka, o sa’icelay a kero' ko mipato’ayaan no kapah. “Aray! Aray!" sato ko finawlan.
Ano mi’adop, anca mifoting, caay pisimed to tama' ko Pangcah. Ano adihay ko foting, mapatodong ko fakifaki, o fayifaifai. O nipafelian no Kawas, o sapalacecay to finawlan, " o caay ko no mako a cecay, o no mita a maemin" sanay.
[中文]
阿美族人是會感激 神的。在吃飯及喝酒前，我們總是會「mifetik」。mifetik，就是以食指彈酒或是將少量的酒撒在地上，這是敬神的禮儀。然後長輩們會說：「吶，神啊！這個酒，你們吃吧。但願讓孩子活下去，也賜平安給長輩。好讓我們的孩子不會走向不好的路。」這些話，是出自族人謙卑的心。而眾人也都低著頭禱告，這是我們對 神的敬畏。
在部落的豐年祭典中，感恩之情也是同樣表露無遺。豐年祭的歌，不只是為了玩樂，是為了尊敬 神，所以，青年人所獻上的是最有力量的舞蹈。於是族人就「感謝！感謝！」的說著。
無論是狩獵或是捕魚，阿美族人是不私藏獵物的。如果魚很多，會分給叔叔們！阿姨們。神所賜予的，是用來團結族人的，表示「這不是我一個人的，是我們大家的」的意思。
