《中環攻略》之七：第一章：銀行 ｜ 零售銀行：中庭 ｜ 網絡發展

網絡發展：分銷銀行產品、調兵遣將嘅幕後主腦

一間銀行嘅分行網絡越大，網絡發展呢個部門嘅責任就越大。其實一般中小型嘅零售銀行閒閒地都廿幾卅間分行或服務點，大型銀行嘅據點數目就隨時過百。如果冇網絡發展呢個中央統籌部門去協調港九新界十八區嘅分行，由得每間分行各自為政、自由發揮，情境都應該會相當有趣甚至滑稽。